ພະລັງຊື້ຜູ້ບໍລິໂພກໃນຈີນມະຫາສານ… ແຫ່ສັ່ງຊື້ສິນຄ້າທາງອອນໄລນ໌ ທີ່ຈັດມະຫະກຳຫລຸດລາຄາສິນຄ້າ ສະຫລອງ ‘ມື້ຄົນໂສດ’ ຈົນຍອດອໍເດີ້ຂອງ ບໍລິສັດ ອາລີບາບາ ສູງຂື້ນຢ່າງໄວວາເປັນເງີນກວ່າ 3.9 ພັນລ້ານດອນລາ ພາຍໃນເວລາຊົ່ວໂມງທຳອິດ
ເມື່ອ 11 ພະຈິກ ສຳນັກຂ່າວບີບີຊີ ລາຍງານ ເທດສະການມື້ຄົນໂສດໃນຈີນ ສົ່ງຜົນໃຫ້ເວັບໄຊຕ໌ ‘ອາລີບາບາ’ ເວັບໄຊຕ໌ຂາຍສິນຄ້າທາງອອນໄລນ໌ລາຍໃຫຍ່ສຸດຂອງຈີນ ຍອດຂາຍສູງເຖິງກວ່າ 3.9 ພັນລ້ານດອນລາລ໌ ພາຍໃນຊົ່ວໂມງທຳອິດ ຊຶ່ງຖືເປັນຍອດຈຳໜ່າຍທີ່ສູງກວ່າໄລຍະເວລາດຽວກັນເມື່ອທຽບກັບປີກ່ອນ ຊຶ່ງຢູ່ທີ່ 2 ພັນລ້ານດອນລາ
ບໍລິສັດ ອາລີບາບາ ຍັງເຜີຍວ່າພຽງແຕ່ 8 ນາທີທຳອິດຂອງມື້ຄົນໂສດ ປາກົດວ່າມີຄົນແຫ່ສັ່ງຊື້ສິນຄ້າໄປແລ້ວ ເຖິງ 1 ພັນລ້ານດອນລາ ຂະນະທີ່ ດ້ານເວັບໄຊຕ໌ອາລິຊິລາ (Alizila) ກໍຄາດວ່າທາງບໍລິສັດຈະມີຍອດຄົນສັ່ງຊື້ສິນຄ້າເປັນຈຳນວນເງີນເຖິງ 6.5 ພັນລ້ານດອນລາ
ທັງນີ້ ມື້ຄົນໂສດ ຫລືຮູ້ຈັກໃນຊື່ ‘ດັບເບີນ ອີເລເວ່ນ’ (Double Eleven) ຊີ່ງກົງກັບວັນທີ່ 11 ເດືອນ 11 ຖືເປັນເທດສະການຢ່າງບໍ່ເປັນທາງການຂອງໝູ່ໄວລຸ້ນຄົນໜຸ່ມສາວໃນຈີນ ເພື່ອເປັນມື້ສະຫລອງຂອງຄົົນທີ່ຍັງໂສດຢູ່ ໂດຍເກີດຂຶ້ນເທື່ອທຳອິດໃນມະຫາວິທະຍາໄລ ແລະໄດ້ແພ່ອອກໄປເປັນວົງກວ້າງຜ່ານສື່ອອນໄລນ໌ ຂະນະທີ່ເວັບໄຊຕ໌ຈຳໜ່າຍສິນຄ້າອອນໄລນ໌ຂອງຈີນກໍໄດ້ມີການຈັດມະຫະກຳຫລຸດລາຄາສິນຄ້າ ເພື່ອດຶງດູດໃຈ