ວີນັສ ວິລລຽມ ນັກເທນນີສຍິງຈາກອາເມຣິກາ ປິດສາກລະດູການ 2015 ໄດ້ຢ່າງໜ້າປະທັບໃຈຫຼັງຈາກຄວ້າແຊ້ມ ດັບເບີນຢູທີເອ ທົວ ລາຍການ ອີລິທ ໂທຣຟີ ທີ່ ຮົງກົງ ເມື່ອວັນທີ 8 ພະຈິກ 2015 ທີ່ຜ່ານມາ ກ່ອນກັບເຂົ້າສູ່ອັນດັບທີ 10 ຂອງໂລກຢ່າງເປັນທາງການໃນຮອບ 4 ປີ

ແຊ້ມ ແກຣນ ສະແລມ 7 ສະໄໝ ລົງແຂ່ງຂັນທົວນາເມນສຸດທ້າຍຂອງປີທີ່ ຮົງກົງ ໂດນຮອບນີ້ເປນການຊິງໄຊກັບ ຄາໂຣລິນາ ພລີສໂຄວາ ຈາກສາທາລະນະລັດ ເຊັກ ປາກົດວ່າສູ້ກັນດຸເດືອດທັງສອງເຊັດກ່ອນເປັນ ວີນັສ ທີ່ຟອມແຂງແກ່ນເອົາຊະນະໄປແບບສຸດມັນ 2-0 ເຊັດ 7-5, 7-6 (8/6)

ສົ່ງຜົນໃຫ້ ວີນັສ ປິດລະດູການດ້ວຍແຊ້ມຖ້ວຍທີ 3 ຂອງປີຕໍ່ຈາກທີ່ ອັກແລນ ແລະ ອູ່ຮັນ ພ້ອມເງິນລາງວັນ 635,000 ໂດລາ (ປະມານ 5 ຕື້ກວ່າກີບ)
ນອກຈາກນີ້ແຊ້ມທີ່ຮົງກົງ ຍັງສົ່ງຜົນໃຫ້ ວີນັສ ກັບເຂົ້າສູ່ທ໊ອບ 10 ເປັນຄັ້ງທຳອິດຕັ້ງແຕ່ປີ 2011ໂດຍຈະຂື້ນໄປຢູ່ທີ່ອັນດັບທີ 7 ຂອງໂລກໃນການຈັດອັນດັບຄັ້ງໄໝ່