ສຳນັກຂ່າວຕ່າງປະເທດ ລາຍງານໃນວັນທີ 4 ພະຈິກນີ້ວ່າ ດຣ. ຊາຊານນາ ລາສສັນ ແລະ ທີມນັກວິໄຈຂອງ ສະຖາບັນການແພດ ແຄໂຣລິນສະກາ ແຫ່ງປະເທດສະວີເດັນ ໄດ້ຢືນຢັນຜົນຂອງການວິໄຈພວກຕົນວ່າ ຜູ້ຊາຍທີ່ດື່ມນ້ຳຫວານ ຫລື ນ້ຳອັດລົມ 2 ຈອກຕໍ່ມື້ ຈະມີຄວາມສ່ຽງ ເກີດອາການຫົວໃຈລົ້ມເຫລວ ຫລາຍກ່ວາຄົນທີ່ບໍ່ດື່ມເຖິງ 23% ແລະ ຜູ້ຍິງກໍມີຄວາມສ່ຽງເຊັ່ນກັນ ໂດຍການວິໄຈດັ່ງກ່າວ ແມ່ນໃຊ້ເວລາເກັບກຳຂໍ້ມູນ ດົນເຖິງ 12 ປີ ຈາກກຸ່ມຕົວຢ່າງທີ່ເປັນເພດຊາຍ ຈຳນວນ 42,000 ຄົນ.