ໂຣເຈີ ເຟເດີເຣີ ນັກເທນນີສມືອັນດັບ 3 ຂອງໂລກ ຕ້ອງອອກແຮງເຖິງ 3 ເຊັດ ກ່ອນຈະເອົາຊະນະ ຟິລິບ ໂຄຊະໄຣເບີ ຈາກເຢຍລະມັນ ເຂົ້າຮອບກ່ອນຮອງຊະນະເລີດໃນ ເອທີພີ ທົວ ລາຍການ “ສະວີສ ອິນດໍຣ໌ ບາເຊິລ” ທີ່ສະວິດເຊີແລນ

ການແຂ່ງຂັນເທນນີສ ເອທີພີ ທົວ ລາຍການ “ສະວີສ ອິນດໍຣ໌ ບາເຊິລ” ທີ່ສະວິດເຊີແລນ ຊິງເງິນລາງວັນລມ 2 ລ້ານເອີໂຣ (ປະມານ 20 ຕື້ກີບ) ເມື່ອວັນພະຫັດວັນທີ 29 ຕຸລາ 2015 ທີ່ຜ່ານມາ ເປັນການດວນກັນໃນປະເພດຊາຍດ່ຽວຮອບ 2 ໂດຍມີໄຮໄລສຳຄັນຢູ່ທີ່ ໂຣເຈີ ເຟເດີເຣີ ຂວັນໃຈເຈົ້າຖີ່ນພົບກັບ ຟິລິບ ໂຄຊະໄຣເບີ
ການແຂ່ງຂັນພິກໄປພິກມາດ້ວຍການເລຣກເສີບພຽງຄັ້ງດຽວຂອງແຕ່ລະເຊັດ ສຸດທ້າຍ ໂຣເຈີ ເຟເດິເຣີ ມື 1 ຂອງລາຍການປ່ຽນເບຣກພອຍທ໌ 2 ຈາກ 3 ຄັ້ງ ເອົາຊະນະ ໂຄຊະໄຣເບີ ມື 32 ຂອງໂລກ ພຽງແມັດພອຍທ໌ຄັ້ງທຳອິດດ້ວຍການຂື້ນບອນເລ່ໜ້າຕາໜາງ ຄະແນນ 6-4, 4-6 ແລະ 6-4

ເຮັດໃຫ້ ໂຣເຈີ ໄວ 33 ປີຄົນນີ້ ເຊີ່ງກຳລັງໄລ່ລ່າແຊ້ມທີ່ບ້ານເກີດສະໄໝທີ 7 ຜ່ານເຂົ້າຮອບ 8 ຄົນສຸດທ້າຍຈະໄປພົບກັບ ດາວິດ ກອຟຟິນ ຈາກເບວຢຽມໃນຄ່ຳຄືນຂອງມື້ນີ້ ວັນສຸກວັນທີ 30 ຕຸລາ 2015