spot_img
Homeຂ່າວພາຍ​ໃນປີໂຕຣລຽມ ເທຣດດິ້ງ ລາວ ສືບຕໍ່ຊ່ວຍເຫຼືອຜ້າຫົ່ມໃຫ້ຜູ້ປະສົບໄພໜາວ

ປີໂຕຣລຽມ ເທຣດດິ້ງ ລາວ ສືບຕໍ່ຊ່ວຍເຫຼືອຜ້າຫົ່ມໃຫ້ຜູ້ປະສົບໄພໜາວ

Published on

ປີໂຕຣລຽມ ເທຣດດິ້ງ ລາວ ສືບຕໍ່ຊ່ວຍເຫຼືອຜ້າຫົ່ມໃຫ້ຜູ້ປະສົບໄພໜາວ

ພິທີ​ຖະແຫຼງ​ຂ່າວ​ໂຄງການ​ຄາ​ຣາ​ວານ​ການ​ກຸສົນ ປັນ​ນ້ຳໃຈ​ຊ່ວຍ​ຜູ້​ປະສົບ​ໄພ​ໜາວ​ທົ່ວ​ປະເທດ ຄັ້ງ​ທີ 3 ປະຈຳ​ປີ 2013 ແລະ ພິທີ​ມອບ​ເຄື່ອງ​ຊ່ວຍເຫຼືອ​ເງິນ 100 ລ້ານ​ກີບ ແລະ ຜ້າຫົ່ມ 1.000 ຜືນ ໃຫ້​ແກ່​ຄະນະ​ພັດທະນາ​ຊົນນະບົດ ແລະ ລຶບລ້າງ​ຄວາມທຸກ​ຍາກ​ຂັ້ນ​ສູນ​ກາງຂອງ​ບໍລິສັດ ປີ​ໂຕຣ​ລຽມ ເທຣດ​ດິ້ງ ລາວ ຈຳກັດ ໄດ້​ຈັດ​ຂຶ້ນ​ວັນ​ທີ 25 ພະຈິກ 2013 ຜ່ານ​ມາ ທີ່​ໂຮງແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ ຊຶ່ງ​ມີ​ທ່ານ ບຸນ​ເຮືອງ ດວງ​ພະຈັນ ລັດຖະມົນຕີ​ປະຈຳ​ຫ້ອງ​ວ່າການ​ລັດຖະບານ ປະທານ​ຄະນະ​ຮັບຜິດຊອບ​ພັດທະນາ​ຊົນນະບົດ ແລະ ລຶບລ້າງ​ຄວາມທຸກ​ຍາກ​ຂັ້ນ​ສູນ​ກາງ ທ່ານ​ນາງ ຈັນທະ​ດອມ ເມກ​ສະຫວັນ ຜູ້ອຳນວຍການ​ຝ່າຍ​ບັນຊີ-ການ​ເງິນ ບໍລິສັດ ປີ​ໂຕຣ​ລຽມ ເທຣດ​ດິ້ງ ລາວ ຈຳກັດ ພ້ອມ​ດ້ວຍ​ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ໂຄງການ​ຄາ​ຣາ​ວານ​ການ​ກຸສົນ​ນີ້ ເປັນ​ໂຄງການ​ນຳ​ເອົາ​ວັດຖຸ ແລະ ປັດ​ໄຈ​ຈາກ​ການ​ປະກອບສ່ວນ​ຂອງ​ຫຼາຍໆ​ພາກສ່ວນ ໄປ​ມອບ​ໃຫ້​ແກ່​ບັນດາ​ພໍ່​ແມ່​ປະຊາຊົນ​ທີ່ຢູ່​ເຂດ​ທຸລະກັນດານ ແລະ ຫ່າງ​ໄກ​ສອກຫຼີກ ໂດຍ​ສະເພາະ​ກໍ​ແມ່ນ​ຜ້າຫົ່ມ ເຊິ່ງ​ໃນ​ການ​ປະຕິບັດ​ໂຄງການ​ນີ້ ແມ່ນ​ໄດ້​ຮັບ​ການ​ຮ່ວມ​ມື​ເປັນ​ຢ່າງ​ດີ​ຈາກ​ພາກ​ລັດ ກໍ​ຄື​ພະ​ແນກ​ແຮງ​ງານ ແລະ ສະຫວັດດີ​ການ-ສັງຄົມ ຂອງ​ແຕ່​ລະ​ແຂວງ ແລະ ສະມາຄົມ​ລົດ Off Road ແຫ່ງ​ປະເທດ​ລາວ ຊຶ່ງ​ພາຍ​ໃນ 2 ປີຜ່ານມາ ໂຄງການ​ຄາ​ຣາ​ວານ​ການ​ກຸສົນ ໄດ້​ນຳ​ສິ່ງ​ຂອງ​ໄປ​ຊ່ວຍເຫຼືອ​ໃຫ້​ແກ່​ປະຊາຊົນ​ຜູ້​ທຸກ​ຍາກ ໄດ້​ຈຳນວນ 4.500 ຄອບຄົວ ຈາກ​ທັງ​ໝົດ 9 ແຂວງ ລວມ​ມູນ​ຄ່າ 2,4 ຕື້​ກວ່າ​ກີບ ແລະ ໃນ​ປີ 2013 ຂະ​ບວນ​ຄາ​ຣາ​ວານ ກໍ​ຈະ​ໄດ້​ສືບຕໍ່​ນຳ​ເອົາ​ຜ້າຫົ່ມ​ຈາກ​ທາງ​ບໍລິສັດ​ຈຳນວນ 20.000 ຜືນ ລວມ​ມູນ​ຄ່າ 1,75 ຕື້​ກີບ ໄປ​ມອບ​ໃຫ້​ແກ່​ປະຊາຊົນ​ໃນ​ຈຳນວນ 6 ແຂວງ​ຄື: ແຂວງ​ຫົວພັນ ຊຽງ​ຂວາງ ໄຊ​ຍະ​ບູ​ລີ ສະຫວັນ​ນະ​ເຂດ ແລະ ແຂວງ​ອັດ​ຕະ​ປື.

ກິດຈະກຳ​ຄັ້ງ​ນີ້ ທາງ​ບໍລິສັດ ປີ​ໂຕຣ​ລຽມ ເທຣດ​ດິ້ງ ລາວ ສືບຕໍ່​ຮ່ວມ​ກັບ​ສະມາຄົມ​ລົດ Off Road ແຫ່ງ​ປະເທດ​ລາວ ຊຶ່ງ​ຂະ​ບວນ​ຄາ​ຣາ​ວານ​ອອກ​ເດີນທາງ​ແບ່ງ​ອອກ​ເປັນ 3 ໄລຍະ​ຄື: ວັນ​ທີ 28-30 ພະຈິກ 2013 ໄປ​ແຂວງ​ໄຊ​ຍະ​ບູ​ລີ ວັນ​ທີ 7-15 ມັງກອນ 2014 ໄປ​ແຂວງ​ຊຽງ​ຂວາງ ແລະ ແຂວງ​ຫົວພັນ ແລະ ວັນ​ທີ 28 ມັງກອນ-3 ກຸມພາ 2014 ໄປ​ແຂວງ​ສະຫວັນ​ນະ​ເຂດ ສາລະ​ວັນ ແລະ ແຂວງ​ອັດ​ຕະ​ປື.

ທີ່ມາhttp://www.vientianemai.net

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...