ເຊື່ອວ່າຫລາຍຄົນຄືຊິ ປິດແອັບພິເຄຊັ່ນແບບ Force Close ຫລືການປິດແອັບ ເທິງ iOS ດ້ວຍການດັບເບີນຄລິກທີ່ປຸ່ມ Home ເພື່ອເປີດ App Switcher ແລ້ວປັດແອັບຂຶ້ນດ້ານເທິງ ເພື່ອປິດແອັບທີ່ເປີດຢູ່ ເທິງ iPhone, iPad ,iPod touch ຊຶ່ງຜູ້ໃຊ້ສ່ວນໃຫຍ່ເຊື່ອວ່າ ການເຮັດແບບນີ້ ຈະຊ່ວຍເຮັດໃຫ້ຕົວເຄື່ອງໄວຂຶ້ນ ແລະປະຫຍັດແບດເຕີຣີ່ ເນື່ອງຈາກບໍ່ມີແອັບຄ້າງ ແລະບໍ່ສິ້ນເປືອງຊັບພະຍາກອນເຄື່ອງ ແຕ່ຮູ້ຫລືບໍ່ວ່າ ການປິດແອັບ ເທິງ iOS ນັ້ນ ເກືອບຈະບໍ່ມີຜົນໃດໆ ຕໍ່ການປະມວນຜົນເລີຍ ຈະປິດ ຫລືບໍ່ປິດ ຕົວເຄື່ອງກໍກິນຊັບພະຍາກອນເທົ່າເກົ່າ
ປົກກະຕິແລ້ວ ລະບົບປະຕິບັດການ iOS ຂອງ Apple ຈະສາມາດວິເຄາະໄດ້ວ່າ ແອັບດັ່ງກ່າວ ຄວນຈະປະມວນຜົນຕໍ່ໄປ, ຢຸດການປະມວນຜົນຊົ່ວຄາວ ຫລືປິດແອັບ ດັ່ງກ່າວຖິ້ມໄປ ຊຶ່ງຈະເຮັດວຽກໂດຍອັດຕະໂນມັດ ໃນຄວາມເປັນຈິງ ການເຮັດວຽກງານຂອງ App Switcher ຈະເປັນການສະແດງວ່າ ເຄີຍມີແອັບພິເຄຊັ່ນໃດເຄີຍເປີດໃຊ້ງານມາແລ້ວນຳເທົ່ານັ້ນ ໂດຍຈະບໍ່ຄຳນຶງເຖິງວ່າ ແອັບພິເຄຊັ່ນດັ່ງກ່າວ ຈະຍັງມີການປະມວນຜົນຢູ່ຫລືບໍ່
ເພື່ອພິສູດດັ່ງກ່າວ ໃຫ້ລອງ Restart ເຄື່ອງ ແລະເມື່ອຕົວເຄື່ອງພ້ອມໃຊ້ງານອີກເທື່ອ ໃຫ້ລອງເປີດ App Switcher ຂຶ້ນມາ ຈະເຫັນວ່າ ຍັງປາກົດແອັບພິເຄຊັນເກົ່າທີ່ເຄີຍເປີດໃຊ້ງານກ່ອນທຳການ Restart ສະນັ້ນ ໜ້າຈະເປັນການສະຫລຸບໄດ້ວ່າ ແອັບພິເຄຊັນທີ່ປາກົດເທິງ App Switcher ນັ້ນ ບໍ່ມີຄວາມກ່ຽວພັນໃດໆ ກັບການປະມວນຜົນ ສະນັ້ນ ຕໍ່ໃຫ້ປິດແອັບ ແບບ Force Close ກໍບໍ່ເຮັດໃຫ້ຕົວເຄື່ອງປະມວນຜົນໄດ້ໄວຂຶ້ນແຕ່ຢ່າງໃດ
ສ່ວນການ Force Close ຄວນຈະເຮັດຕອນໃດ? ເມື່ອໃດກໍຕາມທີ່ໃຊ້ງານແອັບພິເຄຊັນໃດໆຢູ່ ແລ້ວເກີດແອັບ ຄ້າງ ບໍ່ສາມາດກົດປຸ່ມ ຫລືພິມຫຍັງໄດ້ ນັ້ນແຫລະຄືເວລາຂອງການ Force Close ດ້ວຍການກົດປຸ່ມ Home 2 ເທື່ອ ແລ້ວປິດແອັບ ທີ່ຄ້າງ ຈາກນັ້ນ ໃຫ້ເປີດໃຊ້ງານໃໝ່ອີກເທື່ອ
ແຕ່ຖ້າຫາກທ່ານໃດທີ່ກັງວົນວ່າ ແບດເຕີຣີ່ຈະໝົດໄວ ໃຊ້ບໍ່ພໍ ມີວິທີແກ້ໄຂເບື້ອງຕົ້ນຫລວງຫລາຍ ທັງການ ປັບຄວາມແຈ້ງໜ້າຈໍ, ເປີດໂໝດ Low Power Mode (ຕ້ອງອັບເດດເປັນ iOS 9 ເສຍກ່ອນ) ຫລືປິດການເຮັດວຽກງານ Background App Refresh (ເຂົ້າໄປທີ່ Settings > General > Background App Refresh) ກໍຈະຊ່ວຍຍືດອາຍຸແບດເຕີຣີ່ໄດ້ເຊັ່ນກັນ