<ignore_js_op>

ແບັດເຕີລີໃນອະນາຄົດອາດຈະບໍ່ມີວັນເສື່ອມສະພາບ

ປັນຫາຂອງແບັດເຕີລີ Li-ion ໃນປະຈຸບັນກໍຄົງໜີບໍ່ພົ້ນການທີ່ມີໄລຍະເວລາການໃຊ້ງານ (cycle) ຄ່ອນຂ້າງຈຳກັດ ແລະຍິ່ງໃຊ້ຫຼາຍຮອບເຂົ້າ ກໍຍິ່ງເຮັດໃຫ້ເນກາທີບ ອີເລັກໂທຣດ ເກັບອີເລັກທຣອນໄດ້ນ້ອຍລົງໄປເລື້ອຍໆ (ແປ : ແບັດເຕີລີເຊື່ອມຕາມການໃຊ້ງານ ຍິ່ງດົນຍິ່ງເກັບໄຟໄດ້ໜ້ອຍລົງ) ແລະໃນໂລກອະນາຄົດຂອງໂທລະສັບມືຖືນັ້ນມີແນວໂນ້ມວ່າແບັດເຕີລີຈະໃຊ້ຫຼາຍຂື້ນເລື້ອຍໆ ເຊິ່ງວິທີນີ້ຄົງບໍ່ດີແນ່ນອນ ດັ່ງນັ້ນນັກວິໄຈທີ່ມະຫາວິທະຍາໄລສະແຕນຟອຣດກໍເລີຍໄດ້ເຮັດການວິໄຈພັດທະນາແບັດເຕີລີທີ່ຮັກສາຕົວເອງໄດ້ຂື້ນມາ

ໃນຊ່ວງຫຼາຍປີທີ່ຜ່ານມານີ້ນັກວິໄຈໄດ້ໝຸ່ງເນັ້ນເລື່ອງເພີ່ມຄວາມໜາແໜັ້ນຂອງພະລັງງານໃນ Li-ion ແລະຫຼຸດນ້ຳໜັກໃຫ້ເບົາລົງຍິ່ງຂື້ນ ດ້ວຍຜົນລັບງານວິໄຈເຮັດໃຫ້ໄດ້ງານອັນສຳຄັນຂື້ນມາ ເຊິ່ງເປັນການນຳຊີລີຄອນໄປໃຊ້ໃນແຄໂທດ ເຮັດໃຫ້ສາມາດເກັບປະຈຸອີເລັກຕຣອນໄດ້ຫຼາຍກວ່າແບບປະຈຸບັນທີ່ເປັນອອກໄຊ ແຕ່ຈະມີປັນຫາຢູ່ທີ່ວ່າເມື່ອອັດອີເລັກຕຣອນເຂົ້າໄປແລ້ວຈະຂະຫຍາຍຕົວເຖິງ 300% ແລະຫຼຸດຂະໜາດລົງເມື່ອໃຊ້ປະຈຸໄຟໝົດ ການຂະຫຍາຍຕົວນີ້ເປັນປັນຫາທີ່ເຮັດໃຫ້ວັດສະດຸແລະກອບບັນຈຸແຕກຫຼັງຈາກທີ່ໃຊ້ໄປບໍ່ດົນ

<ignore_js_op>

ເຖິງວ່າແບັດເຕີລີຄນສະພາບຕົວເອງໄດ້ນີ້ຈະບໍ່ໄດ້ແກ້ປັນຫາເລື່ອງຂະຫຍາຍ-ຫົດຕົວຈົນເຮັດໃຫ້ວັດສະດຸແຕກຫັກໂດຍກົງ ແຕ່ວ່າຄືນສະພາບຕົວເອງໄດ້ແທນ ໂດຍທີມນັກວິໄຈເຮັດໃຫ້ພັນທະຫຼັກບາງຕົວຫຼຸດຄວາມແຂງແຮງລົງ ເຮັດໃຫ້ພັນທະທີ່ອ່ອນຫຼາຍໆ ອັນັນ້ນຈັບຕົວກັບແລະເຮັດການພັນທະໃໝ່ ແທນທີ່ຈະແຕກຫັກຕາມປົກກະຕິ

ການນຳເອົາຊີລີຄອນມາໃຊ້ເປັນອີເລັກໂທຣດນັ້ນເຮັດໃຫ້ທົນທານກວ່າເກົ່າສິບເທົ່າ ເມື່ອນຳມາເຄືອບດ້ວຍໂພລີໂມຄືນສະພາບຕົວນີ້ ເຮັດໃຫ້ຮອຍແຕກຫັກທັງຫຼາຍຄືນສະພາບເກົ່າໄດ້ບໍ່ຮອດຊົ່ວໂມງ

ສຳລັບອີເລັກໂທຣດປະຈຸບັນນັ້ນໃຊ້ງານໄດ້ປະມານ 100 cycle ເທົ່ານັ້ນ ທາງທີມນັກວິໄຈຄາດວ່າຈະເຮັດໃຫ້ໄດ້ 500 cycle ໃຫ້ໄດ້ສຳລັບໂທລະສັບ ແລະ 3,000 Cycle ສຳລັບອຸປະກອນແບບລົດ,ຍົນ ຫຼືເຄື່ອງຈັກອື່ນໆ ເມື່ອນຳເລື່ອງຊີລີຄອນມາເປັນອີເລັກໂທຣດ ແລະໃຊ້ໂພລີເມີຕົວນີ້ໃນການຮັກສາສະພາບການໃຊ້ງານ ໄລຍະຍາວແລ້ວເຮົາຄົງຈະໄດ້ໃຊ້ແບັດເຕີລີທີ່ທົນທານ ແລະເກັບບັນຈຸໄຟໄດ້ຫຼາຍຂື້ນນັ້ນເອງ

ທີ່ມາ: Gizmodo