ປິດສາກລົງເປັນທີ່ຮຽບຮ້ອຍແລ້ວສຳລັບການແຂ່ງຂັນບານເຕະ AFC U-19 Championship qualification ທີ່ລາວເຮົາໄດ້ຮັບກຽດເປັນເຈົ້າພາບໃນຮອບແບ່ງກຸ່ມ ເລີ່ມແຕ່ວັນທີ 2-6 ຕຸລາ 2015 ນີ້ ເຊີ່ງທີມຊາດລາວເຮົາຢູ່ໃນກຸ່ມ J ມີ ທີມຊາດ ຢີ່ປຸ່ນ, ທີມຊາດ ອົດສະຕາລີ, ທີມຊາດ ຟິລິບປິນ ; ໃນນັ້ນການລົງແຂ່ງຂັນ 3 ນັດ ທີມຊາດລາວເຮົາ ຊະນະ 1 ນັດ ແລະ ເສຍ 2 ນັດ ນັດທີ 1 ເສຍໃຫ້ທີມຊາດຢີ່ປຸ່ນ 0-2 ປະຕູ, ນັດທີ​ 2 ເສຍໃຫ້ທີມຊາດອົດສະຕາລີ 0-2, ນັດທີ 3 ເອົາຊະນະທີມຊາດຟິລິບປິນ 2-1 ປະຕູ ລາວເຮົາຍາດມາໄດ້ພຽງອັນດັບທີ 3 ຂອງກຸ່ມ (ຕົກຮອບ) ສ່ວນວ່າອັບດັບ​ທີ 1 ແມ່ນທີມຊາດ ຢີ່ປຸ່ນ(ເຂົ້າຮອບ), ອັນດັບທີ 2 ແມ່ນທີມຊາດ ອົດສະຕາລີ (ເຂົ້າຮອບ), ອັນດັບທີ 3 ແມ່ນທີມຊາດລາວ (ຕົກຮອບ) ແລະ ອັນດັບທີ 4​ ທີມຊາດຟິລິບປິນ (ຕົກຮອບ)
ເຖິງຢ່າງໃດກໍ່ຕາມການແຂ່ງຂັນໃນຄັ້ງນີ້ແມ່ນສ້າງບົດຮຽນແລະປະສົບການໃຫ້ກັບທີມຊາດລາວຢ່າງຫຼວງຫຼາຍເພາະເຮົາສາມາດສັງເກດຈາກລູກເສຍປະຕູໃຫ້ກັບທີມອັນດັບຕົ້ນໆຂອງທະວີບອາຊີບໍ່ຫຼາຍຈົນເກີນໄປ ແລະ ຍັງຕ້ອງມີຂໍ້ປັບປຸງແກ້ໄຂຫຼາຍໆຈຸດທີ່ຄູເຝິກຕ້ອງໄດ້ເບີ່ງຄືນຕື່ມເພື່ອແກ້ໄຂໃນການແຂ່ງຂັນຄັ້ງຕໍ່ໄປ