ໜຶ່ງໃນບັນດາໄພທີ່ຖືກເຝົ້າສັງເກດເປັນພິເສດຂອງໂລກ ຄືການລະເບີດຂອງພູເຂົາໄຟ ແລະ ພູເຂົາໄຟທີ່ຖືກສັງເກດຫລາຍທີ່ສຸດນັ້ນຄື “ມະຫາພູເຂົາໄຟເຍນໂລ່ສະໂຕນ” (YellowstoneSupervolcano ) ໃນປະເທດສະຫາລັດອາເມຣິກາ ແຕ່ຢ່າງໃດກໍຕາມ ນັ້ນເປັນພຽງແຕ່ໜຶ່ງໃນບັນດາພູເຂົາໄຟຈຳນວນຫລາຍເທິງໂລກນີ້ເທົ່ານັ້ນ
ມະຫາພູເຂົາໄຟໂຕບາ (Lake Toba Supervolcano) ໃນເກາະສຸມາດຕາ ປະເທດອິນໂດນີເຊຍ ແມ່ນບໍ່ຖືກກ່າວເຖິງເທົ່າພູເຂົາໄຟເຍນໂລ່ສະໂຕນ ແຕ່ຄາດກັນວ່າການລະເບີດຂອງມັນເມື່ອ 25,000,000 ປີ ແລະ 74,000 ປີກ່ອນ ຄວາມເສຍຫາຍຈາກພູເຂົາໄຟ ແລະ ລາວາຂອງມັນປົກຄຸມພື້ນດິນ ແລະ ຊັ້ນບັນຍາກາດປະມານ 2,800 ກິໂລແມັດ ຫລາຍກວ່າການລະເບີດເທື່ອສຸດທ້າຍຂອງພູເຂົາໄຟເຍນໂລ່ສະໂຕນເຖິງ12 ເທົ່າ ມັນຍັງມີແນວໂນ້ມຈະລະເບີດອີກເທື່ອຢູ່ຕະຫລອດເວລາ
ຄາດວ່າຫາກມັນລະເບີດອີກເທື່ອ ພູເຂົາໄຟ ແລະ ແກັສຊັນເຟີໄດອອກໄຊສ າມາດທຳລາຍສະພາບອາກາດຂອງໂລກໄດ້ ທີ່ຕັ້ງຂອງມັນໃນປະຈຸບັນມີປະຊາກອນອາໄສຢູ່ບໍ່ໜ້ອຍ ຫາກມັນລະເບີດຂຶ້ນມາ ອາດເຮັດໃຫ້ມີຜູ້ເສຍຊີວິດໄດ້ເຖິງຫ້າສິບລ້ານຄົນ ແລະ ຈະເຮັດໃຫ້ເກີດຄື້ນສຶນາມິຂຶ້ນໃນມະຫາທະເລອິນເດຍທີ່ຫ່າງໄກອອກໄປ 40 ກິໂລແມັດ
ແມ່ນທີ່ຜ່ານມາໂອກາດລະເບີດຂອງມັນຍັງໜ້ອຍກວ່າພູເຂົາໄຟເຍນໂລ່ສະໂຕນຢູ່ຫລາຍ ແຕ່ວ່າໃນໄລຍະບໍ່ດົນມານີ້ ມີລາຍງານວ່າຄວາມຮ້ອນ ແລະ ແກັສທີ່ພື້ນຜິວຂອງພູເຂົາໄຟນີ້ເລີ່ມເພີ່ມຫລາຍຂຶ້ນຜິດປົກກະຕິ ບາງທີອາດຈະຕື່ນຂຶ້ນມາອີກເທື່ອໃນບໍ່ດົນນີ້ກໍເປັນໄດ້