ຄຣິສເຕຍໂນ ໂຣນັນໂດ ປີກຈອມຍິງ ຂອງ ເຣອັລ ມາດຣິດ ຍິງເຂົ້າປະຕູເກີນ 500 ປະຕູ ຕະຫຼອດອາຊີບ, ໃນການແຂ່ງຂັນ ຢູຟາ ແຊ້ມປຽນລີກ 2015-2016 ກັບ ມັລໂມ ເອຟເອຟ ທີ່ສະໜາມ ສະເວດແບງຄ໌ ສະເຕດຽມ ເມື່ອວັນພຸດວັນທີ 30 ກັນຍາ 2015 ທີ່ຜ່ານມາ

ອະດີດນັກເຕະຄ່າຕົວແພງທີ່ສຸດຂອງໂລກ 80 ລ້ານປອນດ໌ ( 1000 ຕື້ກີບ ) ຍິງລູກທີ 500 ແລະ 501 ພາ “ຣາຊັນຊຸດຂາວ” ເກັບໄຊຊະນະ ຈາກແຊ້ມລີກ ສະວີເດນໄປໄດ້ 2-0 ປະຕູ ໃນການແຂ່ງຂັນນັດທຳອິດ ກຸ່ມ A ພ້ອມກັບຫຍັບສະຖິຕິຍິງ 82 ປະຕູ ສູງສຸດໃນທົວນາເມັນ

ນອກຈາກນີ້ ໂຣນັນໂດ ຍັງທຸບສະຖິຕິຂອງ ຣາອູລ ກອນຊາເລຊ ຕຳນານແຫ່ງ ຊານດິເອໂກ ເບີນາບິວ ຍິງໄປໄດ້ 323 ປະຕູ ( ລວມທຸກລາຍການ ) ແລະກາຍເປັນດາວຍິງສູງສຸດຂອງສະໂມສອນ 67 ປະຕູ ( ນັບສະເພາະໃນແຊ້ມປຽນລີກ )

ນັກເຕະອາຍຸ 30 ຄົນນີ້ ລົງສະນາມທັງໝົດ 753 ນັດ ຍິງໃຫ້ແມນເຊສເຕີ ຢູໄນເຕັດ 118 ປະຕູ ແລະ ອີກ 5 ປະຕູ ຕອນຢູ່ກັບ ສະປອດຕີ້ງ ລິສບອນ ແລະ ທີມຊາດ ປ໊ອກຕຸຍການອີກ 55 ປະຕູ