spot_img
Homeຂ່າວການພັດທະນາສປປ ລາວ ຈະປັບປຸງລະບົບເຕືອນໄພທໍາມະຊາດໃຫ້ດີຂຶ້ນ

ສປປ ລາວ ຈະປັບປຸງລະບົບເຕືອນໄພທໍາມະຊາດໃຫ້ດີຂຶ້ນ

Published on

11992536_883367455073675_53181705_n

ສປປ ລາວ ຈະປັບປຸງລະບົບເຕືອນໄພທໍາມະຊາດໃຫ້ດີຂຶ້ນກວ່າເກົ່າ, ພາຍຫລັງເຫັນວ່າໄລຍະຜ່ານມາການເຕືອນໄພ ແລະ ການຮັບມືກັບໄພທໍາມະຊາດຢູ່ປະເທດເຮົາຍັງບໍ່ມີລະບົບທີ່ທັນສະໄໝວ່ອງໄວດີເທົາທີ່ຄວນ, ຈຶ່ງເຮັດໃຫ້ຫລາຍທ້ອງຖິ່ນໃນເຂດຊົນນະບົດຂາດການກຽມພ້ອມໃນການຮັບມືຜົນກະທົບດັ່ງກ່າວເຊັ່ນ: ໄພນໍ້າຖ້ວມ, ແຫ້ງແລ້ງ, ດິນເຈື່ອນແລະ ອື່ນໆ.

ລັດຖະມົນຕີຊ່ວຍວ່າການກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມກ່າວວ່າ: ສະພາບການປ່ຽນແປງດິນຟ້າອາກາດໄດ້ເຮັດໃຫ້ໂລກເຮົາຮ້ອນຂຶ້ນ ໃນແຕ່ລະປີ, ກໍ່ໃຫ້ເກີດໄພພິບັດທໍາມະຊາດຮຸນແຮງ ແລະ ຖີ່ຂຶ້ນເປັນຕົ້ນ:ລົມພາຍຸ, ນໍ້າຖ້ວມ, ໄຟໄໝ້ປ່າ, ແຫ້ງແລ້ງ ແລະ ອື່ນໆ, ຊຶ່ງມີສາເຫດຕົ້ນຕໍ່ມາຈາກການປ່ອຍອາຍພິດເຮືອນແກ້ວຈາກການພັດທະນາທີ່ເລັ່ງໃສ່ການເຕີບໂຕດ້ານເສດຖະກິດເທົ່ານັ້ນໂດຍບໍ່ຄໍານຶງເຖິງ ຜົນກະທົບຕໍ່ສິ່ງແວດລ້ອມ-ສັງຄົມ, ການນໍາໃຊ້ຊັບພະຍາກອນທໍາມະຊາດແບບຍືນຍົງເປັນຕົ້ນ: ດິນ, ປ່າໄມ້ ແລະ ນໍ້າ.

ສປປ ລາວ ໄດ້ຖືກຈັດເປັນປະເທດໜຶ່ງທີ່ມັກເກີດມີໄພພິບັດທໍາມະຊາດຂະໜາດນ້ອຍຫາຂະໜາດກາງ, ອັນເນື່ອງມາຈາກສະພາບການຜັນຜວນດ້ານອຸທົກກະສາດທີ່ເກີດຂຶ້ນ ແລະ ຄວາມເສຍຫາຍສະສົມຈາກໄພພິບັດດັ່ງກ່າວ ຖ້າທຽບໃສ່ການເກີດໄພພິບັດຂະໜາດໃຫຍ່ແບບດົນໆເກີດຄັ້ງໜຶ່ງຢູ່ປະເທດອື່ນເຫັນວ່າເທົ່າທຽມກັນ, ໂດຍສະເພາະພະຍຸນົກເຕັນໃນປີ 2009, ພາຍຸຮາຍມາໃນປີ 2011 ແລະ ອື່ນໆໃນຊຸມປີຖັດມາຕາມຂະໜາດ, ຄວາມຮຸນແຮງ ແລະ ຜົນເສຍຫາຍແຕກຕ່າງກັນ. ຕໍ່ສະພາບດັ່ງກ່າວພັກ ແລະ ລັດຖະບານ, ຈຶ່ງໄດ້ໃຫ້ຄວາມສໍາຄັນໃນການເອົາໃຈໃສ່ປ້ອງກັນ ແລະ ຄວບຄຸມຜົນກະທົບຂອງໄພພິບັດດັ່ງກ່າວ, ໂດຍສະເພາະແມ່ນການຫັນປ່ຽນແນວຄິດໃນການຄຸ້ມຄອງໄພພິບັດ ຈາກການສຸມໃສ່ແກ້ໄຂບັນຫາ ແລະ ຊ່ວຍເຫລືອບັນເທົາທຸກມາເປັນການປ້ອງກັນ ແລະ ຫລຸດຜ່ອນຄວາມ ສ່ຽງ, ສ້າງຄວາມເຂັ້ມແຂງໃນການກຽມຄວາມພ້ອມ ຕອບໂຕ້ໄພພິບັດເພື່ອຫລຸດຜ່ອນຜົນເສຍຫາຍ ທີ່ອາດເກີດຂຶ້ນເປັນຕົ້ນແມ່ນກົມອຸຕຸນິຍົມ ແລະ ອຸທົກກະສາດໃນຖານະເປັນເສນາທິການດ້ານການແຈ້ງເຕືອນໄພລ່ວງໜ້າ ແມ່ນໄດ້ມີການປະສານງານກັບເຄືອຂ່າຍໃນລະດັບພາກພື້ນ ແລະ ສາກົນ, ໄດ້ເອົາໃຈໃສ່ແຈ້ງເຕືອນສະພາບອຸຕຸນິຍົມ ແລະ ອຸກກະສາດລ່ວງໜ້າໄດ້ວ່ອງໄວຂຶ້ນກວ່າເກົ່າໃນທົ່ວປະເທດ, ໂດຍສະເພາະບັນດາເຂດທີ່ຄາດວ່າຈະປະສົບໄພພິບັດເພື່ອໃຫ້ທ້ອງຖິ່ນໄດ້ມີຄວາມພ້ອມປ້ອງກັນ ແລະ ຕອບໂຕ້ຢ່າງມີປະສິດທິຜົນ ແລະ ເຖິງຈະມີຄວາມພະຍາຍາມດີປານໃດກໍຕາມ, ແຕ່ຍ້ອນຂາດປັດ​ໄຈຫລາຍດ້ານຈຶ່ງເຮັດໃຫ້ວຽກງານແຈ້ງເຕືອນໄພລ່ວງໜ້າ ແລະ ການເຝົ້າລະວັງໄພພິບັດຍັງບໍ່ມີປະສິດທິພາບດີເທົ່າທີ່ຄວນ, ຍ້ອນພວກເຮົາຍັງຂາດຊັບພະຍາກອນມະນຸດ, ອຸປະກອນເຄື່ອງມືທີ່ທັນສະໄໝ ແລະ ງົບປະມານພຽງພໍໃນດ້ານນີ້, ຂະນະດຽວກັນສັງຄົມກໍຍັງບໍ່ທັນມີຄວາມເຂົ້າໃຈກວ້າງຂວາງ ແລະ ມີສະຕິຕື່ນຕົວປ້ອງກັນ ແລະ ຮັບມືໄພພິບັດທໍາມະຊາດ. ສະນັ້ນ ໃນຕໍ່ໜ້ານີ້, ບັນຫາຮີບດ່ວນໃນການແຈ້ງເຕືອນລ່ວງໜ້າ ແລະ ເຝົ້າລະວັງໄພພິບັດທໍາມະຊາດໃຫ້ດີ ແລະ ວ່ອງໄວກວ່າເກົ່າຕ້ອງໄດ້ສືບຕໍ່ປັບປຸງກົງຈັກການຈັດຕັ້ງ ແລະ ສ້າງຄວາມສາມາດໃຫ້ແກ່ຄະນະກໍາມະການປ້ອງກັນໄພພິບັດແຕ່ລະຂັ້ນໃຫ້ເຂັ້ມແຂງ, ສ້າງກົດໝາຍກ່ຽວກັບການປ່ຽນແປງດິນຟ້າອາກາດ, ໄພພິບັດ, ອຸຕຸນິຍົມ ແລະ ອຸທົກກະສາດຊຶ່ງຄາດວ່າຈະນໍາສະເໜີສະພາແຫ່ງຊາດເພື່ອພິຈາລະນາຮັບຮອງໃນປີ 2017, ເລັ່ງສ້າງສູນເຕືອນໄພ ແລະ ສູນປະຕິບັດງານສຸກເສີນໄພພິບັດແຫ່ງຊາດໃຫ້ສໍາເລັດໃນປີ 2016, ສ້າງຮ່າງຄູ່ມືການຄຸ້ມຄອງ ແລະ ການກຽມພ້ອມໄພພິບັດໃຫ້ແກ່ທ້ອງຖິ່ນຕາມແນວທາງນະໂຍບາຍຂອງພັກ ແລະ ລັດ, ພ້ອມທັງເຊື່ອມສານເຂົ້າໃນການພັດທະນາຂອງທຸກຂະແໜງການ, ເພື່ອຮັບປະກັນໃຫ້ວຽກງານປ້ອງກັນ ແລະ ຄວບຄຸມໄພພິບັດຢູ່ປະເທດເຮົາມີປະສິດທິຜົນສູງຂຶ້ນ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...