ເຊລ​ຟີ່ ຖືກ​ບັນ​ທຶ​ກລົງພົດຈະນາ​ນຸ​ກົມ​ພາສາ​ອັງ​ກິດຢ່າງ​ເປັນ​ທາງການ​ເປັນ​ເວລາ​ 1 ປີ ກັບ​ກາຍ​ເປັນ​ວ່າ​ສັບ​ໃໝ່​ຍອດ​ຮິດ​ໃນ​ຍຸກ​ໂຊ​ຊ່ຽວ​ນີ້ ພາກ​ຊີວິດ​ຄົນ​ໄປ​ເປັນ​ຈຳນວນ​ຫລາຍ ຫລາຍ​ຍິ່ງ​ກວ່າ​ຈຳນວນ​ຄົົນທີ່​ຖືກສະ​ຫລາມ​ກັດເສຍຊີວິດ​ອີກ
ຈາກ​ການ​ລວມ​ຂໍ້​ມູນ​ຂອງ​ເວັບ​ໄຊຕ໌ Shark Attack Survivor  ພົບ​ວ່າ ຜູ້​ເສຍຊີວິດ​ຈາກ​ເຫດ​ຖືກ​ສະ​ຫລາມ​ກັດ ຕັ້ງ​ແຕ່​ເດືອ​ນມັງກອນ​ເຖິງ​ເດືອນ​ສິງ​ຫາ​​ຂອງ​ປີ 2015 ມີ​ຈຳນວນ​ທັງ​ໝົດ 8 ລາຍ​ເທົ່າ​ນັ້ນ ໃນ​ຂະນະ​ທີ່​ເວັບ​ໄຊຕ໌ Wikipedia ໄດ້​ມີ​ການ​ລວມ​ຂໍ້​ມູນ​ເຫດການ​ຂອງ​ຜູ້​ເສຍຊີວິດ​ຈາກ​ການຖ່າຍ​ເຊລ​ຟີ່​ໃນ​ສະຖານ​ທີ່​ຕ່າງໆ ທົ່ວ​ໂລກ ພົບ​ວ່າ​ຈຳນວນ​ຜູ້​ເສຍຊີວິດ​ຈາກ​ການຖ່າຍ​ເຊລ​ຟີ່​ໃນ​ປີ 2015 ມີ​ຫລາຍ​ເຖິງ 14 ລາຍ​
ໂດຍ​ສາ​ເຫດ​ການ​ຕາຍ​ຂອງ​ຜູ້​ຄົນ​ເຫລົ່າ​ນີ້ ມາ​ຈາກ​ການ​ສ່ຽງ​ຊີວິດ​ເພື່ອ​ຖ່າຍ​ເຊລ​ຟີ່​ໃນ​ມຸມ​ສຸດແປກ ​ຫລື​ ໃນ​ນາ​ທີ​ສ່ຽງຕາຍ ເຊັ່ນ ໜຸ່​ມສະ​ເປນ​ ໄວ 21 ປີ​ທີ່​ປີນ​ຂຶ້ນ​ເທິງ​ຫລັງ​ຄາ​ລົດ​ໄຟ​ເພື່ອ​ຖ່າຍ​ເຊລ​ຟີ່​ແລ້ວ​ຖືກ​ໄຟ​ຊັອດ ຊາຍ​ໜຸ່ມ​ທີ່​ຖືກ​ງົວ​ກະ​ທິງ​ຊົນ​ ແລະ​ ຊົນ​ຈົນ​ຕາຍ ຫລັງ​ຈາກ​ພະຍາຍາມ​ຖ່າຍ​ເຊລ​ຟີ່​ຄູ່​ກັບ​ພວກ​ມັນ​ໃນ​ງານ​ເທດ​ສະການແລ່ນ​ງົວ​ກະ​ທິງ ແລະ​ ຫລ້າ​ສຸດ ນັກ​ທ່ອງ​ທ່ຽວ​ຊາວ​ຍີ່​ປຸ່ນ ເສຍຊີວິດ​ຈາກ​ການ​ຕົກ​ຂັ້ນ​ໄດ ຂະນະ​ກຳ​ລັງ​ຖ່າຍ​ເຊລ​ຟີ່​ຕົນເອງ​ທີ່​ທັດ​ສ໌ມາ​ຮານ ປະເທດ​ອິນ​ເດຍ

ດ້ວຍ​ເຫດ​ນີ້ ຣັດ​ເຊຍ​ຕ້ອງ​ເຮັດ​ຮູບ​ຕິດ​ປະ​ກາດ​ຕາມ​ສະຖານ​ທີ່​ທ່ອງ​ທ່ຽວ​ເພື່ອ​ເຕືອນ​ບັນດາ​ນັກ​ທ່ອງ​ທ່ຽວ​ ແລະ ​ປະຊາຊົນ “ຫ້າມ” ຖ່າຍເຊລ​ຟີ່​ກັບ​ເຫດການ​ ຫລື ​ໃນ​ສະຖານ​ທີ່​ອັນຕະລາຍ​ທັງປວງ ລວມ​ເຖິງ​ຂະນະ​ນີ້ ຍັງມີ​ການ​ແບນ​ໄມ້​ເຊລ​ຟີ່​ໃນ​ສະຖານ​ທີ່​ທ່ອງ​ທ່ຽວ​ຫລາຍ​ແຫ່ງ​ເທິງ​ໂລກ​ແລ້ວ ​ເນື່ອງ​ມາ​ຈາກ​ການ​ຄິດເຫັນໂທດ​ຂອງ​ມັນ​ຫລາຍກວ່າ​ປະໂຫຍດ​ນັ້ນ​ເອງ