ໄສ້ກັ່ນຕອງອາກາດ (Air Filter) ມີຫນ້າທີ່ສຳຄັນໃນການດັກຝຸ່ນລະອອງຈາກອາກາດບໍ່ໃຫ້ເຂົ້າໄປໃນຫ້ອງເຄື່ອງ ອາກາດທີ່ສະອາດຈະເຮັດໃຫ້ເຄື່ອງຈັກເຮັດວຽກໄດ້ຢ່າງສົມບູນ ຫາກມີຝຸ່ນລະອອງເຂົ້າໄປໃນຫ້ອງເຄື່ອງ ຈະເຮັດໃຫ້ລົດເຈົ້າແລ່ນຊ້າລົງເນື່ອງຈາກການເຜົາໄໝ້ບໍ່ສົມບູນ ແລະ ອາຍຸການໃຊ້ງານເຄື່ອງຈັກຈະສັ້ນລົງ
ເຮົາຄວນປ່ຽນໄສ້ກັ່ນຕອງອາກາດທຸກ 10,000 ກິໂລແມັດ ຫລືຄວນຖອດອອກມາເຮັດຄວາມສະອາດ ທຸກໆ 2,000-5,000 ກິໂລແມັດ ໂດຍຂຶ້ນຢູ່ກັບການໃຊ້ງານ ເຊັ່ນ ຖ້າຂັບລົດຢູ່ໃນເມືອງເປັນປະຈຳ ຫລືໃຊ້ງານໃນເສັ້ນທາງທີ່ມີຝຸ່ນຫລາຍ ກໍຄວນເຮັດຄວາມສະອາດຫລາຍເທື່ອ ເຮົາມີວິທີເຮັດຄວາມສະອາດ ແລະປ່ຽນແບບງ່າຍໆທີ່ເຈົ້າເອງກໍເຮັດໄດ້
ວິທີເຮັດຄວາມສະອາດໄສ້ກັ່ນຕອງອາກາດ
- ເປີດຝາກະໂປງລົດ
- ແກະຄິບທີ່ຝາຄອບຕອງອາກາດ
- ແກະຝາຄອບຕອງອາກາດອອກ (ຝາກັ່ນຕອງອາກາດຈະຢູ່ດ້ານເທິງຂອງເຄື່ອງຈັກ ຊ້າຍ ຂວາ ແລ້ວແຕ່ລຸ້ນລົດ)
- ຄ່ອຍໆໃຊ້ມືຈັບໄສ້ກັ່ນຕອງດຶງອອກມາ
- ເປົ່າຝຸ່ນໄສ້ກັ່ນຕອງອາກາດຈາກດ້ານໃນອອກໄປດ້ານນອກ ຈົນກວ່າບໍ່ເຫັນລະອອງຝຸ່ນ
- ໃສ່ໄສ້ກັ່ນຕອງອາກາດກັບເຂົ້າບ່ອນເກົ່າ
ຂັ້ນຕອນປ່ຽນໄສ້ກັ່ນຕອງອາກາດ
- ກຽມໄສ້ກັ່ນຕອງອາກາດໃໝ່ (ຕາມລຸ້ນລົດທີ່ໃຊ້)
- ເປີດຝາກະໂປງລົດອອກ
- ແກະຄິບທີ່ຝາຄອບໄສ້ກັ່ນຕອງອາກາດ
- ແກະຝາຄອບໄສ້ກັ່ນຕອງອາກາດ
- ດຶງໄສ້ກັ່ນຕອງອາກາດເກົ່າອອກມາ (ສັງເກດແຜ່ນຕອງອາກາດ ມີຄາບຝຸ່ນຫນາແຫນ້ນ)
- ນຳໄສ້ກັ່ນຕອງອາກາດໃໝ່ມາໃສ່ແທນ
- ປິດຝາຄອບ (ເປັນທີ່ຮຽບຮ້ອຍ)
ພຽງເຈົ້າເຮັດຕາມຂັ້ນຕອນທີ່ແນະນຳ ລົດທີ່ພົບບັນຫາອືດ ແລະ ກິນນ້ຳມັນຈະຫາຍໄປ ຢ່າລືມວ່າອຸປະກອນແລະຊິ້ນສ່ວນລົດມີອາຍຸການໃຊ້ງານຕ້ອງບຳລຸງປິ່ນປົວ ຫາກປ່ອຍປະລະເລີຍເຈົ້າອາດຕ້ອງເສຍ ຄ່າສ້ອມ ຄ່າອະໄຫລ່ ແພງກວ່າເກົ່າຄິດແລ້ວໄດ້ບໍ່ຄຸ້ມເສຍ