spot_img
Homeວິທະຍາສາດ-ວິທະຍາການກິນກ້ວຍເກີນກວ່າ 6 ໜ່ວຍໃນມື້ດຽວອາດຂ້າເຈົ້າໄດ້ ແທ້ຫວາ?

ກິນກ້ວຍເກີນກວ່າ 6 ໜ່ວຍໃນມື້ດຽວອາດຂ້າເຈົ້າໄດ້ ແທ້ຫວາ?

Published on

6ae69e63e45b7a8e7cdc2861c1f2b55d

ມີ​ຄົນ​ເຄີຍ​ບອກວ່າ ການ​ກິນ​ກ້ວຍ​ຈຳນວນ​ຫລາຍ​ໃນ​ເທື່ອ​ດຽວ​ເປັນ​ອັນຕະລາຍ ຫລື​ແມ່ນ​ແຕ່​ເຄີຍ​ໄດ້ຮັບ​ຄຳ​ແນະ​ນຳ​ມາ​ວ່າ ການ​ກິນ​ກ້ວຍ​ເກີນ​ກວ່າ 6 ໜ່ວຍ​ໃນ​ມື້​ດຽວ​ນັ້ນ​ສາມາດ​ທີ່​ຈະ​ຂ້າ​ເຈົ້າ​ໄດ້ ເຈົ້າ​ຄິດວ່າ​ມັນ​ເປັນ​ຄວາມຈິງບໍ່?

ກ້ວຍ​ເປັນ​ໜຶ່ງ​ໃນ​ຫມາກໄມ້​ທີ່​ໄດ້ຮັບ​ຄວາມ​ນິຍົມ​ທົ່ວ​ໂລກ ຊຶ່ງ​ຄຸນຄ່າ​ຂອງ​ມັນ​ອັດ​ແໜ້ນ​ໄປ​ດ້ວຍ​ວິ​ຕາ​ມິນ​ແລະ​ແຮທາດ ເປັນຫຍັງ​ເຈົ້າ​ເຖິງ​ຄິດວ່າ​ມັນ​ຈະ​ເປັນ​ອັນຕະລາຍ?

ມັນ​ຈະ​ເປັນ​ຄວາມ​ຈິງ ເນື່ອງ​ດ້ວຍ​ລະ​ດັບ​ໂພ​ແທດ​ຊຽ່ມ​ສູງ​ຖ້າຫາກ​ເຈົ້າ​ຮັບປະທານ​ກ້ວຍ​ເກີນ​ກວ່າ 6 ໜ່ວຍ ແລ້ວ​ເປັນຫຍັງ​ໂພ​ແທດ​ຊຽ່ມ​ເຖິງ​ອັນຕະລາຍ? ຫລາຍ​ຄົນ​ຕັ້ງ​ຄຳ​ຖາມ​ຕໍ່ “ທີ່​ຈິງ​ແລ້ວ ມັນ​ເປັນ​ເລື່ອງ​ຂອງ​ຄວາມ​ຢູ່​ລອດ ຊຶ່ງ​ເຮົາ​ກໍ​ສາມາດ​ພົບ​ໂພ​ແທດ​ຊຽ່ມໄດ້​ໃນ​ເຊລ​ພາຍ​ໃນ​ຮ່າງກາຍ” Catherine Collins ນັກ​ໂພສະ​ນາ​ການ​ທີ່​ໂຮງໝໍ​ເຊລ​ຈອນ​ໃນນະຄອນຫລວງ​ລອນ​ດອນ​ກ່າວ

ຮ່າງກາຍ​ຂອງ​ເຮົາ​ຈະ​ໃຊ້​ໂພ​ແທດ​ຊຽ່ມ​ໃນ​ເລື່ອງ​ຂອງ​ກະ​ແສ​ໄຟ​ຟ້າ​ທີ່​ຊ່ວຍ​ໃຫ້​ເຊລ​ເຮັດວຽກ​ໄດ້​ຢ່າງ​ຖືກ​ຕ້ອງ ຊຶ່ງ​ມັນ​ຈະ​ຊ່ວຍ​ໃຫ້​ອັດຕາ​ການ​ເຕັ້ນ​ຂອງ​ຫົວ​ໃຈ​ສະ​ໝ່ຳ​ສະເໝີ​ແລະ​ຕໍ່​ເນື່ອງ ອີກ​ທັງ​ຍັງ​ຊ່ວຍ​ໃນ​ເລື່ອງ​ຂອງ​ການ​ຫລັ່ງ​ອິນ​ຊູ​ລິນ​ຈາກ​ຕັບ​ອ່ອນ​ເພື່ອ​ຄວບ​ຄຸມ​ລະ​ດັບ​ນ້ຳ​ຕານ​ໃນ​ເລືອດ ລວມ​ໄປ​ເຖິງ​ມີ​ຄວາມ​ສຳຄັນ​ໃນ​ການ​ຄວບ​ຄຸມ​ຄວາມ​ດັນ​ເລືອດ

ໃນ​ທາງ​ກັບ​ກັນ ຫາ​ກລະ​ດັບ​ນ້ຳ​ຕານ​ໃນ​ເລືອດ​ຕ່ຳ​ເກີນ​ໄປ​ຫລື​ສູງ​ເກີນ​ໄປ​ກໍ​ສາມາດ​ເຮັດໃຫ້​ຫົວ​ໃຈ​ເຕັ້ນ​ຜິດ​ປົກກະຕິ ມີ​ອາການ​​ວຽນ​ຫົວ ຄື້ນ​ໄສ້ ແລະ ເຈັບທ້ອງ ໂດຍ “ໂພ​ແທດ​ຊຽ່ມ​ຄໍ​ໄລ (Potassium chloride)” ເປັນ​ໜຶ່ງ​ໃນ​ສານ​ເຄ​ມີ​ອັນຕະລາຍ​ໃນ​ສະ​ຫາຣັດ​ອາ​ເມ​ຣິ​ກາ ຊຶ່ງ​ປະລິມານ​ທີ່​ສູງໆ ອາດ​ເຮັດໃຫ້​ເກີດ​ພາ​ວະ​ຫົວ​ໃຈ​ຢຸດ​ເຕັ້ນ​ໄດ້

ແຕ່​ສຳລັບ​ຄົົນທີ່​ສຸກຂະພາບ​ດີ “ມັນ​ອາດຈະ​ເປັນ​ໄປ​ໄດ້​ຍາກ​ທີ່​ຈະ​ຮັບປະທານ​ກ້ວຍ​ຫລາຍ​ໆ ຈະ​ເປັນ​ອັນຕະລາຍ” ຄອນ​ລິນ​ກ່າວ “ເຈົ້າ​ອາດຈະ​ຕ້ອງ​ການ​ກ້ວຍ​ກວ່າ 40 ໜ່ວຍ​ທີ່​ຈະ​ເຮັດໃຫ້​ລະ​ດັບ​ຂອງ​ໂພ​ແທດ​ຊຽ່ມ​ສູງ​ເຖິງ​ຂະໜາດ​ທີ່​ເຮັດໃຫ້​ຫົວ​ໃຈ​ຢຸດ​ເຕັ້ນ​ໄດ້” ກ້ວຍ​ບໍ່​ໄດ້​ອັນຕະລາຍ ແລະ​ໃນ​ຄວາມ​ຈິງ​ແລ້ວ​ມັນ​ອາດຈະ​ດີ​ຫລາຍ​ສຳລັບ​ຄົນເຮົາຮັບປະທານ

ຜູ້ໃຫຍ່​ຄວນ​ຮັບປະທານ​ໂພ​ແທດ​ຊຽ່ມ​ປະ​ມານ 3,500 ມິນ​ລິ​ກຣາມ​ຕໍ່​ມື້​ຕາມ​ຄຳ​ແນະ​ນຳ​ຂອງ UK’s National Health Service ໂດຍ​ກ້ວຍ​ນັ້ນ​ມີ​ນ້ຳ​ໜັກ​ສະເລ່ຍ 125 ກຣາມ ຫລື​ມີ​ໂພ​ແທດ​ຊຽ່ມ​ປະ​ມານ 450 ມິນ​ລິ​ກຣາມ ໝາຍ​ຄວາມ​ວ່າ ຄົົນທີ່​ມີ​ສຸກຂະພາບ​ດີ​ສາມາດ​ຮັບປະທານ​ໄດ້​ເຖິງ 7 ໜ່ວຍ​ເຄີ່ງ​ຊຶ່ງ​ກໍ​ຍັງ​ບໍ່​ເຖິງ​ລະ​ດັບ​ແນະ​ນຳ​ຂອງ​ການ​ຮັບປະທານ​ໂພດ​ແທດ​ຊຽ່ມ​ຕໍ່​ມື້​ຊ້ຳ

ແຕ່​ກໍ​ອາດ​ມີ​ບາງ​ຄົົນທີ່​ຄວນ​ຫລີກ​ລ້ຽງ​ອາຫານ​ທີ່​ມີ​ໂພ​ແທດ​ຊຽ່ມ​ສູງ​ຊຶ່ງ​ໄດ້​ແກ່ ຜູ້​ປ່ວຍ​ພະຍາດ​ຫມາກໄຂ່ຫລັງ ຄອນ​ລິນ​ເຕືອນ

“ຜູ້​ປ່ວຍ​ພະຍາດ​ຫມາກໄຂ່ຫລັງ​ຈະ​ມີ​ການເຮັດວຽກງານ​ຂອງ​ຫມາກໄຂ່ຫລັງ​ທີ່​ດ້ອຍ​ປະ​ສິດ​ທິ​ພາບ ຊຶ່ງ​ຄົນ​ໄຂ້​ທີ່​ເປັນ​ພະຍາດ​ຫມາກໄຂ່ຫລັງ​ຈະ​ມີ​ລະ​ດັບ​ທີ່​ເປັນ​ອັນຕະລາຍ​ຂອງ​ໂພ​ແທດ​ຊຽ່ມ​ໃນ​ກະ​ແສ​ເລືອດ ເນື່ອງ​ຈາກ​ພວກ​ເຂົາ​ມີ​ການ​ຂັບ​ໂພ​ແທດ​ຊຽ່ມ​ທາງ​ຍ່ຽວ​ໄດ້​ຕ່ຳ” ຄອນ​ລິນ​ກ່າວ “ດັ່ງ​ນັ້ນ​ໃນ​ທາງ​ທິດສະດີ ມັນ​ເປັນ​ໄປ​ໄດ້​ທີ່​ຜູ້​ປ່ວຍ​ພະຍາດ​ຫມາກໄຂ່ຫລັງ​ຈະ​ເສຍຊີວິດ​ຈາກ​ລະ​ດັບ​ໂພ​ແທດ​ຊຽ່ມ​ໃນ​ເລືອດ​ສູງ ຫາກ​ພວກ​ເຂົາ​ຮັບປະທານ​ອາຫານ​ທີ່​ອຸດົມ​ໄປ​ດ້ວຍ​ແຮ່ທາດ​ນີ້​ຈຳນວນ​ຫລາຍ”

ນາງ​ເຄີຍ​ມີ​ຄົນ​ໄຂ້​ທີ່​ຕ້ອງ​ຟອກ​ຫມາກໄຂ່ຫລັງ​ທີ່​ມີ​ອາການ​ຫົວ​ໃຈ​ວາຍ​ຫລັງ​ຈາກ​ທີ່​ຮັບປະທານ​ມະ​ເຂືອ​ເທດ​ຫລາຍ​ເກີນ​ໄປ ຊຶ່ງ​ມະ​ເຂືອ​ເທດ​ເປັນ​ຫມາກໄມ້​ທີ່​ອຸດົມ​ໄປ​ດ້ວຍ​ໂພ​ແທດ​ຊຽ່ມ ເປັນ​ຜົນ​ໃຫ້​ຫມາກໄຂ່ຫລັງ​ຂອງ​ພວກເຂົາ​ຢຸດ​ການເຮັດວຽກງານ​ເນື່ອງ​ຈາກ​ບໍ່​ສາມາດ​ກຳຈັດ​ໂພ​ແທດ​ຊຽ່ມ​ສ່ວນ​ເກີນ​ອອກ​ໄປ​ໄດ້

ສິ່ງ​ທີ່​ອາດ​ຕ້ອງ​ເປັນ​ກັງ​ວົນ​ອີກ​ຢ່າງ​ໜຶ່ງ​ຂອງ​ກ້ວຍ​ຄື ລັງສີ

ເຊັ່ນ​ດຽວ​ກັບ​ອາຫານ​ຫລາຍໆ ຢ່າງ ກ້ວຍ​ຕາມ​ທຳມະຊາດ​ຈະ​ມີ​ໄອ​ໂຊ​ໂທບ​ກຳ​ມັນ​ຕະ​ຣັງສີ ທີ່​ພຽງ​ພໍ​ສຳລັບ​ກະຕຸ້ນ​ໃຫ້​ຫນ່ວຍ​ງານ​ການ​ວິ​ເຄາະ​ການ​ຄຸກ​ຄາມ​ທາງ​ນິວເຄຍຮຽກຮ້ອງ​ໃຫ້​ນຳ​ອຸປະກອນ​ກວດ​ຈັບ​ທີ່​ໃຊ້​ໃນ​ທ່າ​ເຮືອສະ​ຫາຣັດ​ມາ​ໃຊ້​ກວດ​ສອບ​ການ​ລັກ​ລອບ​ຂົນ​​ນິວ​ເຄຍ​ໄດ້

ກ້ວຍ​ມີ​ປະລິມານ​ຂອງ​ລັງສີ​ທີ່ 0.1 microsieverts ຊຶ່ງ​ໂດຍ​ທົ່ວ​ໄປ ການເຮັດ CT scan ໃນ​ໂຮງໝໍ​ຈະ​ໃຊ້​ປະລິມານ​ລັງສີ​ໃນ​ການ​ຖ່າຍ​ພາບ​ອະໄວຍະວະ​ຕ່າງໆ ທີ່​ລະ​ດັບ 10-15 millisieverts – ປະ​ມານ​ໄດ້​ຫລາຍກວ່າ 100,000 ເທື່ອ​ເມື່ອ​ທຽບ​ກັບ​ລັງສີ​ໃນ​ກ້ວຍ

*** 1 millisieverts = 1,000 microsieverts

“ລະ​ດັບ​ຂອງ​ລັງສີ​ໃນ​ກ້ວຍ​ມີ​ພຽງ​ເລັກນ້ອຍ” ຄອນ​ລິນ​ກ່າວ ແລະ “ກ້ວຍ​ບໍ່​ໄດ້​ມີ​ລັງສີ​ຫລາຍ​ເຊັ່ນ​ຖົ່ວ​ບຣາ​ຊິນ (Brazil nut) ແລະ​ເຮົາ​ຈະ​ປອດ​ໄພ​ຫາກ​ຮັບປະທານ​ໃນ​ປະລິມານ​ທີ່​ພໍ​ເໝາະ”

ອ້າງ​ອິງ www.bbc.com/news/magazine-34225517

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...