ພາບ ຄວາມລະອຽດສູງທີ່ໄດ້ມາຈາກຍານນິວຮໍໄລຊອນສ໌ ຊຶ່ງຖ່າຍທີ່ໄລຍະທາງ 1,800 ກິໂລແມັດ
ເໜືອພື້ນທີ່ແຖບສູນສູດຂອງດາວພູໂຕ
Photo credit: NASA/Johns Hopkins University Applied Physics Laboratory/Southwest Research Institute
ນາຊ່າ ຫາກໍ່ເປີດເຜີຍພາບຖ່າຍໃກ້ດາວພູໂຕຫລ້າສຸດຂອງດາວເຄາະແຄະທີ່ທຸກຄົນມັກພູໂຕ
ພາບສະແດງ ພູມິປະເທດທີ່ແຕກເທິງຂອບດ້ານຕະເວັນຕົກສຽງເໜືອຂອງນ້ຳແຂງສະປຸດນິກ ພານຳ
Photo credit: NASA/Johns Hopkins University Applied Physics Laboratory/Southwest Research Institute
ເກືອບສອງເດືອນນັບຕັ້ງແຕ່ທີ່ບິນຜ່ານໃນລະບົບຂອງດາວພູໂຕ ຍານນິວຮໍໄລຊອນສ໌ໄດ້ເດີນທາງໄປຫລາຍກວ່າ 69 ກິໂລແມັດ ແລະ ໄດ້ເລີ່ມດາວໂຫລດຂໍ້ມູນພາບພື້ນຜິວດາວພູໂຕໂດຍລະອຽດ ລວມທັງຂໍ້ມູນທາງວິທະຍາສາດແລະວິສະວະກອນທີ່ມີຄ່າຫລາຍກວ່າຂໍ້ມູນທັງໝົດທີ່ເຮົາເຄີຍມີກັບມາ ຊຶ່ງພາບຫລ້າສຸດເຜີຍໃຫ້ເຫັນລັກສະນະພື້ນຜິວທີ່ຊັບຊ້ອນ ໂດຍພາບມີຄວາມລະອຽດເຖິງ 400 ແມັດ ຕໍ່ພິກເຊລ
ພາບໃໝ່ນີ້ສະແດງໃຫ້ເຫັນເຖິງພື້ນຜິວທີ່ແຕກຕ່າງກັນ ທັງມືດ ທັງມີພູມິປະເທດທີ່ຖືກປົກຄຸມໄປດ້ວຍຂຸມອຸກກາບາດໃກ້ກັບພື້ນຜິວທີ່ລຽບທີ່ມີອາຍຸທາງທໍລະນີວິທະຍາທີ່ນ້ອຍຫລາຍ ນອກຈາກນີ້ຍັງເບິ່ງເຫັນກຸ່ມຂອງພູເຂົາ ແລະສິ່ງທີ່ເບິ່ງເໝືອນຈະເປັນເນີນຊາຍ
“ເນີນຊາຍເທິງດາວພູໂຕ ຖ້າແມ່ນໃນສິ່ງທີ່ພວກເຂົາຄິດ ຈະເປັນສິ່ງທີ່ໜ້າປະຫລາດໃຈຫລາຍ ເນື່ອງຈາກຊັ້ນບັນຍາກາດຂອງດາວພູໂຕນັ້ນບາງຫລາຍ” William B. McKinnon ໜຶ່ງໃນທີມ GGI ຈາກມະຫາວິທະຍາໄລວໍຊິງຕັນ ກ່າວ ຫລືອາດເປັນໄປໄດ້ວ່າ ຊັ້ນບັນຢາກາດຂອງດາວພູໂຕອາດຈະເຄີຍໜາຫລາຍກວ່ານີ້ມາກ່ອນ ຫລືອາດຈະມີຂະບວນການບາງຢ່າງທີ່ເຮົາຍັງບໍ່ຮູ້ກໍເປັນໄດ້
ພາບສະແດງ ນ້ຳແຂງສະປຸດນິກ ພາບຊຶ່ງຖືກປົກຄຸມໄປດ້ວຍນ້ຳແຂງທົ່ວພື້ນທົ່ງ ເປັນສ່ວນທີ່ສະຫວ່າງສົດໃສໃນພື້ນທີ່ສູນກາງ ຊຶ່ງພາບນີ້ຖ່າຍໄດ້ຈາກຍານນິວຮໍໄລຊອນສ໌ໃນວັນທີ່ 5-7 ກັນຍາ 2015 ດ້ວຍລັກສະນະທີ່ເບິ່ງເຫັນໄດ້ລະອຽດທີ່ສຸດທີ່ 0.8 ກິໂລແມັດ
Photo credit: NASA/Johns Hopkins University Applied Physics Laboratory/Southwest Research Institute
ທົ່ງນ້ຳແຂງສະປຸດນິກ ພານຳ ຈະຖືກປົກຄຸມໄປດ້ວຍໂມເສກລະອຽດ ສະແດງໃຫ້ເຫັນເຖິງພູມິປະເທດທີ່ອ້ອມຮອບໄປດ້ວຍຂຸມອຸກກາບາດມືດທີ່ຮູ້ຈັກກັນຢ່າງບໍ່ເປັນທາງການໃນຊື່ Cthulhu Regio ຈາກຫລັກຖານຈາກນ້ຳແຂງໄນໂຕຣເຈນທີ່ໄຫລຈາກພູເຂົາລົງມາຍັງທົ່ງນ້ຳແຂງນັ້ນ ທີ່ອາດຈະຖືກຂູດດ້ວຍວັດຖຸທີ່ໄຫລໄປເທິງພື້ນຜິວຂອງດາວພູໂຕ
“ພື້ນຜິວຂອງດາວຊັບຊ້ອນບໍ່ຕ່າງຈາກດາວອັງຄານ” Jeff Moore ໜຶ່ງໃນທີມ GGI ຈາຫ SwRI ກ່າວ ພູເຂົາເຫລົ່ານັ້ນ ອາດຈະເປັນແຜ່ນນ້ຳແຂງຂະໜາດໃຫຍ່ຢູ່ພາຍໃນພື້ນທີ່ກວ້າງໃຫຍ່ ຫນາແຫນ້ນ ເທິງພື້ນທີ່ທີ່ເປັນໄນໂຕຣເຈນແຊ່ແຂງ ໃນຊື່ຢ່າງບໍ່ເປັນທາງການວ່າ Sputnik Planum
ພາບ ສະແດງໃຫ້ເຫັນເຖິງການສະທ້ອນແສງຂອງພື້ນຜິວທີ່ແຕກຕ່າງກັນຂອງດາວພູໂຕ ຕັ້ງແຕ່ພື້ນຜິວສີຂາວດ້ານເທິງ ແລະພື້ນຜິວສູງຊັນທີ່ເຕັມໄປດ້ວຍຂຸມບໍ່ລວມທັງພື້ນຜິວທີ່ຄ້າຍກັບຊາຍໃນທະເລຊາຍທີ່ເຮົາຍັງບໍ່ຮູ້ວ່າເກີດຂຶ້ນໄດ້ຢ່າງໃດ
Photo credit: NASA/Johns Hopkins University Applied Physics Laboratory/Southwest Research Institute
ຕ້ອງຂອບໃຈຍານນິວຮໍໄລຊອນສ໌ ທີ່ເຮັດໃຫ້ຮູ້ວ່າຊັ້ນບັນຍາກາດຂອງດາວພູໂຕເປັນໝອກຄວັນ ຢ່າງໃດກໍຕາມການເປີດເຜີຍພາບໃໝ່ນີ້ສະແດງໃຫ້ເຫັນຈຳນວນຊັ້ນໃນໝອກຄວັນທີ່ຫລາຍຂຶ້ນ ອາດມີຄວາມເປັນໄປໄດ້ຂອງປາກົດການທີ່ຮູ້ຈັກກັນດີໃນຊື່ Crepuscular Rays ໂດຍມີລັກສະນະເປັນເງົາເທິງໝອກຄວັນຈາກວັດຖຸ ເຊັ່ນ ພູເຂົາຫລືເມກທີ່ປ້ອງກັນແສງແດດຄືທີ່ເຮົາເຫັນເທິງໂລກ ຊຶ່ງເທິງດາວພູໂຕມີຫລາຍຊັ້ນຫລາຍກວ່າທີ່ເຄີຍຄິດໄວ້ ກ້ອງຄວາມລະອຽດສູງເທິງຍານນິວຮໍໄລຊອນສ໌ໄດ້ຖ່າຍພາບໝອກຄວັນເທິງຊັ້ນບັນຍາກາດຂອງດາວພູໂຕທີ່ສ້າງບັນຍາກາດໃນຕອນຄ່ຳ (twilight) ເພື່ອສຳລັບສຶກສາຄຸນສົມບັດຂອງປະເທດກ່ອນແລະຫລັງອາທິດຕົກ
ພາບສະແດງ ໝອກຄວັນໃນຊັ້ນບັນຍາກາດຂອງດາວພູໂຕ
Photo credit: NASA/Johns Hopkins University Applied Physics Laboratory/Southwest Research Institute
ມຸມມອງຂອງບັນຍາກາດໃນໄລຍະຕອນຄ່ຳນີ້ເປັນຂອງຂວັນທີ່ດີທີ່ດາວພູໂຕມອບໃຫ້ແກ່ເຮົາ John Spencer ກ່າວ “ຕອນນີ້ເຮົາສາມາດສຶກສາທາງທໍລະນີວິທະຍາໃນພື້ນທີ່ທີ່ເຮົາບໍ່ເຄີຍຄາດຫວັງວ່າຈະເຫັນໄດ້”
ເຮົາຄາດຫວັງທີ່ຈະເຫັນພາບຖ່າຍໃໝ່ຂອງ 3 ດວງຈັນບໍລິວານຂອງດາວພູໂຕ Charon, Nix ແລະ Hydra ໂດຍພາບຈະຖືກອັບໂຫລດໄປຍັງເວັບໄຊຕ໌ JHUAPL’s site for New Horizons ຊຶ່ງຈະສະແດງໃຫ້ເຫັນເຖິງເອກະລັກສະເພາະຂອງແຕ່ລະດວງຈັນ ແລະຈະເຮັດໃຫ້ເຮົາສາມາດເບີ່ງເຂົ້າໄປເຖິງປະຫວັດສາດຂອງດວງຈັນຊາລອນໄດ້
ພາບ ດວງຈັນຊາລອນ
Photo credit: NASA/Johns Hopkins University Applied Physics Laboratory/Southwest Research Institute
ທີ່ມາ www.iflscience.com/space/pluto-terrain-complicated
www.nasa.gov/feature/new-pluto-images-from-nasa-s-new-horizons-it-s-complicated