spot_img
Homeຂ່າວການສຶກສາໂຮງຮຽນສາມັນກິນອນຊົນເຜົ່າອຸດົມໄຊໄດ້ຮັບທຶນ 7 ລ້ານກວ່າບາດຈາກສົມເດັດພະເທບພະຣັດຣາຊະສຸດາສະຫຍາມບໍຣົມຣາຊະກຸມາຣີ

ໂຮງຮຽນສາມັນກິນອນຊົນເຜົ່າອຸດົມໄຊໄດ້ຮັບທຶນ 7 ລ້ານກວ່າບາດຈາກສົມເດັດພະເທບພະຣັດຣາຊະສຸດາສະຫຍາມບໍຣົມຣາຊະກຸມາຣີ

Published on

ໂຮງຮຽນສາມັນກິນອນຊົນເຜົ່າອຸດົມໄຊ ໄດ້ຮັບທຶນ 7 ລ້ານກວ່າບາດຈາກ ສົມເດັດພະເທບພະຣັດຣາຊະສຸດາສະຫຍາມບໍຣົມຣາຊະກຸມາຣີ ເພື່ອກໍ່ສ້າງອາຄານຮຽນຫຼັງໃໝ່ ພຶທີເປີດການກໍ່ສ້າງໄດ້ມີຂື້ນໃນຕອນບ່າຍຂອງວັນທີ 3 ກັນຍາ 2015 ນີ້, ເປັນກຽດເຂົ້າຮ່ວມເທປູນຊີມັງເປີດການກໍ່ສ້າງປະຖົມມະເລີກໂດຍ ມີທ່ານຄໍາແພງ ຈິດຕະວົງ ຮອງເຈົ້າແຂວງ ແຂວງອຸດົມໄຊ, ທ່ານ ພິດສະນຸ ຈັນວິທັນ ເອກກັກຄະລັດຊະທູດແຫ່ງຣາຊະອານາຈັກໄທປະຈໍາລາວ ພ້ອມດ້ວຍຫົວໜ້າພະແນກ, ຮອງພະແນກການອ້ອມຂ້າງທີ່ກ່ຽວຂ້ອງ, ພະນັກງານຄູອາຈານ ແລະ ນ້ອງນັກຮຽນຈໍານວນໜຶ່ງ.

ອາຄານຮຽນໄດ້ຮັບການກໍ່ສ້າງໃນເທື່ອນີ້ ເປັນອາຄານແບບຖາວອນ 1 ຫຼັງ, 2 ຊັ້ນ, 8 ຫ້ອງຮຽນ ໂດຍໄດ້ຮັບການຊ່ວຍເຫຼືອລ້າຈາກທຶນນາງສົມເດັດພະເທບຣັດຣາຊະສຸດາສະຫຍາມບໍຣົມຣາຊະກຸມາຣີ ແຫ່ງຣາຊະອານາຈັກໄທ ໃນມູນຄ່າ 7 ລ້ານກວ່າບາດ, ເພື່ອສົງເສີມໂຄງການຮ່ວມມືເພື່ອການພັດທະນາດ້ານການສຶກສາໄທ-ລາວ, ຮັບເໜົາການກໍ່ສ້າງໂດຍແມ່ນບໍລິສັດ ກະດິງໄຊ ກໍ່ສ້າງ ຄາດວ່າໃຫ້ສໍາເລັດໃນຕົ້ນປີໜ້ານີ້, ໂຮງຮຽນສາມັນກິນອນຊົນເຜົ່າອຸດົມໄຊ ເປັນໂຮງຮຽນມັດທະຍົມສົມບູນທີ່ເຕົ້າໂຮມເອົາບັນດານັກຮຽນບັນດາເຜົ່າທີ່ຢູ່ຫ່າງໄກສອກຫຼີກ, ຂາດເຂີນ, ເປັນກໍາພ້າກໍາພອຍດ້ວຍໂອກາດເຂົ້າເຖິງການສຶກສາຈາກ 4 ແຂວງພາກເໜືອຂອງລາວໄດ້ແກ່ແຂວງຜົ້ງສາລີ, ຫຼວງນໍ້າທາ, ບໍ່ແກ້ວ ແລະ ແຂວງອຸດົມໄຊ ມາເຂົ້າຮຽນຢູ່ທີ່ນີ້ ໂດຍທຶນຈາກລັດຖະບານລາວເປັນຜູ່ດູແລລວມທັງຄ່າກິນຢູ່ພັກເຊົ່າເຄື່ອງນຸ່ງຮົມທັງສະໜອງອຸປະກອນການຮຽນ ເງິນເບ້ຍລ້ຽງ ແລະ ສົ່ງເສີມໄປຮຽນຕໍ່ວິຊາສະເພາະທັງພາຍໃນ ແລະ ຕ່າງປະເທດ ຈໍານວນໜຶ່ງ ໃຫ້ບັນດານັກຮຽນຊົນເຜົ່າໄດ້ມີຊີວິດການເປັນຢູ່ດີຂື້ນ ແລະ ໄດ້ຮັບໂອກາດທາງດ້ານການສຶກສາເທົ່າທຽມກັນໃນສັງຄົມ.

1908022_1620154484902039_3683401551229354265_n

10985409_1620154648235356_4929273219441958401_n

11060014_1620153728235448_8996431265168601389_n

11923226_1620154094902078_4647573505586440662_n

11925994_1620154794902008_7695699209954564042_n

11949506_1620153941568760_5094654635165987192_n

11986609_1620155121568642_5853197410637793505_n

11987194_1620154551568699_5980344353674637986_n

11988601_1620154301568724_1789951375901195092_n

ຂອບໃຈຂ່າວແລະພາບຈາກ: ສກຂ ຫົວພັນ

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....