spot_img
Homeຂ່າວການສຶກສາສປປລາວ ພັດທະນາການສຶກສາແລະກິລາໃຫ້ໃກ້ຄຽງກັບພາກພື້ນແລະສາກົນ

ສປປລາວ ພັດທະນາການສຶກສາແລະກິລາໃຫ້ໃກ້ຄຽງກັບພາກພື້ນແລະສາກົນ

Published on

ຕອນເຊົ້າວັນທີ 3 ກັນຍາ 2015 ທີ່ສະໂມສອນໃຫ່ຍຄະນະເສດຖະສາດ ມະຫາວິທະຍາໄລແຫ່ງ ນະຄອນຫຼວງວຽງຈັນ, ກອງປະຊຸມໃຫຍ່ຜູ້ແທນອົງຄະນະພັກກະຊວງສຶກສາທິການ ແລະ ກິລາ ຄັ້ງທີ VIII ໄດ້ໄຂຂື້ນຢ່າງເປັນທາງການ ໂດຍການເປັນປະທານຂອງ ທ່ານ ດຣ ພັນຄໍາ ວິພາວັນ ລັດຖະມົນຕີວ່າການກະຊວງສຶກສາທິການແລະກິລາ ເປັນກຽດເຂົ້າຮ່ວມມີ ທາ່ນ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ,ພ້ອມດ້ວຍ ຄະນະນໍາກະຊວງສຶກສາທິການແລະກິລາ ,ຄູອາຈານ, ພາກສ່ວນກ່ຽວຂ້ອງເຂົ້າຮ່ວມ.

ທ່ານ ດຣ ພັນຄໍາ ວິພາວັນ, ລັດຖະມົນຕີວ່າການກະຊວງສຶກສາທິການແລະກິລາ ໃຫ້ຮູ້ວ່າ ວິໄສທັດຂອງການພັດທະນາການສຶກສາແລະກິລານີ້ ເປົ້າໝາຍລວມຄືການຊີ້ນຳແລະນຳພາ ການພັດທະນາການສຶກສາ, ກິລາກາຍ-ຍະກຳ ແລະສິລະປະສຶກສາ ໃຫ້ໄປຕາມວິໄສທັດ2030 ຍຸດທະສາດປີ 2025 ເພື່ອໃຫ້ບັນລຸຕາມຕົວເລກຄາດໝາຍທີ່ກຳໜົດໄວ້ໃນແຜນ ພັດທະນາການສຶກສາ ແລະກິລາ 5ປີ ຄັ້ງທີ VIII.
ລັດຖະບານລາວ ໄດ້ກຳນົດວິໄສທັດໃນການພັດທະນາເສດຖະກິດ-ສັງຄົມແຫ່ງຊາດ ຮອດປີ 2030, ສປປ ລາວ ໃດ້ມີຊັບພະຍາກອນມະນຸດທີ່ມີຄຸນນະພາບໃກ້ຄຽງກັບພາກພື້ນແລະສາກົນ, ເປັນກຳລັງການຜະລິດທີ່ເຂັ້ມແຂງ ຕອບສະໜອງຄວາມຕ້ອງການຂອງການພັດທະນາເສດຖະກິດ-ສັງຄົມແຫ່ງຊາດຫຼາຍຂື້ນ ຊາວໝຸ່ມລາວທຸກຄົນໃຫ້ມີລະດັບການສຶກສາ ຈົບຊັ້ນມັດທະຍົມຕອນປາຍ , ປະຊາຊົນໄດ້ຮັບການບໍລິການດ້ານສາທາລະນະສຸກທີ່ມີຄຸນນະພາບຢ່າງທົ່ວເຖິງ . ບົນພື້ນຖານວິໄສທັດ ແລະຍຸດທະສາດທີ່ລັດຖະບານໄດ້ກໍານົດໄວ້ ແລະເພື່ອປັບປຸງຄຸນນະພາບການພັດທະນາຊັບພະຍາກອນມະນຸດໃນ ສປປ ລາວ ໃຫ້ເຊື່ອມໂຍງກັບບັນດາປະເທດໃນພາກພື້ນ, ກະຊວງສຶກສາທິການແລະກິລາຈື່ງໄດ້ກຳນົດວິໄສທັດໄວ້ດັ່ງນີ້:
ຮອດປີ 2030 ພົນລະເມືອງລາວທຸກຄົນໄດ້ຮັບການສຶກສາທີ່ມີຄຸນນະພາບຢ່າງສະເໝີພາບແລະເທົ່າທຽມກັນເພື່ອໃຫ້ເຂົາເຈົ້າໄດ້ພັດທະນາຕົນເອງກາຍເປັນພົນລະເມືອງດີຂອງຊາດ , ມີຄຸນສົມບັດ ມີ ຄວາມຮູ້ຄວາມສາມາດ ມີຄວາມເປັນມືອາຊີບ ເພື່ອພັດທະນາປະເທດຊາດໃຫ້ສີວິໄລຍືນຍົງ ,ສາມາດແຂ່ງຂັນກັບພາກພື້ນແລະສາກົນໄດ້.
ກອງປະຊຸມໃຫຍ່ຜູ້ແທນອົງຄະນະພັກກະຊວງສຶກສາທິການ ແລະ ກິລາຄັ້ງທີ VIII ຈະດໍາເນີນໄປຮອດ 4 ກັນຍານີ້.

11990548_1712035652358526_4592426113482645834_n

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...