spot_img
Homeຂ່າວການສຶກສາຫົວພັນ ຈັດພິທີໄຂສົກຮຽນໃໝ່ ສົກຮຽນ 2015-2016

ຫົວພັນ ຈັດພິທີໄຂສົກຮຽນໃໝ່ ສົກຮຽນ 2015-2016

Published on

ໃນຕອນເຊົ້າວັນທີ 1 ກັນຍາ 2015 ນີ້ຢູ່ທີສະໜາມກິລາ ແຂວງຫົວພັນ ໄດ້ມີການຈັດພິທີໄຂສົກຮຽນໃໝ່ ສົກຮຽນ 2015-2016 ຂຶ້ນຢ່າງເປັນທາງການ ພາຍໃຕ້ການເປັນປະທານ ແລະ ເຂົ້າຮ່ວມຂອງ ທ່ານ ວັນໄຊ ແພງຊຸມມາ ຮອງເຈົ້າແຂວງຫົວພັນ ຜູ້ຊີ້ນຳຂົງເຂດວຽກງານວັດທະນາທຳ-ສັງຄົມ, ມີຫົວໜ້າ, ຄະນະພະແນກສຶກສາທິການ ແລະ ກິລາແຂວງ, ຫົວໜ້າ ພະແນກການອ້ອມຂ້າງແຂວງ, ອ້ອມຂ້າງເມືອງຊຳເໜືອ, ຄະນະພັດທະນາການສຶກສາຂັ້ນແຂວງ, ປະຊາຊົນບັນດາເຜົ່າ 12 ບ້ານທົ່ວເທດສະບານ, ພະນັກງານທະຫານຕຳຫຼວດ, ພະນັກງານຄູ-ອາຈານ ຕະຫຼອດຮອດນ້ອງຫຼານນັກຮຽນຮູ້ປັນຍາຊົນ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງຫຼວງຫຼາຍ.

ໃນພິທີຜູ້ເຂົ້າຮ່ວມໄດ້ຮັບຟັງການລາຍງານຜົນສຳເລັດຂອງການຈັດຕັ້ງປະຕິບັດສົກຮຽນ 2014-2015 ແລະ ທິດທາງແຜນການໃນສົກຮຽນ 2015-2016 ຈາກທ່ານ ມົນທອງ ລຽນຕິຄຸນ ຮອງຫົວໜ້າ ພະແນກສຶກສາທິການ ແລະ ກິລາ ແຂວງຫົວພັນ ເຊິ່ງເຫັນໄດ້ດ້ານດີຜົນງານໃນຫຼາຍດ້ານ ແລະ ດ້ານອ່ອນຄ້າງຄ້າທີ່ຈະຕ້ອງໄດ້ພ້ອມກັນສຸມໃສ່ຈັດຕັ້ງປະຕິບັດໃຫ້ດີຂຶ້ນໃນຕໍ່ໜ້າ ໃນສົກຮຽນຜ່ານມາເປັນສົກຮຽນມ້ວນທ້າຍຂອງແຜນພັດທະນາການສຶກສາ ແລະ ກິລາ 5 ປີ ຄັ້ງທີ 7 ແລະ ເປົ້າໝາຍສະຫັດສະຫວັດດ້ານການພັດທະນາຕາໜ່າງການສຶກສາໄດ້ມີການຂະຫຍາຍຕົວດີຂຶ້ນ ໂດຍສະເພາະແມ່ນວຽກງານການສຶກສາກ່ອນໄວຮຽນ ໃນນັ້ນຈຳນວນເດັກໃນເກນອາຍຸໄດ້ເຂົ້າຮຽນຫຼາຍຂຶ້ນ, ທົ່ວແຂວງຫົວພັນ ມີໂຮງຮຽນທັງໝົດ 1,104 ແຫ່ງ, ໃນນັ້ນມີ ໂຮງຮຽນລ້ຽງເດັກ – ອະນຸບານ 219 ແຫ່ງ, ປະຖົມ 751 ແຫ່ງ, ມັດທະຍົມຕອນຕົ້ນ 88 ແຫ່ງ, ມັດທະຍົມສົມບູນ 43 ແຫ່ງ, ມັດທະຍົມຕອນປາຍ 2 ແຫ່ງ ແລະ ໂຮງຮຽນອະຊີວະ 2 ແຫ່ງ, ອັດຕາເຂົ້າຮຽນແຕ່ລະຊັ້ນບັນລຸໄດ້ຕາມຄາດໝາຍ ແລະ ລື່ນຄາດໝາຍຄື: ອັດຕາການເຂົ້າຮຽນຂອງເດັກອາຍຸ 3-4 ປີ ປະຕິບັດໄດ້ 33,6% ທຽບກັບຄາດໝາຍ ປີ 2015 ຕັ້ງໄວ້ແມ່ນ 32% ຖືວ່າລື່ນຄາດໝາຍ 1,6%,ອັດຕາເຂົ້າຮຽນຂອງເດັກອາຍຸ 3-5 ປີ ປະຕິບັດໄດ້ 41,7% ທຽບກັບຄາດໝາຍ ປີ 2015 ຕັ້ງໄວ້ແມ່ນ 39% ຖືວ່າລື່ນຄາດໝາຍ 2,7%, ອັດຕາເຂົາຮຽນຂອງເດັກອາຍຸ 5 ປີ ປະຕິບັດໄດ້ 57,7% ທຽບກັບຄາດມາຍປີ 2015 ຕັ້ງໄວ້ແມ່ນ 55% ຖືວ່າລື່ນຄາດໝາຍ 0,15%,ອັດຕາເຂົ້າຮຽນສຸດທິຊັ້ນປະຖົມ ປະຕິບັດໄດ້ 98,15% ທຽບກັບຄາດໝາຍ ປີ 2015 ຕັ້ງໄວ້ແມ່ນ 98% ຖືວ່າລື່ນຄາດໝາຍ 0,15%,ອັດຕາເຂົ້າຮຽນລວມຊັ້ນມັດທະຍົມຕອນຕົ້ນປະຕິບັດໄດ້ 94,86% ທຽບກັບຄາດໝາຍ ປີ 2015 ຕັ້ງໄວ້ 98% ຖືວ່າລື່ນຄາດໝາຍ 9,86%,ອັດຕາເຂົ້າຮຽນລວມມັດທະຍົມຕອນປາຍ ປະຕິບັດໄດ້ 55,5% ທຽບກັບຄາດໝາຍ ປີ 2015 ຕັ້ງໄວ້ 43% ຖືວ່າລື່ນຄາດໝາຍ 12,5%,ໄດ້ຈັດການຮຽນ-ການສອນ ຊັ້ນປະຖົມ ແລະ ມັດທະຍົມລະບົບບຳລຸງໃຫ້ກຸ່ມເປົ້າໝາຍຢາງເປັນຂະບວນ ກ້ວາງຂວາງ ແລະ ຊຸກຍູ້ນັກຮຽນຈົບຊັ້ນ ມໍຕົ້ນ-ມໍປາຍ ເຂົ້າຮຽນຕໍ່ວິຊາຊີບທັງພາກລັດ ແລະ ເອກະຊົນ ພາຍໃນແຂວງໄດ້ທັງໝົດ 430 ຄົນ,ໃນສົກຮຽນຜ່ານມາໄດ້ມີຜົນສຳເລັດການສອບເສັງຈົບຊັ້ນປະຖົມໄດ້ 99,99%, ຊັ້ນ ມໍຕົ້ນໄດ້ 99,98% ແລະ ມໍປາຍໄດ້ 99,97%, ສໍາເລັດການສອບເສັງນັກເກັ່ງທົ່ວແຂວງພ້ອມທັງສົ່ງຕົວແທນເຂົ້າຮ່ວມສອບເສັງລະດັບຊາດ 11 ນ້ອງຄື: ປະຖົມ 3 ນ້ອງ,ມໍຕົ້ນ 4 ນ້ອງ ແລະ ມໍປາຍ 4 ນ້ອງ, ພິເສດມີຄູສອນໄດ້ຮັບຕຳແໜ່ງນາມມະຍົດຄູປະສົບການ 2 ຄົນ ແລະ ສຳເລັດກອງປະຊຸມຜູ້ບໍລິຫານຂັ້ນແຂວງຫົວພັນ ໂອກາດດັ່ງກ່າວ ທ່ານ ວັນໄຊ ແພງຊຸມມາ ຮອງເຈົ້າແຂວງຫົວພັນ ຍັງໄດ້ເນັ້ນໃຫ້ນ້ອງ-ຫຼານ ນັກຮຽນໃນທົ່ວແຂວງຫົວພັນ ຈົ່ງພ້ອມກັນສຸມຈິດສຸມໃຈພ້ອມກັນເອົາໃຈໃສ່ຕັ້ງໜ້າຮໍ່າຮຽນໜັງສືໃຫ້ກາຍເປັນນັກຮຽນດີຮຽນເກັ່ງຕາງໜ້າເປັນຕົວແທນນັກຮຽນເກັ່ງຂອງແຂວງໄປຮ່ວມແຂ່ງຂັນສອບເສັງນັກຮຽນໃນລະດັບຊາດ ແລະ ພາກພື້ນສາກົນ ໃຫ້ໄດ້ຮັບຜົນສຳເລັດ, ເປັນນັກຮຽນດີຂອງຄູ-ອາຈານ ແລະ ເປັນລູກທີ່ດີຂອງພໍ່-ແມ່ ກຽມພ້ອມຮັບໃຊ້ຊາດຕາມການມອບໝາຍ.

ທ້າຍພິທີ ທ່ານ ວັນໄຊ ແພງຊຸມມາ ຮອງເຈົ້າແຂວງຫົວພັນ ແລະ ທ່ານ ມົນທອງ ລຽນຕິຄຸນ ຮອງຫົວໜ້າ ພະແນກສຶກສາທິການ ແລະ ກິລາ ແຂວງຫົວພັນ ຕາງໜ້າຜູ້ເຂົ້າຮ່ວມທັງໝົດຍັງໄດ້ມີການປ່ອຍປຸມເປົ້າແຂນປ້າຍຄຳຂັວນ ພິທີໄຂສົກຮຽນໃໝ່ ສົກຮຽນ 2015-2016 ຂອງ ແຂວງຫົວພັນ ຂຶ້ນເທິງອາກາດເພື່ອເປັນການບົ່ງບອກເຖິງການໄຂສົກຮຽນໃໝ່ ສົກຮຽນ 2015-2016 ທີ່ ແຂວງຫົວພັນ ຢ່າງເປັນທາງການ.

10984493_1650253428595121_1235460864069380955_n

11148697_1650253941928403_6026128505070943985_n

11924550_1650253975261733_3689712561231097456_n

11951342_1650253768595087_172393473050243467_n

11953101_1650253948595069_4623186503069068505_n

11987023_1650253738595090_7594886268195200322_n

11988605_1650253971928400_8589139118297715602_n

ຂອບໃຈຂ່າວແລະພາບຈາກ: ສກຂ ຫົວພັນ
ໂດຍ: ສີສົມສັກ ພົມມາທຳ

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....