ນັກຟິສິກສາດແຫ່ງມະຫາວິທະຍາໄລໂອກາໂຮມາ ແລະ ນັກວິໄຈຮ່ວມຊາວຈີນວິເຄາະຂໍ້ມູນຈາກກ້ອງໂທລະທັດອາວະກາດຮັບເບີນຈົນຄົ້ນພົບຂຸມດຳຍັກທີ່ຄວໍຊາລ໌ “ມາລ໌ຄາຮຽນ” 231 ອັນເປັນຄວໍຊາລ໌ທີ່ໃກ້ກັບໂລກຫລາຍທີ່ສຸດ
ຂຸມດຳຍັກທີ່ພົບນີ້ມີຢູ່ສອງຂຸມນຳກັນ ໂດຍຂຸມໜຶ່ງມີຂະໜາດໃຫຍ່ກວ່າອີກຂຸມໜຶ່ງ ເປັນລັກສະນະຂອງຂຸມດຳຄູ່ ແລະ ຊີ້ໃຫ້ເຫັນວ່າ ຂຸມດຳມວນຍັກເຫລົ່ານີ້ມີມວນເພີ່ມຂຶ້ນເລື່ອຍໆຈາກການດຶງດູດສິ່ງຕ່າງໆຮອບຕົວ
ສາດສະດາຈານ ຊິນຍູ ໄຕແຫ່ງພາກວິຊາຟິສິກ ແລະ ດາລາສາດໂຣເມີລ໌ ແອນ. ດັອດຈ໌ ຮ່ວມກັບຍູຈຸນ ລູ ແຫ່ງສູນສັງເກດການດາຣາສາດແຫ່ງຊາດ ຂອງສະມາຄົມວິທະຍາສາດຂອງຈີນ ເຮັດການສຶກສາການປ່ອຍລັງສີອຸນຕາໄວໂອເລດທີ່ອອກມາທາງກຸ່ມດາວ Mrk 231 ຈາກພາບຂອງກ້ອງໂທລະທັດຮັບເບີນ ຫລັງຈາກນັ້ນທຳການວິເຄາະສະເປກຕຳຂອງກາແລກຊີ່ ສຸດທ້າຍ ຜົນງານນີ້ຈະເຮັດໃຫ້ໂມເດນທີ່ສະເໜີມານີ້ ຈະເຮັດໃຫ້ຮູ້ເຖິງການມີຢູ່ຈິງຂອງຂຸມດຳທີ່ຄວໍຊາລ໌ Mrk 231 ໄດ້
“ເຮົາຕື່ນເຕັ້ນຫລາຍກັບການຄົ້ນພົບເທື່ອນີ້ເພາະບໍ່ໄດ້ເປັນພຽງການສະແດງໃຫ້ເຫັນເຖິງການມີຢູ່ຂອງຂຸມດຳໃນຄວໍຊາລ໌ Mrk 231 ທີ່ຈັດວ່າໃກ້ທີ່ສຸດ ແຕ່ການຄົ້ນພົບນີ້ຍັງໃຊ້ວິທີການໃໝ່ທີ່ມີການຄົ້ນຫາຂຸມດຳຈາກທຳມະຊາດການປ່ອຍລັງສີອຸນຕາໄວໂອເລັດຂອງມັນ” ລູ ແຫ່ງສູນສັງເກດການດາລາສາດແຫ່ງຊາດຂອງຈີນເຜີຍ
“ໂຄງສ້າງຂອງເອກະພົບຂອງເຮົາ ເຊັ່ນ ກາແລກຊີ່ທີ່ໃຫຍ່ ກຸ່ມຂອງກາແລກຊີ່ ຄ່ອຍໆເຕີບໃຫ່ຍຂຶ້ນຈາກການລວມເອົາລະບົບຫຍໍ້ໆເຂົ້າເປັນລະບົບທີ່ໃຫຍ່ກວ່າ ຂຸມດຳຄູ່ກໍເປັນສິ່ງທີ່ເກິດຂື້ນຫລັງຈາກການລວມຕົວຂອງກາແລກຊີ່ເຫລົ່ານີ້” ໄຕ ເຜີຍ
ຫລັງຈາກເວລາຜ່ານໄປອີກ ຂຸມດຳທັງສອງທີ່ Mrk 231 ຈະຊົນກັນແລະລວມຕົວກັນຈົນເກີດເປັນຄວໍຊາລ໌ອັນໜຶ່ງທີ່ມີຂຸມດຳມວນຍັກຢູ່ດ້ວຍ ຄວໍຊາລ໌ເປັນກາແລກຊີ່ກຳມັນທີ່ມີໃຈກາງທີ່ສ່ອງສະຫວ່າງມີອາຍຸທີ່ສັ້ນເມື່ອທຽບກັບອາຍຸຂອງເອກະພົບ