ການສຶກສາໃໝ່ຄົ້ນພົບວ່າ ໄວລຸ້ນທີ່ໃຊ້ຢາສູບໄຟຟ້າມີແນວໂນ້ມທີ່ຈະເລີ່ມສູບຢາສູບຫລາຍກວ່າກຸ່ມໄວລຸ້ນທີ່ບໍ່ໄດ້ໃຊ້ຢາສູບໄຟຟ້າ
Stanton Glantz ເປັນນັກວິໄຈຄວບຄຸມກ່ຽວກັບຢາສູບຂອງ University of California ໃນຊານຟານຊິດໂກ ພວກເຂົາແລະພະນັກງານທາງດ້ານສຸກຂະພາບຫລາຍໆຄົນຮູ້ສຶກກັງວົນວ່າ ຢາສູບໄຟຟ້າອາດຈະເປັນຫົນທາງກ້າວໜຶ່ງຂອງການສູບຢາສູບແຕ່ຈົນມາເຖິງຕອນນີ້ ພວກເຂົາຍັງບໍ່ມີຂໍ້ມູນທີ່ຈະມາສະໜັບສະໜູນຄວາມຄິດນີ້
“ຄຳຖາມນັ້ນມີຢູ່ວ່າ ຢາສູບໄຟຟ້ານັ້ນສາມາດກະຕຸ້ນໃຫ້ມີການສູບຢາສູບໄດ້ຫລືບໍ່ ແລະຄຳຕອບທີ່ໄດ້ຄື ແມ່ນ ” Glantz ກ່າວ ຊຶ່ງພວກເຂົາບໍ່ໄດ້ມີສ່ວນກ່ຽວຂ້ອງກັບການສຶກສາໃນເທື່ອນີ້
“ນັກວິທະຍາສາດບາງຄົນໂຕ້ຖຽງວ່າ ການໃຊ້ຢາສູບໄຟຟ້ານັ້ນຄວນຈະເປັນການປ້ອງກັນບໍ່ໃຫ້ເກີດການສູບຢາສູບໃນກຸ່ມໄວລຸ້ນ” Adam Leventhal ກ່າວ ພວກເຂົາເປັນນັກວິທະຍາສາດທາງດ້ານການເສບຕິດທີ່ University of Southern California ໃນລອດແອງເຈີລິດ ໃນການທີ່ຈະຄົ້ນຫາຄຳຕອບ ທີມວິໄຈຂອງ Leventhal ໄດ້ທຳການກວດສອບເດັກທີ່ຢູ່ໃນຊັ້ນຮຽນເກດ 9 ທີ່ບໍ່ສູບຢາສູບຈຳນວນກວ່າ 2530 ຄົນຈາກໂຮງຮຽນລັດຖະບານໃນລອດແອງເຈີລິດກວ່າ 10 ແຫ່ງ
ໄວລຸ້ນຕ້ອງຕອບຄຳຖາມຂອງຕົວເອງ ປະຫວັດຄອບຄົວແລະປະຫວັດຖິ່ນທີ່ພັກ ໃນຈຳນວນຂອງນັກຮຽນກຸ່ມນີ້ ມີເຖິງ 222 ຄົົນທີ່ໃຊ້ຢາສູບໄຟຟ້າ ຫລັງຈາກນັ້ນນັກວິໄຈໄດ້ທຳການກວດສອບຊ້ຳອີກເທື່ອຫລັງຈາກຜ່ານໄປຫົກເດືອນ ແລະອີກເທື່ອໜຶ່ງຫລັງຈາກຜ່ານໄປໜຶ່ງປີ ເມື່ອທຳການປຽບທຽບກັບກຸ່ມທີ່ບໍ່ໄດ້ໃຊ້ຢາສູບໄຟຟ້າ ກຸ່ມທີ່ໃຊ້ຢາສູບໄຟຟ້ານັ້ນຈະມີແນວໂນ້ມຫລາຍກວ່າເຖິງສາມເທົ່າໃນການສູບຜະລິດຕະພັນຢາສູບໃນຊ່ວງໄລຍະເວລາໜຶ່ງປີ
ທີມວິໄຈຂອງ Leventhal ໄດ້ຕີພິມງານວິໄຈຂອງພວກເຂົາໄວ້ໃນວາລະສານທາງວິຊາການລະດັບນານາຊາດ JAMA ເມື່ອວັນທີ່ 18 ສິງຫາທີ່ຜ່ານມາ
ອັດຕາການໃຊ້ຢາສູບໄຟຟ້າຂອງໄວລຸ້ນນັ້ນເພີ່ມຂຶ້ນຢ່າງວ່ອງໄວ
ມັນບໍ່ຄືກັບຜະລິດຕະພັນຢາສູບ ຢາສູບໄຟຟ້າສາມາດໂຄສະນາໄດ້ທັງໃນທີວີ ແລະໃນວິທະຍຸຂອງປະເທດສະຫາຣັດອະເມຣິກາ ຢາສູບໄຟຟ້າບໍ່ມີສານນິໂຄຕິນຊຶ່ງເຮັດໃຫ້ເກີດອາການເສບຕິດ ແຕ່ໃນບາງຜູ້ຜະລິດຈະມີການສົ່ງສານນິໂຄຕິນເຂົ້າໄປດ້ວຍເນື່ອງຈາກການຂາຍຜະລິດຕະພັນໄດ້ໜ້ອຍ
ແຕ່ນິໂຄຕິນບໍ່ໄດ້ເປັນຄວາມສ່ຽງພຽງຢ່າງດຽວຂອງການໃຊ້ຢາສູບໄຟຟ້າ ກິ່ນທີ່ລະເຫີຍອອກມາຈາກອຸປະກອນນີ້ດຶງດູດເຫລົ່າເດັກໆອີກດ້ວຍ ມັນປະກອບໄປດ້ວຍກິ່ນຂອງລູກອົມ ກິ່ນພຸດດິ້ງກ້ວຍ ແລະອື່ນໆ ກິ່ນເຫລົ່ານີ້ຖືກແນະນຳວ່າມັນມີຄວາມປອດໄພ ແຕ່ນັກເຄມີກຳລັງຄົ້ນພົບວ່າ ສານລະເຫີຍທີ່ອອກມານັ້ນສາມາດທີ່ຈະປ່ອຍສານເຄມີເຂົ້າໄປໃນອາກາດຊຶ່ງເຮັດໃຫ້ເກີດອາການລະຄາຍເຄືອງແລະອັກເສບຕໍ່ປອດໄດ້
ມີກຸ່ມໄວລຸ້ນພຽງເລັກນ້ອຍເທົ່ານັ້ນທີ່ເບີ່ງວ່າຢາສູບໄຟຟ້ານັ້ນອັນຕະລາຍ ສິ່ງນີ້ຄືຂໍ້ມູນສຳຄັນທີ່ໄດ້ມາຈາກການສຶກສາຂອງ University of Michigan ການສຶກສາຄົ້ນພົບວ່າ ມີພຽງ 14.2 ເປີເຊັນເທົ່ານັ້ນຂອງເດັກນັກຮຽນໃນເກດ 12 ທີ່ພວກເຂົາທຳການສຳຫລວດຄິດວ່າ ຢາສູບໄຟຟ້ານັ້ນກໍ່ໃຫ້ເກີດອັນຕະລາຍໄດ້
ໃນຂະນະນີ້ Leventhal ໄດ້ວາງແຜນໄວ້ວ່າຈະເຮັດການສຶກສາກຸ່ມນັກຮຽນເພິ່ມເຕີມ ເພື່ອເຮັດການສຶກສາວ່າໄວລຸ້ນທີ່ໃຊ້ຢາສູບໄຟຟ້າມີແນວໂນ້ມໃນການເສບຕິດນິໂຄຕິນທີ່ແພ່ຢູ່ໃນຢາສູບໄຟຟ້າຢ່າງໃດ
“ຄວາມຄິດທີ່ວ່າ ການໃຊ້ຢາສູບໄຟຟ້າຈະຊ່ວຍໃຫ້ໄວລຸ້ນນັ້ນຫ່າງໄກຈາກຢາສູບເປັນເລື່ອງທີ່ບໍ່ຈິງ” Leventhal ກ່າວ ແລະພວກເຂົາລາຍງານວ່າ “ພວກເຮົາພົບວ່າມັນໃຫ້ສິ່ງທີ່ກົງກັນຂ້າມກັນ”