V404 Cygni ເປັນ​ລະບົບ​ດາວ​ຄູ່​ທີ່​ຕື່ນ​ຂຶ້ນ ຄຳ​ວ່າ “ຕື່ນ​ຂຶ້ນ”ໝາຍ​ຄວາມ​ວ່າ​ໃນ​ລະບົບ​ມີ​ການ​ເກີດຂື້ນ​ຂອງ​ຂຸມ​ດຳ​ເກີນ​ຂື້ນຫລາຍກວ່າ 70 ເທື່ອ​ໃນ​ໜຶ່ງ​ອາທິດ ​ແລະ ​ທຸກ​ເທື່ອ​ທີ່​ມີ​ການ​ເກີດ​ອຸປະກອນ​ກວດ​ວັດ​ລັງສີ​ແກມ​ມາ (Gamma-ray Burst Monitor ,GBM) ເທິງ​ກ້ອງ​ໂທລະ​ທັດ​ອາວະ​ກາດ​ເຟີມີ (Fermi gamma-ray space telescope) ໄດ້​ສົ່ງ​ຂໍ້​ມູນ​ກັບ​ມາຫານັກ​ວິທະຍາ​ສາດ​ຜູ້​ເບິ່ງແຍງ​ລະບົບ

V404 Cygni ເປັນ​ລະບົບ​ດາວ​ຄູ່​ຊຶ່ງ​ປະກອບ​ດ້ວຍ​ດາວ​ທີ່​ຄ້າຍ​ກັນ​ກັບ​ດວງ​ອາທິດ​ຂອງ​ເຮົາ​ກັບ​ຂຸມ​ດຳ ໂດຍ​ທັງ​ສອງ​ຈະ​ໂຄຈອນ​ຮອບ​ກັນ​ແລະ​ກັນ ມວນ​​ສານ​ຂອງ​ຂຸມ​ດຳ​ໄດ້ປ່ອຍ​ແກ໊ສ໌​ອອກຈາກ​ດາວ​ຄູ່​ຂອງ​ມັນ​ແລ້ວ​ເກີດ​ການ​ໝຸນ​ວຽນ​ຮອບ​ຂຸມດຳ​ຄືກັບ​ຮູບ​ຈານ ເນື່ອງ​ຈາກ​ກາ​ນອະນຸ​ລັກ​ໂມ​ເມນ ​ເຮັດໃຫ້​ແກ໊ສ​ດັ່ງ​ກ່າວ​ມີ​ວົງ​ໂຄຈອນ​ທີ່​ຄົງ​ຕົວ​ຮອບ​ຂຸມ​ດຳ ແຕ່​ເມື່ອ​ໃດ​ທີ່​ແກສ໌​ເຫລົ່າ​ນັ້ນ​ເລີ່ມ​ບໍ່​ມີການສະຖຽນ​ ມັນ​ຈະ​ເກີດ​ການ​ໄຫລ​ ​ເຂົ້າ​ສູ່​ແກນກາງ​ຂອງ​ຂຸມ​ດຳ ເມື່ອ​ເກີດ​ປາກົດ​ການ​ນີ້​ຈານ​ແກ໊ສ໌​ຈະ​ປ່ອຍ​ລັງສີ​ໃນ​ທຸກໆ​ຊ່ວງ​ຄວາມ​ຍາວ​ຄື້ນ​ອອກ​ມາ ລວມ​ທັງ​ລັງສີ​ເອັກ​ນຳອີກ ລັງສີ​ເຫລົ່າ​ນີ້​ຖືກ​ປ່ອຍ​ອອກ​ມາ​ຈາກ​ແກ໊ສ໌​ທີ່​ໄຫລວຽນ​ຢູ່​ດ້ານ​ໃນ​ສຸດ ທັງ​ໝົດ​ນີ້​ຄື​ສິ່ງ​ທີ່ເກິດຂື້ນ​ກັບ V404 Cygni ໃນ​ວັນທີ່ 15 ມິ​ຖຸ​ນາ ທີ່ຜ່ານມາ

ທີມ​ຂອງ​ນັກ​ວິທະຍາ​ສາດ​ທີ່​ເຝົ້າ​ສັງເກດ​ປະລິມານ​ລັງສີ​ຂອງ​ຂຸມ​ດຳ ນຳ​ໂດຍ Andrew Beardmore (ມະຫາ​ວິທະຍາ​ໄລ​ເລດ​ເຕີ ໃນ​ປະເທດ​ອັງ​ກິດ) ໄດ້​ໃຊ້​ກ້ອງ​ໂທລະທັດ​ລັງສີ​ເອັກ​ເທິງ​ດາວ​ທຽມສະວິບ​ຂອງ​ນາ​ຊ່າ​ໃນ​ການ​ເກັບ​ກຳ​ພາບ​ຂອງ V404 Cygni ຈາກ​ວັນທີ່ 30 ມິ​ຖຸ​ນາ ເຖິງ ວັນທີ່ 4 ກໍລະກົດ ທີ່​ຜ່ານມາ ຈາກ​ນັ້ນ​ນັກ​ວິ​ໄຈ​ກໍ​ນຳ​ພາບ​ທີ່​ບັນ​ທຶກ​ໄດ້​ມາ​ສ້າງ​ເປັນ​ພາບ​ເຄື່ອນ​ໄຫວ​ຂອງ​ສິ່ງ​ທີ່​ລະບົບ​ນີ້​ເຮັດວຽກ

ຄວາມ​ຈິງ​ແລ້ວ​ວົງ​ແຫວນ​ຮອບ​ຂຸມ​ດຳ​ເປັນ​ພາ​ບລວງ​ຕາ ລັງສີ​ເອັກຈາກ​ການ​ເກີດຂື້ນ​ຮອບ​ຂຸມ​ດຳ​ກະທົບ​ກັບ​ຝຸ່ນ​ລະ​ອອງ​ທີ່​ຢູ່​ລະຫວ່າງ​ຂຸມ​ດຳ​ແລະ​ກ້ອງ​ໂທລະທັດສະວິບ (Fermi gamma-ray space telescope) ຝຸ່ນ​ລະ​ລອງ​ເຫລົ່າ​ນັ້ນ​ເຮັດໃຫ້​ລັງສີ​ເອັກ​ກະ​ຈາຍ​ແລະ​ສົ່ງ​ມາ​ຫາ​ກ້ອງ​ໂທລະທັດສະວິບໃນ​ເວລາ​ທີ່​ຕ່າງ​ກັນ​ເຮັດໃຫ້​ເກີດ​ພາ​ບວົງ​ແຫວນ​ຫລາຍ​ວົງ​ທີ່​ຂະຫຍາຍ​ຕົວ​ຮອບ​ແຫລ່ງ​ກຳ​ເນີດ

ວົງ​ແຫວນ​ນີ້​ມີ​ລັກສະນະ​ຄ້າຍ​ກັບ​ແສງ​ຈາກ Circinus X-1 ທີ່​ສັງເກດ​ການ​ໄດ້​ກ່ອນ​ໜ້າ​ນີ້​ຈາກ​ກ້ອງ​ໂທລະທັດ​ອາວະ​ກາດ​ຈັນ​ຊາ (Chandra X-Ray Observatory)  ຢ່າງໃດ​ກໍ​ຕາມ ໄລ​ຍະ​ຫ່າງ​ຈາກ V404 Cygni ເຖິງ​ໂລກ​ມີ​ຄ່າ​ປະ​ມານ 8,000 ປີ​ແສງ ໜ້ອຍ​ກວ່າ​ໄລ​ຍະ​ທາງ​ຈາກ​ໂລກ​ເຖິງ Circinus X-1 ທີ່​ມີ​ຄ່າ​ເຖິງ 30,700 ປີ​ແສງ​ຢູ່​ຫລາຍ ເຮັດໃຫ້​ທີມ​ງານ​ຂອງ​ນັກ​ວິທະຍາ​ສາດ​ສັງເກດ​ເຫັນ​ການ​ຂະຫຍາຍ​ຕົວ​ຂອງ​ວົງ​ແຫວນ​ໄດ້​ງ່າຍ​ຂຶ້ນ ເພາະ​ແຫລ່ງ​ກຳ​ເນີດ​ແສງ​ທີ່​ຢູ່​ໃກ້​ໂລກ​ເບີ່ງແຈ້ງ ​ແລະ​ ໃຫຍ່​ກວ່າ​ແຫລ່ງ​ກຳ​ເນີດ​ທີ່​ຢູ່​ໄກ ເນື່ອງ​ຈາກ​ອັດຕາ​ການ​ຂະຫຍາຍ​ຕົວ​ຂອງ​ວົງ​ແຫວນ​ຈະ​ຫລຸດລົງ​ເມື່ອ​ເວລາ​ຜ່ານ​ໄປ​ແລະ​ທີມ​ນັກ​ວິ​ໄຈ​ຈຶ່ງ​ໄດ້ຮັບ​ອະນຸຍາດ​ໃຫ້​ບັນ​ທຶກ​ພາບ​ຈົນ​ນຳ​ມາ​ສ້າງ​ພາບ​ເຄື່ອນ​ໄຫວ​ຂອງ​ວົງ​ແຫວນ​ທີ່​ກຳ​ລັງ​ຂະຫຍາຍ​ຕົວ​ໄດ້