ໃນຫລາຍໆພື້ນທີ່ຂອງໂລກນັ້ນ ລະດູຕ່າງໆປະຈຳປີນັ້ນມາພ້ອມກັບສີຂອງມັນເອງ ສີຂຽວທີ່ຫລາຍຂຶ້ນໃນລະດູຮ້ອນ ສີຂາວແລະເທົາທີ່ຫລາຍຂຶ້ນໃນລະດູໜາວ
ທີ່ໜ້າສົນໃຈກໍຄື ການປ່ຽນແປງຂອງລະດູນັ້ນອາດຈະສົ່ງຜົນກະທົບຕໍ່ວິທີທີ່ເຮົາເບິ່ງເຫັນສີບາງສີດ້ວຍ ຊຶ່ງເປັນສິ່ງທີ່ງານວິໄຈຊິ້ນໃໝ່ຊິ້ນໜຶ່ງທີ່ຖືກຕີພິມລົງໃນ Current Biology ຄົ້ນພົບ
ສີທີ່ວ່ານັ້ນກໍຄືສີເຫລືອງ ແລະຕາຂອງເຮົາກໍມັກຈະຕີຄວາມວ່າສີເຫລືອງແທ້ໆນັ້ນເປັນຢ່າງໃດ ໄດ້ແຕກຕ່າງກັນໃນລະດູໜາວເມື່ອທຽບກັບລະດູຮ້ອນ
ສີເຫລືອງນັ້ນເປັນໜຶ່ງໃນສີ່ “ສີພິເສດ” ທີ່ຮັບຮູ້ໄດ້ໂດຍສາຍຕາຂອງມະນຸດໄປພ້ອມກັບສີນ້ຳເງີນ ສີຂຽວ ສີແດງ ແລະ ສີດຳ ການແບ່ງແຍກນີ້ໝາຍຄວາມວ່າສີເຫລົ່ານັ້ນຖືກອ່ານໂດຍດວງຕາວ່າເປັນສີ “ບໍລິສຸດ” ຫລືເປັນສີທີ່ບໍ່ມີການປະສົມກັບສີອື່ນໆເລີຍ
ແຕ່ສີເຫລືອງນັ້ນໂດດເດັ່ນຢູ່ເປັນສີດຽວແມ່ນແຕ່ກຸ່ມ “ສີພິເສດ” ນຳກັນເອງ ນັ້ນກໍເປັນເພາະວ່າ ຜູ້ຄົນສ່ວນໃຫຍ່ນັ້ນເຫັນກົງກັນວ່າ ສີເຫລືອງ “ແທ້ໆ” ນັ້ນເປັນຢ່າງໃດ ເຖິງວ່າດວງຕານັ້ນຈະແຕກຕ່າງກັນໄປໃນແຕ່ລະຄົນກໍຕາມ ຊຶ່ງບ່ອນນີ້ເອງທີ່ນັກວິໄຈໄດ້ສົງໄສວ່າ ການທີ່ຄົນຈຳນວນຫລາຍສາມາດຮັບຮູ້ສີເຫລືອງໄດ້ຢ່າງຄົງທີ່ນັ້ນແທ້ຈິງແລ້ວເປັນເພາະເຫດຜົນທາງສິ່ງແວດລ້ອມຫລາຍກວ່າທີ່ຈະເປັນເພາະເຫດຜົນທາງກາຍະພາບຫລືບໍ່
ເພື່ອທົດສອບທິດສະດີຂອງພວກເຂົາ ນັກວິທະຍາສາດໄດ້ຂໍໃຫ້ຊາຍແລະຍິງ ຈຳນວນ 67 ຄົນຕັດສິນວ່າ ແສງໄຟທີ່ມີສີນັ້ນປ່ຽນໄປເປັນສີເຫລືອງພິເສດຕອນໃດທັງໃນເດືອນກໍລະກົດແລະເດືອນມິຖຸນາ ຊຶ່ງພວກເຂົາພົບຄວາມແຕກຕ່າງຢ່າງຫລາຍຂອງສີເຫລືອງຈາກການປ່ຽນແປງຂອງລະດູ
“ສິ່ງທີ່ເຮົາພົບກໍຄື ໃນລະຫວ່າງລະດູຕ່າງໆ ນັ້ນການເບິ່ງເຫັນຂອງເຮົາປັບປ່ຽນໃຫ້ເຂົ້າກັບການປ່ຽນແປງຂອງສະພາບແວດລ້ອມ”
ພວກເຂົາຄາດການວ່າ ລະບົບການເບິ່ງເຫັນຂອງເຮົານັ້ນພະຍາຍາມທີ່ຈະປັບສົມດຸນການເບິ່ງເຫັນສີເອງໂດຍທຳມະຊາດເວລາທີ່ສີຕ່າງໆ ຮອບຕົວເຮົາປ່ຽນໄປພ້ອມກັບລະດູການ ຄ້າຍກັບການທີ່ເຮົາອາດຈະປັບສີໂທລະທັດຂອງເຮົານັ້ນເອງ
“ໃນເມືອງ York ນັ້ນມັກຈະມີລະດູໜາວທີ່ມີສີເທົາແລະເບິ່ງໝົ່ນໝອງ ແຕ່ໃນລະດູຮ້ອນນັ້ນກັບມີສີຂຽວຢູ່ເຕັມໄປຫມົດ ສາຍຕາຂອງເຮົາຊົດເຊີຍກັບການປ່ຽນແປງເຫລົ່ານັ້ນແຕ່ເປັນທີ່ໜ້າປະຫລາດໃຈທີ່ມັນກໍໄດ້ປ່ຽນແປງຄວາມຄິດຂອງເຮົາທີ່ມີຕໍ່ສີເຫລືອງໄປນຳ”
ການຄົ້ນພົບດັ່ງກ່າວອາດບໍ່ໄດ້ມີປະໂຫຍດຕໍ່ການແພດດ້ານສາຍຕາເທົ່າໃດ ແຕ່ກໍສາມາດຊ່ວຍເພີ່ມຄວາມເຂົ້າໃຈໃນເລື່ອງການເບິ່ງເຫັນແລະວິທີການທີ່ເຮົາສຳຫລວດໂລກອ້ອມຮອບຕົວເຮົາ
“ຍິ່ງເຮົາຮຽນຮູ້ວ່າ ການເບິ່ງເຫັນແລະສີນັ້ນຖືກປະມວນໄດ້ຫລາຍເທົ່າໃດ ເຮົາກໍຈະເຂົ້າໃຈວ່າເຮົາເບິ່ງເຫັນໂລກໄດ້ດີຂຶ້ນຫລາຍເທົ່ານັ້ນ”