ຕອນແລງວັນທີ 12 ສິງຫາ 2015 ນີ້ຢູ່ທີ່ ສະໂມສອນໃຫຍ່ ເມືອງແອດ ແຂວງຫົວພັນ, ໄດ້ມີການຈັດພິທີປະກາດຕຳແໜ່ງຜູ້ບໍລິຫານ ຫ້ອງການສຶກສາທິການ ແລະ ກິລາ ເມືອງແອດ ຄົນໃໝ່ ໂດຍການເຂົ້າຮ່ວມຂອງ ທ່ານ ເພີດ ມາປັນຍາ ກຳມະການພັກແຂວງ ຫົວໜ້າ ພະແນກສຶກສາທິການ ແລະ ກິລາ ແຂວງຫົວພັນ, ທ່ານ ທອງຜາຍ ແພງກອງຜິວ ຄະນະປະຈຳພັກເມືອງ, ຮອງເຈົ້າເມືອງໆແອດ ຜູ້ຊີ້ນຳຂົງເຂດວຽກງານວັດທະນາທຳ-ສັງຄົມ, ຫົວໜ້າ,ຄະນະ ຫ້ອງການສຶກສາທິການ ແລະ ກິລາເມືອງ ພ້ອມດ້ວຍພະນັກງານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນພະຍານນຳ.
ໃນພິທີ ທ່ານ ວົງສີ ສິງດາທອງ ຫົວໜ້າຂະແໜງຈັດຕັ້ງ ແລະ ພະນັກງານ ພະແນກສຶກສາທິການ ແລະ ກິລາ ແຂວງ ໄດ້ຂຶ້ນຜ່ານຂໍ້ຕົກລົງຂອງ ຫົວໜ້າ ພະແນກສຶກສາທິການ ແລະ ກິລາ ແຂວງຫົວພັນ ສະບັບເລກທີ 487 / ສກຂ.ຈຕ ລົງວັນທີ 21 ກໍລະກົດ 2015 ວ່າດ້ວຍການແຕ່ງຕັ້ງພະນັກງານດຳລົງຕຳແໜ່ງບໍລິຫານຂອງ ຫ້ອງການສຶກສາທິການ ແລະ ກິລາ ເມືອງແອດ ບຸກຄົນທີ່ໄດ້ຮັບຕຳແໜ່ງຜູ້ບໍລິຫານໃນຄັ້ງນີ້ປະກອບມີ 1 ທ່ານ ຄື: ທ່ານ ສອນທອງ ວິໄຊ ສັງກັດລັດວັນທີ 28 ສິງຫາ 1991 ໃນຕຳແໜ່ງເກົ່າເປັນຫົວໜ້າໜ່ວຍງານບໍລິຫານຂື້ນມາເປັນຮອງຫົວໜ້າ ຫ້ອງການສຶກສາທິການ ແລະ ກິລາ ເມືອງແອດຄົນໃໝ່ ຜູ້ທີ່ຖືກແຕ່ງຕັ້ງມີສິດໄດ້ຮັບເງິນອູດໜູນຕາມດຳລັດຂອງນາຍົກລັດຖະມົນຕີ,ສະບົບເລກທີ 99 / ນຍ ລົງວັນທີ 23 ມີຖຸນາ 2008
ຂ່າວແລະພາບ: ສກຂ ຫົວພັນ