spot_img
Homeຂ່າວພາຍ​ໃນນຳຖ້ວມຢູ່ເມືອງຄອບແຂວງໄຊຍະບູລີ

ນຳຖ້ວມຢູ່ເມືອງຄອບແຂວງໄຊຍະບູລີ

Published on

wed4sep2

ໃນລະຫວ່າງວັນທີ 27-28 ກໍລະກົດ 2013 ຜ່ານມານີ້, ໄດ້ເກີດມີຝົນຕົກໜັກຕິດຕໍ່ ກັນຫຼາຍວັນຢູ່ເຂດຫົວນ້ຳ ພ້າວ, ນ້ຳປາຍ ແລະ ນ້ຳມອນ ເຮັດໃຫ້ນ້ຳປ່າໄຫຼໂຮມລົງສູ່ ນ້ຳຄອບເຮັດໃຫ້ນ້ຳຄອບ ເພີ່ມຂຶ້ນຜິດປົກກະຕິ. ສະນັ້ນ, ທາງຄະນະກຳມະການຕ້ານ ໄພພິບັດຂັ້ນເມືອງໄດ້ມີການ ຕິດຕາມເຝົ້າລະວັງລະດັບນ້ຳ ແລະແຈ້ງເຕືອນໃຫ້ປະຊາ ຊົນອາໄສຢູ່ສອງບ່ອນ ທີ່ມີ ຄວາມສຽງ ມີສະຕິລະວັງຕົວ ກຽມພ້ອມຮັບມືກັບໄພນ້ຳ ຖ້ວມທີ່ຈະເກີດຂຶ້ນ ແລະ ອົບ ພະຍົບປະຊາຊົນໄປຢູ່ບ່ອນ ປອດໄພ. ຈົນມາຮອດເວລາ 4 ໂມງເຊົ້າຂອງວັນທີ 28 ກໍ ລະກົດ 2013 ນ້ຳຄອບໄດ້ ຍຶ່ງຂຶ້ນລົ້ນຝັ່ງໄຫຼຊຸທັ່ງເຂົ້າ ຖ້ວມເຮືອນຊານ, ສຳນັກງານ ອົງການຂອງລັດ, ຕະຫຼາດ  ແລະ ພື້ນທີ່ທຳການຜະລິດ, ສັດລ້ຽງ, ພື້ນຖານໂຄງລາງ ລະບົບນ້ຳລີນຂອງພໍ່ແມ່ປະ ຊາຊົນເມືອງຄອບເສຍຫາຍ ຢ່າງໜັກ, ລະດັບນ້ຳສູງ 3-5 ແມັດ, ໃນນີ້ມີບ້ານທີ່ຖືກນ້ຳ ຖ້ວມຈຳນວນ 18 ໝູ່ບ້ານ, ສຳນັກງານອົງການຂອງລັດ 2 ແຫ່ງ, ມີຜູ້ໄດ້ຮັບຜົນກະທົບ 711 ຄອບຄົວ, (ໃນນີ້ມີຄອບ ຄົວນາຍ ແລະ ພົນທະຫານ ກອງ “ຄ 418” ຈຳນວນ 7 ຄອບຄົວ), ມີປະຊາຊົນ 3.456 ຄົນ, ຍິງ 1.727 ຄົນ, ເຮືອນຊານຂອງພໍ່ແມ່ປະຊາ ຊົນຖືກນ້ຳພັດໄຫຼ 13 ຫຼັງ, ແຕ່ ບໍ່ມີຜູ້ເສຍຊີວິດ, ເຂົ້າສານ ເສຍຫາຍ 17.783 ກິໂລ, ຊັບ ສິນເສຍຫາຍເຊັ່ນ: ເຄື່ອງນຸ່ງ ຫົ່ມ, ເຄື່ອງໃຊ້ໃນຄົວເຮືອນ, ເຄື່ອງໄຟຟ້າ, ໄມ້ປຸກສ້າງ, ຮ້ານຂາຍລົດຈັກ 4 ຮ້ານ, ໂຮງອົບໝາກເດືອຍ 1 ແຫ່ງ, ເນື້ອທີ່ທຳການຜະລິດ: ນາ 177,61 ເຮັກຕາ, ສາລີ 288,80 ເຮັກຕາ, ສັດລ້ຽງງົວ 11 ໂຕ, ໝູ 48ໂຕ, ສັດປີກ 5.459 ໂຕ, ໜອງປາ 51 ໜອງ, ເສັ້ນທາງຫຼາຍຈຸດຖືກ ເປເພເສຍຫາຍເຊັ່ນ: ເສັ້ນ ທາງໝາຍເລກ 3634 ແຕ່ ບ້ານດອນມູນ ຫາ ບ້ານຫ້ວຍ ເງິນ ແລະ ບ້ານດອນຕັນ ຫາ ບ້ານນ້ຳໂຕມ ໄລຍະທາງ 24 ກິໂລແມັດ, ເສັ້ນທາງແຕ່ເທດ ສະບານເມືອງ ຫາ ບ້ານດອນ ຕັນ, ຂົວດາໂລ ຂາດບໍ່ສາ ມາດຂ້າມໄດ້, ລະບົບຊົນລະ ປະຖານເປເພ 5 ແຫ່ງ, ໂຮງ ສີເຂົ້າ 3 ເຄື່ອງ,  ລົດໃຫຍ່ 4 ຄັນ, ລົດຈັກ 57 ຄັນ, ລົດໄຖ ນາເດີນຕາມ 45 ຄັນ, ເຮືອ ຈັກ 2 ລຳ, ເສົາໄຟຟ້າ 10 ຫຼັກ, ມີເຕີແທກໄຟ 103 ໜ່ວຍ, ຂາດໄຟຟ້າໃຊ້, ປະ ເມີນມູນຄ່າເສຍຫາຍທັງໝົດ 24 ຕື້ 280 ລ້ານກ່ວາກີບ, ຕໍ່ກັບເຫດການດັ່ງກ່າວການ ແກ້ໄຂສະພາບເບື້ອງຕົ້ນທາງ ຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນ ເມືອງກໍ່ໄດ້ແຕ່ງຕັ້ງພະນັກ ງານ, ທະຫານ, ຕຳຫຼວດລົງ ຊ່ວຍເຫຼືອກູ້ໄພສຸກເສີນຕໍ່ປະ ຊາຊົນທີ່ຖືກນ້ຳຖ້ວມ, ຊ່ວຍ ປະຊາຊົນເຮັດອະນາໄມທຳ ຄວາມສະອາດບ້ານເຮືອນຫຼັງ ນ້ຳລົດ, ປຸກສ້າງທີ່ຢູ່ອາໄສ ຊົ່ວຄາວພ້ອມທັງແຈກຍາຍ ນ້ຳກິນ, ນ້ຳໃຊ້, ອາຫານການ ກິນ, ລົງຕິດຕາມ ແລະ ປ້ອງ ກັນພະຍາດລະບາດທີ່ອາດ ຈະເກີດຂຶ້ນຫຼັງນ້ຳຖ້ວມ.
ປັດຈຸບັນທາງທິມງານ ຂອງເມືອງໄດ້ສົມທົບກັບ ແຂວງສືບຕໍ່ລົງເກັບກຳຂໍ້ມູນ  ບາງບ້ານທີ່ຍັງບໍ່ທັນໄດ້ລາຍ ງານຜົນເສຍຫາຍຈາກໄພນ້ຳ ຖ້ວມຄັ້ງນີ້ ແລະ ສືບຕໍ່ປຸກລະ ດົມການຊ່ວຍເຫຼືອຈາກພາກ ສ່ວນຕ່າງໆ ມາຮອດປັດຈຸບັນ ນີ້ມີພາກສ່ວນມາຊ່ວຍເຫຼືອ ແລ້ວຄື: ການນຳເມືອງຊຽງ ຮ່ອນ, ເມືອງເງິນ, ເມືອງຫົງ ສາ, ພະແນກ ຍທຂ ແຂວງ, ພະແນກສາທາແຂວງ,  ກອງ ທຶນຊ່ວຍເຫຼືອສຸກເສີນຂອງ ແຂວງ, ກອງ “ຂ 301, ດ່ານ ພາສີປາງມອນ ແລະ ຄອບ ຄົວປະຊາຊົນບ້ານຜາບ່ອງ ປະກອບສ່ວນລວມມູນຄ່າທັງ ໝົດ 25 ລ້ານກ່ວາກີບ, ປັດ ຈຸບັນກໍ່ຍັງສືບຕໍ່ປຸກລະດົມ ພາກສ່ວນຕ່າງໆສືບຕໍ່ໃຫ້ການຊ່ວຍເຫຼືອຕືມອີກ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...