spot_img
Homeຂ່າວພາຍ​ໃນສຳເລັດບັ້ນຝຶກອົບຮົມເຕັກນິກການກອບກູ້ໄພພິບັດ

ສຳເລັດບັ້ນຝຶກອົບຮົມເຕັກນິກການກອບກູ້ໄພພິບັດ

Published on

wed4sep3

ກົມຊ່າງແສງກົມໃຫຍ່ ເສນາທິການກອງທັບ ໃນຖາ ນະເປັນກອງວິຊາສະເພາະ ໃຈກາງທີ່ໄດ້ຮັບການມອບ ໝາຍຈາກລັດຖະບານກໍ່ຄືກະ ຊວງປ້ອງກັນປະເທດຮັບຜິດ ຊອບວຽກງານກອບກູ້ໄພພິ ບັດ ໄດ້ຈັດຊຸດອົບຮົມການນຳໃຊ້ອຸປະກອນຊ່ວຍກອບກູ້ ແລະ ເຕັກນິກໃນການກອບກູ້ ໄພພິບັດໃຫ້ແກ່ພະນັກງານ ນັກຮົບກໍ່ຄືນັກວິຊາການຂອງ ຕົນ, ເຊິ່ງການຝຶກອົບຮົມໄດ້ ຈັດຂຶ້ນໃນລະຫວ່າງວັນທີ 15 ສິງຫາເຖິງວັນທີ 2 ກັນຍານີ້ ທີ່ ທ່າເຮືອບັກບ້ານຫາດສວນ ເມືອງທຸລະຄົມແຂວງວຽງຈັນ, ເຂົ້າຮ່ວມໃນພິທີປິດບັ້ນອົບ ຮົມມີຄະນະກົມ, ກອງ, ຫ້ອງ ການ ຂອງກົມຊ່າງແສງ ແລະ ອຳນາດການປົກຄອງເຂດໃກ້ ຄຽງເຂົ້າຮ່ວມ.
ສະຫາຍພັນໂທ ສົມເພັດ ເຄນໄຊສີ, ຫົວໜ້າພະແນກ ເຕັກນິກກົມຊ່າງແສງ, ທັງ ເປັນຄະນະຮັບຜິດຊອບຝຶກ ອົບຮົມໃຫ້ຮູ້ວ່າ: ບັ້ນຝຶກອົບ ຮົມຄັ້ງນີ້ໄຂຂຶ້ນຕາມທິດຊີ້ນຳ ຂອງກະຊວງປ້ອງກັນປະເທດ ກົມໃຫຍ່ເສນາທິການກອງ ທັບ, ຄະນະກຳມະການປ້ອງ ກັນ ແລະ ຄວບຄຸມໄພພິບັດ ແຫ່ງຊາດ, ໂດຍແມ່ນກົມຊ່າງ ແສງເປັນຜູ້ຮັບຜິດຊອບດ້ານ ວິຊາສະເພາະຕົວຈິງ, ການ ຝຶກອົບຮົມນີ້ມີຈຳນວນພົນ ເຂົ້າຮ່ວມໜຶ່ງກອງຮ້ອຍ, ມີ ເຮືອ 6 ລຳ, ໂດຍໄດ້ມີການສາ ທິດການນຳໃຊ້ເຮືອ, ການ ກອບກູ້ ແລະ ເຕັກນິກພື້ນ ຖານທີ່ຈຳເປັນຈຳນວນໜຶ່ງ, ເມື່ອປະເຊີນກັບສະພາບດິນ ຟ້າອາກາດປັ່ນປວນ, ນ້ຳຊຸທັ່ງ ນ້ຳນິ້ງ, ພື້ນທີ່ຄັບຂັນຕ່າງໆ. ນອກນັ້ນນັກສຳມະນາກອນ ຍັງໄດ້ສາທິດການຊ່ວຍເຫຼືອ ປະຊາຊົນທີ່ໄດ້ຮັບຜົນກະທົບ ໂດຍກົງຈາກໄພພິບັດທຳມະ ຊາດນຳອີກ. ທັງນີ້, ກໍ່ເພື່ອສະ ສົມຄວາມຊຳນິຊຳນານ ແລະ ທັກສະໃນການກອບກູ້ໄພພິ ບັດຕາມເງື່ອນໄຂສະພາບ ແວດລ້ອມພູມີປະເທດຕົວຈິງ.
ໃນຊຸມປີຜ່ານມາສະພາບ ດິນຟ້າອາກາດຢູ່ປະເທດເຮົາ ມີການປ່ຽນແປງຫຼາຍແນວ ໂນ້ມຂອງການເກີດໄພພິບັດ ທຸກຮູບແບບສູງຂຶ້ນ, ມີຄວາມ ຖີ່ ແລະ ແຮງຂຶ້ນຊັກໃຊ້, ໂດຍ ສະເພາະແມ່ນນ້ຳຖວ້ມ, ນຳ້ ປ່າໄຫຼຊຸທັ່ງແຮງ, ດິນເຊາະ ເຈື່ອນ, ໄພແຫຼ້ງແລ້ງ, ໄຟໄໝ້ ປ່າ, ການລະບາດຂອງພະ ຍາດ, ລະເບີດບໍ່ທັນແຕກທີ່ ຕົກຄ້າງໃນປາງສົງຄາມສິ່ງ ເຫຼົ່ານີ້ລ້ວນແລ້ວແຕ່ເປັນອຸ ປະສັກໃຫ້ແກ່ການພັດທະນາ ເສດຖະກິດສັງຄົມຂອງຊາດ ຕົ້ນຕໍແມ່ນໄພພິບັດທຳມະ ຊາດກໍ່ໃຫ້ເກີດຄວາມເສຍ ຫາຍຢ່າງໃຫຍ່ຫຼວງເຖິງຊີວິດ   ແລະ ຊັບສິນຂອງປະຊາຊົນ ເຮົາ.
ສະຫາຍພັນເອກ ສິງສະ ຫວັດ ພົມມະສັກ, ຫົວໜ້າກົມ ຊ່າງແສງ, ຄະນະອະນຸກຳມະ ການປ້ອງກັນຄວບຄຸມໄພພິ ບັດກອງທັບກ່າວວ່າ: ໄພພິ ບັດເປັນສິ່ງທ້າທາຍອັນໜຶ່ງ ກົດໜ່ວງຕໍ່ການພັດທະນາ ເສດຖະກິດ-ສັງຄົມ ແລະ  ຄວາມໝັ້ນຄົງຂອງປະເທດ ຊາດ, ການກອບກູ້ໄພພິບັດ ແມ່ນໜ້າທີ່ການເມືອງຂອງ ພະນັກງານນັກຮົບໃນກອງ ທັບປະຊາຊົນລາວ ໂດຍສະ ເພາະແມ່ນເຫຼົ່າຮົບຊ່າງແສງ ທີ່ເປັນເຫຼົ່າຮົບວິຊາສະເພາະ ຮັບຜິດຊອບທາງດ້ານວັດຖຸອຸ ປະກອນເຕັກນິກໂດຍກົງ.
ຫົວໜ້າກົມຊ່າງແສງກ່າວ ໂດຍສະຫຼຸບວ່າ: ການຝຶກອົບ ຮົມນອກຈາກຈະເພີ່ມຄວາມ ຄ່ອງແຄ້ວຊຳນິຊຳນານແລ້ວ ຍັງເປັນການກຽມພ້ອມຮັບມື ກັບໄພພິບັດທີ່ອາດຈະເກີດ ຂຶ້ນຢູ່ທຸກເວລາ ແລະ ສະຖານ ທີ່ໄດ້ຢ່າງທັນການ ແລະ ເຮັດ ໃຫ້ຜົນກະທົບຈາກໄພພິບັດ ໃຫ້ຢູ່ໃນລະດັບໜ້ອຍທີ່ສຸດ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...