spot_img
Homeຂ່າວພາຍ​ໃນພາກເອກະຊົນ ມີສ່ວນຮ່ວມສຳຄັນ ຕໍ່ການພັດທະນາເສດຖະກິດ

ພາກເອກະຊົນ ມີສ່ວນຮ່ວມສຳຄັນ ຕໍ່ການພັດທະນາເສດຖະກິດ

Published on

bounpone

ໃນໂອກາດໃຫ້ກຽດໂອ້ລົມຕໍ່ກອງປະຊຸມພົບປະລະຫວ່າງພາກລັດ ແລະ ເອກະ ຊົນກ່ຽວກັບການພັດທະນາເສດຖະກິດແຫ່ງຊາດ ຂອງທ່ານ ດຣ ບຸນປອນ ບຸດຕະນະວົງ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດມະ ຫາພາກເມື່ອບໍ່ດົນມານີ້, ຊຶ່ງທ່ານໄດ້ເນັ້ນວ່າ: ພາກເອກະຊົນກໍຄື ຫົວໜ່ວຍທຸລະກິດ ແລະ ຜູ້ປະກອບການຕ່າງໆມີບົດບາດສຳຄັນຫລາຍໃນການພາໃຫ້ເສດ ຖະກິດຂອງຊາດ ເຕີບໃຫຍ່ຂະຫຍາຍໂຕດ້ວຍຄວາມເຂັ້ມແຂງໄດ້, ເພາະວ່າພາກເອກະຊົນຄືຜູ້ຈັດຕັ້ງຜັນຂະຫຍາຍແນວທາງນະໂຍບາຍດ້ານເສດຖະກິດຂອງພັກ ແລະ ລັດຖະບານວາງອອກ ແຕ່ລະໄລຍະ.

ຮອງນາຍົກລັດຖະມົນຕີ ກ່າວວ່າ: ໃນຊຸມປີຜ່ານມາ, ເຫັນວ່າສະພາບເສດຖະກິດໂລກຍັງ ບໍ່ທັນຟື້ນຕົວດີເທົ່າທີ່ຄວນ, ບວກກັບຜົນກະທົບຈາກໄພທຳມະຊາດກໍມີຄວາມຮຸນແຮງຂຶ້ນເລ້ືອຍໆ, ອັນໄດ້ສົ່ງຜົນກະທົບບໍ່ໜ້ອຍຕໍ່ເສດຖະ ກິດຂອງປະເທດເຮົາ, ໂດຍສະເພາະບັນຫາລາຄາ ແຮ່ທາດໃນຕະຫລາດໂລກຕົກຕ່ຳ,ເຮັດໃຫ້ຫລາຍໂຄງການຂຸດຄົ້ນແຮ່ຢູ່ປະເທດເຮົາປະສົບບັນຫາ, ມີບາງໂຄງການໄດ້ຢຸດການຜະລິດ ຊົ່ວຄາວ ແລະ ສົ່ງຜົນຕໍ່ການເກັບລາຍຮັບເຂົ້າງົບປະ ມານບໍ່ໄດ້ຕາມແຜນ, ເນື່ອງຈາກວ່າລາຍ ຮັບຕົ້ນຕໍ່ຂອງຊາດໃນປັດຈຸບັນແມ່ນມາຈາກແຮ່ທາດເປັນສ່ວນໃຫຍ່. ຄືດັ່ງໃນສົກປີນີ້ກະຊວງການເງິນໄດ້ຂຶ້ນແຜນເກັບລາຍຮັບຈາກແຮ່ທາດປະມານ 1.300 ຕື້ກີບ, ແຕ່ໃນຕົວຈິງປະຕິບັດໄດ້ພຽງ 500 ກວ່າຕື້ກີບ, ໝາຍວ່າຍັງຂາດດຸນຫລາຍກວ່າ 700 ຕື້ກີບ ແລະ ຕົວເລກນີ້ກໍແມ່ນສະພາແຫ່ງຊາດໄດ້ຮັບຮອງເອົາແລ້ວ, ຂະນະດຽວກັນກໍມີຫລາຍບໍລິສັດໄດ້ລົງ ມືຈັດຕັ້ງປະຕິບັດຫລາຍໂຄງການ ເປັນຕົ້ນ:ກໍ່ສ້າງເສັ້ນທາງ, ຂົວ ແລະ ໂຄງລ່າງພື້ນຖານອື່ນໆ, ແຕ່ສຸດທ້າຍເຮັດໃຫ້ລັດເປັນໜີ້ພາກເອກະຊົນ, ເນື່ອງຈາກເກີດສະພາບບໍ່ຄ່ອງຕົວດ້ານການ ເງິນຂອງລັດຖະບານ ແລະ ບັນຫາອື່ນໆ, ຂະນະດຽວກັນຂະບວນການປູກໄມ້ອຸດສະຫະກຳ, ໂດຍສະເພາະຢາງພາລາກໍປະສົບບັນຫາລາຄາຕົກຕ່ຳ ແລະ ບໍ່ມີສັນຍາຜູກຂາດການເກັບ ຊື້ທີ່ລະອຽດຊັດເຈນ, ມີຫລາຍແຂວງທາງພາກເໜືອປະເທດເຮົາກະສິກອນຈຳນວນບໍ່ໜ້ອຍ ໄດ້ພາກັນຕັດໂຄ່ນຕົ້ນຢາງພາລາຖີ້ມແລ້ວປູກພືດຊະນິດອື່ນແທນ, ເຊິ່ງບັນຫາດັ່ງກ່າວນີ້ເກີດຂຶ້ນຍ້ອນພວກເຮົາຂາດການວາງແຜນສົ່ງເສີມທີ່ລະອຽດ ແລະ ນອກຈາກນີ້, ພວກເຮົາຕ້ອງຮັບຮູ້ ແລະ ເຂົ້າໃຈນຳກັນວ່າປັດຈຸບັນຫົວໜ່ວຍການຜະລິດ ຢູ່ປະເທດເຮົາສ່ວນຫລາຍຍັງບໍ່ທັນມີຄວາມເຂັ້ມແຂງທາງດ້ານເຕັກນິກ, ທຶນຮອນ ແລະ ປະສົບການຈຶ່ງເຮັດໃຫ້ຫົວໜ່ວຍທຸລະກິດເຫລົ່ານັ້ນປະສົບບັນຫາໃນການດຳເນີນທຸລະກິດຂອງຕົນ, ສົ່ງຜົນກະທົບຕໍ່ການເກັບລາຍຮັບງົບປະມານ ແລະ ການສ້າງວຽກເຮັດງານທຳໃຫ້ປະຊາຊົນ.

ຮອງນາຍົກລັດຖະມົນຕີ ກ່າວວ່າ: ເພື່ອເຮັດໃຫ້ເສດຖະກິດຂອງຊາດເຕີບໃຫຍ່ຂະຫຍາຍຕົວຕາມ ແຜນ ກຳນົດໄວ້ນັ້ນ, ມັນເປັນສິ່ງສຳຄັນຫລາຍທີ່ພາກລັດ ແລະ ເອກະຊົນຈະຕ້ອງໄດ້ມີການປຶກ ສາຫາລືນຳກັນຢ່າງຈິງໃຈເລິກເຊິ່ງ, ໂດຍສະເພາະປັດຈຸບັນພວກເຮົາພວມຢູ່ໃນການກະກຽມສະ ຫລຸບຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VII (2011-2015) ແລະ ກຳນົດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII (2016-2020), ພ້ອມທັງຍຸດທະສາດ ແລະ ວິໃສທັດຕ່າງໆ, ສະນັ້ນ ຈຶ່ງຮຽກຮ້ອງມາຍັງພາກເອກະຊົນ, ນັກທຸລະກິດຈົ່ງເປັນເຈົ້າການເຂົ້າ ຮ່ວມປະກອບຄຳຄິດເຫັນໃສ່ແຜນພັດທະນາເສດຖະກິດດັ່ງກ່າວ, ເພາະວ່າຜູ້ທີ່ຈະຈັດຕັ້ງປະຕິບັດ ແຜນພັດທະນາເສດຖະກິດແຫ່ງຊາດໃຫ້ປະສົບຜົນສຳເລັດຕົວຈິງກໍແມ່ນພາກເອກະຊົນກໍຄືນັກທຸລະກິດນັ້ນເອງ, ດັ່ງນັ້ນ ມັນຈິ່ງມີຄວາມຈຳເປັນຫລາຍທີ່ພາກລັດ ແລະ ພາກເອກະຊົນ ຕ້ອງມີການປຶກສາຫາລື ແລະ ກຳນົດນະໂຍບາຍທີ່ລະອຽດເພື່ອພ້ອມກັນຊອກຊ່ອງທາງ ແລະ ກົນໄກເອື້ອອຳນວຍໃຫ້ແກ່ບັນຍາ ກາດດຳເນີນທຸລະກິດດີກວ່າເກົ່າ ເພື່ອປະກອບສ່ວນເຂົ້າໃນການພັດທະນາປະເທດເຮົາ ໃຫ້ຈະເລີນສີວິໄລ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...