ອາການຜິດປົກກະຕິຂອງລົດທີ່ຄວນຮີບກວດເຊັກແລະສ້ອມແປງໂດຍໄວ ກ່ອນຈະເກີດຄວາມເສຍຫາຍຫລາຍຂຶ້ນກວ່າເກົ່າ ໄດ້ແກ່ ເຄື່ອງຍົນ ຖ້າຮ້ອນຈົນເກີນໄປ ຂັບໄປໄດ້ບໍ່ເທົ່າໃດ ຄວາມຮ້ອນກໍຂຶ້ນສູງ, ເຢັນເກີນໄປ ແມ່ນຈະຂັບມາໄລຍະທາງໄກພໍສົມຄວນແລ້ວ ເຂັມວັດອຸນຫະພູມຍັງບໍ່ເຄື່ອນໄຫວ, ມີສຽງດັ່ງຜິດປົກກະຕິຈາກເຄື່ອງຍົນ
ຢາງ ຫາກດອກຢາງສູນກາງລໍ້ເສຍຫາຍຫລາຍກວ່າຂອບ ສະແດງວ່າເຕີມລົມແຂງເກີນໄປ, ດອກຢາງຂອບລໍ້ ເສຍຫາຍຫລາຍກວ່າສູນກາງ ສະແດງວ່າເຕີມລົມອ່ອນເກີນໄປ, ດອກຢາງເສຍຫາຍຂ້າງໃດຂ້າງໜຶ່ງ ສະແດງວ່າມຸມແນວຕັ້ງຂອງຢາງບໍ່ກົງ, ດອກຢາງເປັນບັ້ງໆ ສະແດງວ່າແນວຂອງຢາງບໍ່ຂະໜານກັບແນວເຄື່ອນທີ່ຂອງລົດ ຄວນນຳລົດເຂົ້າສູນສ້ອມແປງລົດເພື່ອຕັ້ງສູນລໍ້ ຫລືປັບແຮງດັນລົມຢາງໃໝ່
ຄາດ ທີ່ມີບັນຫາ ຈະເຮັດໃຫ້ຄວບຄຸມເກຍບໍ່ໄດ້ ຢ່າລະເລີຍອາການເຫລົ່ານີ້ ເຊັ່ນ ຄາດມື່ນ ຫລືເຂົ້າເກຍບໍ່ຈຳ ຫລືຫຍຽບແປ້ນຄາດແລ້ວ ແຕ່ຍັງເຂົ້າເກຍໄດ້ຍາກ, ຄາດມີສຽງດັ່ງເມື່ອຫຍຽບແປ້ນ, ຂະນະກຳລັງຂັບ
ເກຍ ຈະເຮັດຫນ້າທີ່ປ່ຽນແຮງບິດຂອງເຄື່ອງຍົນໃຫ້ເໝາະສົມກັບຄວາມໄວ ສັນຍານບອກເຫດວ່າເກຍມີບັນຫາຄື ມີສຽງດັງທັງໃນຂະນະທີ່ເກຍວ່າງ ຫລືເຂົ້າເກຍໃດເກຍໜຶ່ງຢູ່, ປ່ຽນເກຍຍາກ ມີອາການຕິດຂັດ ມີສຽງດັງຂະນະເຂົ້າເກຍທັງທີ່ຫຍຽບຄາດແລ້ວ ຫ້ອງເກຍມີນ້ຳມັນເຄື່ອງໄຫລອອກມາ
ພວງມາໄລ ທີ່ມີບັນຫາເຫລົ່ານີ້ ຈະເຮັດໃຫ້ອຸປະກອນອື່ນໆ ເຊັ່ນ ຢາງເຟືອງທ້າຍເປ່ເພເສຍຫາຍ ໄດ້ແກ່ ພວງມາໄລໜັກ ຫລືຕ້ອງໃຊ້ແຮງຫລາຍຜິດປົກກະຕິໃນການບັງຄັບລ້ຽວ, ພວງມາໄລຫລົມເກີນໄປ ໂດຍມີໄລຍະຟຣີເກີນ 1 ນິ້ວ, ພວງມາໄລສັ່ນໃນຂະນະຂັບ ຄວນນຳເຂົ້າສູນບໍລິການສະເພາະຍີ່ຫໍ້
ເບຣກ ຖ້າພົບວ່າເບຣກມີອາການຜິດປົກກະຕິ ຕ້ອງຮີບແກ້ໄຂທັນທີ ເຊັ່ນ ເບຣກມື່ນ ຢຸດລົດບໍ່ຢູ່ ແມ່ນຈະບໍ່ໄດ້ຫຍຽບນ້ຳ, ເບຣກແລ້ວລົດປັດໄປຂ້າງໃດຂ້າງໜຶ່ງ, ແປ້ນເບຣກຍັງຄ້າງຢູ່ທັງທີ່ເອົາຕີນອອກມາແລ້ວ ຄວນນຳລົດເຂົ້າສູນສ້ອມແປງເບຣກທັນທີ
ຫລອດໄຟ ຖ້າຂາດເລື້ອຍຫລືຕ້ອງເຕີມນ້ຳກັ່ນໃນໝໍ້ແບດເຕີລີ່ເລື້ອຍເກີນໄປ ສະແດງວ່າອຸປະກອນທີ່ເຮົາເອີ້ນວ່າ “ເລກູເລເຕີ” ເຮັດຫນ້າທີ່ຄວບຄຸມກະແສໄຟໃຫ້ເໝາະສົມເສຍຫາຍ ຄວນນຳລົດເຂົ້າສ້ອມແປງລະບົບໄຟ ເພື່ອແປງເລກູເລເຕີ ຫລືຫາກເສຍຫາຍກໍອາດຈະຕ້ອງປ່ຽນໃໝ່
ນ້ຳມັນເຄື່ອງ ຖ້າສັນຍານໄຟເຕືອນລະບົບນ້ຳມັນເຄື່ອງຮຸ່ງຂຶ້ນໃນຂະນະຂັບຂີ່ລົດ ໝາຍເຖິງວ່າ ເຄື່ອງຍົນກຳລັງເຮັດວຽກ ໂດຍປາສະຈາກນ້ຳມັນເຄື່ອງ ຮີບນຳລົດໄປຍັງສູນສ້ອມແປງລົດທີ່ໃກ້ທີ່ສຸດທັນທີ ແຕ່ຖ້າສູນສ້ອມແປງລົດຢູ່ໄກໃຫ້ເຕີມນ້ຳມັນເຄື່ອງໃສ່ລົງໃນຖັງນ້ຳມັນເຄື່ອງໄປກ່ອນເປັນການແກ້ບັນຫາສະເພາະໜ້າ ແຕ່ຖ້າເປັນສາເຫດອື່ນທີ່ບໍ່ແມ່ນນ້ຳມັນເຄື່ອງແຫ້ງ ຄວນໃຊ້ລົດລາກໄປສູນສ້ອມແປງລົດ
