spot_img
Homeວິທະຍາສາດ-ວິທະຍາການໝົດບັນຫາຂີ້ເຫຍື້ອອິເລັກເທີນິກ: ອຸປະກອນຈະທຳລາຍຕົວເອງໄດ້ເມື່ອໄດ້ຮັບຄວາມຮ້ອນ

ໝົດບັນຫາຂີ້ເຫຍື້ອອິເລັກເທີນິກ: ອຸປະກອນຈະທຳລາຍຕົວເອງໄດ້ເມື່ອໄດ້ຮັບຄວາມຮ້ອນ

Published on

img

ຄຳ​ຖາມ​ທີ່​ວ່າ​ເມື່ອ​ອຸປະກອນ​ອິ​ເລັກເທີ​ນິກ​ໝົດ​ປະໂຫຍດ​ແລ້ວ ​ມັນ​ຈະ​ໄປ​ໃສ​ຕໍ່? ເຊີ່ງ​ໃນ​ປະຈຸບັນ​ນີ້​ອຸປະກອນ​ສ່ວນ​ໃຫຍ່​ມັກ​ຈະ​ຖືກ​ຖິ້ມ​ລົງ​​ດິນ ຈະ​ເປັນ​ຢ່າງໃດ​ຖ້າ​​ມັນ​ສາມາດ​ຫຍໍ້​ສະຫ​ລາຍ​ໄດ້​ຫລື​ແຕ​ກສະຫ​ລາຍ​ໄດ້​ເປັນ​ຊິ້ນ​ນ້ອຍໆ​ລະ​ດັບ​ໂມ​ເລ​ກຸນ ເຊີ່ງ​ຈະ​ເຮັດໃຫ້​ວັດ​ດຸ​ເຫລົ່າ​ນັ້ນ​ສາມາດ​ຖືກ​ລີ​ໄຊ​ເຄີນ​ໄດ້

ນັກ​ວິ​ໄຈ​ຈາກ​ມະຫາ​ວິທະຍາ​ໄລ University of Illinois ໄດ້​ພັດທະນາ​ອຸປະກອນ​ອິ​ເລັກເທີ​ນິກ​​ທີ່​ສາມາດ​ທຳລາຍ​ຕົວ​ເອງ​ໄດ້​ເມື່ອ​ໄດ້ຮັບ​ຄວາມ​ຮ້ອນ ນັບ​ເປັນ​ອີກ​ກ້າວ​ໜຶ່ງ​ທີ່​ສຳຄັນ​ທີ່​ສາມາດຫ​ລຸດຜ່ອນ​ຂີ້ເຫຍື້ອອິ​ເລັກເທີ​ນິກ​​ໄດ້ ແລະ​ຍັງ​ສົ່ງ​ເສີມ​ຄວາມ​ຍັ່ງ​ຍືນ​ໃນ​ອຸດສາຫະກຳ​ການ​ຜະລິດ​ອຸປະກອນ​ອິ​ເລັກເທີ​ນິກ​​ອີກ​ດ້ວຍ​ນອກ​ຈາກ​ນີ້​ພວກ​​ຍັງ​ໄດ້​ພັດທະນາ​ອຸປະກອນ​ທີ່​ສາມາດ​ຖືກ​ຄວບ​ຄຸມ​ຄື້ນ​ວິທະ​ຍຸ​ທີ່​ຈະ​ໄປ​ກະຕຸ້ນ​ການ​ທຳລາຍ​ຕົວ​ເອງ​ໄດ້​ຈາກ​ໄລ​ຍະ​ໄກ​ໄດ້​ຕາມ​ຄວາມ​ຕ້ອງ​ການ

ຄະນະ​ວິ​ໄຈ​ນຳ​ໂດຍ​ສາດ​ສະດາ​ຈານ​ທາງ​ດ້ານ​ວິ​ສະວະກຳ​ການ​ບິນ​ແລະ​ອາ​ວະ​ກາດ Scott R. White ເຊີ່ງ​ໄດ້​ຕີ​ພິມ​ຜົນ​ງານ​ຂອງ​ພວກເຂົາ​ລົງ​ໃນ​ວາລະ​ສານ Advanced Materials

http://www.vcharkarn.com/media/images/

ຮູບ​ພາບ: ອຸປະກອນ​ໄດ້​ຖືກ​ຄວບ​ຄຸມ​ຈາກ​ໄລ​ຍະ​ໄກ​ໃຫ້​ທຳລາຍ​ຕົວ​ເອງ ໂດຍ​ການ​ເປີດ​ສັນ​ຍານ​ຄື້ນ​ຄວາມ​ຖີ່​ວິທະ​ຍຸ ເຊີ່ງ​ຈະ​ສົ່ງ​ສັນ​ຍານ​ເຖິງ​ສ່ວນ​ທີ່​ໃຫ້​ຄວາມ​ຮ້ອນ​ທີ່​ຕິດ​ຢູ່​ພາຍ​ໃນ​ອຸປະກອນ ເຮັດໃຫ້​ແຜ​ງວົງ​ຈອນ​ໄຟ​ຟ້າ​ທັງ​ໝົດ​ຖືກ​ທຳລາຍ​ຢ່າງ​ສົມບູນ

ທີ່​ມາ​ຂອງ​ຮູບ Scott White ຈາກ​ມະຫາ​ວິທະຍາ​ໄລ University of Illinois

ດຮ. White ໄດ້​ກ່າວ​ວ່າ “ພວກ​ເຮົາ​ໄດ້​ສ້າງ​ອຸປະກອນ​ອິ​ເລັກເທີ​ນິກ​​ທີ່​ສາມາດ​ຄົງ​ທົນ​ຢູ່​ໄດ້​ໃນ​ຂະນະ​ທີ່​ເຮົາ​ກຳ​ລັງ​ໃຊ້​ງານ​ແລະ​ສາມາດ​ແຕ​ກສະຫລາຍ​ໄປ​ໄດ້​ເມື່ອ​ເຈົ້າ​ບໍ່​ຕ້ອງ​ການ​ໃຊ້​ອຸປະກອນ​ເຫລົ່າ​ນັ້ນ​ອີກ​ແລ້ວ ສິ່ງ​ນີ້​ຖື​ວ່າ​ເປັນ​ຫົນ​ທາງ​ໜຶ່ງ​ໃນ​ການສ້າງ​ຄວາມ​ຍັ່ງ​ຍືນ​ໃຫ້​ກັບ​ວັດ​ດຸ​ທີ່​ໃຊ້​ໃນ​ອຸປະກອນອິ​ເລັກເທີ​ນິກ​ໃນ​ຍຸກ​ສະໄໝ​ນີ້ ເທື່ອ​ນີ້​ຖື​ວ່າ​ເປັນ​ຄວາມ​ພະຍາຍາມ​ເທື່ອ​ທຳອິດທີ່​ໃຊ້​ຕົວ​ກະຕຸ້ນ​ຈາກ​ສິ່ງ​ແວດ​ລ້ອມ​ມາ​ກໍ່​ໃຫ້​ເກີດ​ການ​ແຕ​ກສະຫ​ລາຍ​ຂອງ​ອຸປະກອນ”

ຄະນະ​ຂອງ White ໄດ້​ຮ່ວມ​ງານ​ກັບ John A. Rogers ປະ​ທານ Swanlund chair ສາ​ຂາ​ວັດສະ​ດຸ​ສາດ​ແລະ​ວິ​ສະວະກຳ ຜູ້​ອຳ​ນວຍ​ການ​ຂອງ​ຫນ່ວຍ​ວິ​ໄຈ Frederick Seitz Materials Laboratory ທີ່ Illinois ຄະນະ​ວິ​ໄຈ​ຂອງ Roger ໄດ້​ລິ​ເລີ່ມ​ສ້າງ​ອຸປະກອນ​ທີ່​ໃຊ້​ຊົ່ວ​ຄາວ​ຂຶ້ນ ໂດຍ​ສາມາດ​ລະ​ລາຍ​ໃນ​ນ້ຳ​ໄດ້​ເພື່ອ​ນຳ​ໄປ​ໃຊ້​ປະໂຫຍດ​ທາງ​ດ້ານ​ການ​ປູກ​ຖ່າຍ​ທາງ​ຊີວະ​ການ​ແພດ​ໂດຍ​ທັງ​ສອງ​ກຸ່ມ​ວິ​ໄຈ​ໄດ້​ຮ່ວມ​ມື​ກັນ​ຈັດການ​ກັບ​ບັນຫາ​ຂີ້ເຫຍື້ອ​ອິ​ເລັກເທີ​ນິກ​​ເຫລົ່າ​ນີ້ ເຊີ່ງ​ລວມ​ໄປ​ເຖິງ​ການ​ໃຊ້​ແສງ​ອຸນ​ຕ້າ​ໄວ​ໂອ​ເລດ ຄວາມ​ຮ້ອນ​ແລະ​ການ​ໃຊ້​ແຮງ​ເຊີງ​ກົນ​ໃນ​ການ​ກຳຈັດ ຈຸດ​ມຸ່ງ​ໝາຍ​ຄື​ການ​ຫາ​ທາງ​ແຍກ​ຍ່ອຍ​ຊິ້ນ​ສ່ວນ​ອຸປະກອນ​ທີ່​ມີ​ຕົ້ນ​ທຸນ​ການ​ລີ​ໄຊ​ເຄີນ​ທີ່​ບໍ່​ສູງ​ໃຫ້​ກັບ​ຜູ້​ປະກອບ​ການ​ສຳລັບ​ອຸປະກອນ​ທີ່​ເກົ່າ​ຫລື​ເສຍຫາຍ​ແລ້ວ ຫລື​ການເຮັດໃຫ້​ອຸປະກອນ​ເຫລົ່າ​ນີ້​ແຕ​ກສະຫ​ລາຍ​ໄດ້​ເມື່ອ​ຖືກ​ຝັງ​ລົງ​ດິນ

ສ່ວນ​ທີ່​ໃຫ້​ຄວາມ​ຮ້ອນ​ນັ້ນ​ຄື​ແຜ​ງວງ​ຈອນ​ທີ່​ເຮັດ​ມາ​ຈາກ​ແມກ​ນີ​ຊຽມ​ເຊີ່ງ​ເຄືອບ​ຢູ່​ບາງໆ ເຊີ່ງ​ເປັນ​ວັດສະ​ດຸ​ທີ່​ມີ​ຄວາມ​ຍືດ​ຫຍຸ່ນ​ສູງ ໂດຍ​ນັກ​ວິ​ໄຈ​ໄດ້​ເຕີມ​ກົດ​ອ່ອນ​ຫຍົດ​ນ້ອຍໆ​ລະ​ດັບ​ໄມ​ຄອນ​ລົງ​ໃນ​ຂີ້​ເຜີ້ງ​ແລະ​ນຳ​ຂີ້​ເຜີ້ງ​ເຫລົ່າ​ນັ້ນ​ມາ​ເຄືອບ​ລົງ​ເທິງ​ອຸປະກອນ ເມື່ອ​ອຸປະກອນ​ເຫລົ່າ​ນັ້ນ​ໄດ້ຮັບ​ຄວາມ​ຮ້ອນ ຂີ້​ເຜີ້ງ​ກໍ​ຈະ​ລະ​ລາຍ​ແລະ​ປ່ອຍ​ກົດ​ອອກ​ມາ​ລະ​ລາຍ​ອຸປະກອນ​ຢ່າງ​ວ່ອງໄວ

ສຳລັບ​ການ​ສົ່ງ​ສັນຍາ​ນໄລ​ຍະ​ໄກ ນັກ​ວິ​ໄຈ​ໄດ້​ຝັງ​ຕົວ​ຮັບ​ສັນ​ຍານ​ຄື້ນ​ຄວາມ​ຖີ່​ວິທະ​ຍຸ​ແລະ​ຕິດ​ຕັ້ງ​​ລວດ​ທີ່​ຈະໃຫ້​ຄວາມ​ຮ້ອນ​ແກ່​ອຸປະກອນ ຜູ້​ໃຊ້​ສາມາດ​ສົ່ງ​ສັນ​ຍານ​ວິທະ​ຍຸ​ເຊີ່ງ​ຈະ​ເຮັດໃຫ້​​ລວດ​ຮ້ອນ​ຂຶ້ນ ເຊີ່ງ​ເຮັດໃຫ້​ຂີ້​ເຜີ້ງ​ລະ​ລາຍ​ແລະ​ປ່ອຍ​ກົດ​ອອກ​ມາ​ລະ​ລາຍ​ອຸປະກອນ​ໄດ້​ໃນ​ທີ່ສຸດ

Rogers ກ່າວ​ວ່າ “ງານ​ວິ​ໄຈ​ນີ້​ສະແດງ​ໃຫ້​ເຫັນ​ເຖິງ​ການ​ນຳ​ເອົາ​ຄວາມ​ຮູ້​ທາງ​ເຄ​ມີ​ມາ​ໃຊ້​ໃຫ້​ເກີດ​ປະໂຫຍດ​ແລະ​ຂະຫຍາຍ​ກົນ​ໄກ​ການເຮັດວຽກ​ທີ່​ທຳລາຍ​ວັດ​ສະດຸ​ທີ່​ບໍ່​ຍັ່ງ​ຍືນ​ແລະ​ຊ່ວຍ​ເພີ່ມ​ສັກ​ກາຍະ​ພາບ​ໃຫ້​ກັບ​ອຸປະກອນ​ໃນ​ການ​ນຳ​ໄປ​ໃຊ້​ງານ​ໃນ​ສາ​ຂາ​ຕ່າງໆ ໄດ້​ກວ້າງ​ຫລາຍ​ຂຶ້ນ

ຄະນະ​ວິ​ໄຈ​ສາມາດ​ຄວບ​ຄຸມ​ຄວາມ​ໄວ​ໃນ​ການ​ແຕ​ກສະຫ​ລາຍ​​ຂອງ​ອຸປະກອນ​ໄດ້ ໂດຍ​ຄວບ​ຄຸມ​ຄວາມ​ໜາ​ຂອງ​ຊັ້ນ​ຂີ້​ເຜີ້ງ ຄວາມ​ເຂ້ມ​ຂົ້ນ​ຂອງ​ກົດ​ແລະ​ອຸນຫະພູມ ພວກ​ເຂົາ​ສາມາດ​ເຮັດໃຫ້​ອຸປະກອນ​ລະ​ລາຍ​ໄດ້​ພາຍ​ໃນ 20 ວິ​ນາ​ທີ​ເຖິງ 2-3 ນາ​ພາຍຫລັງ​ຈາກ​ການ​ໃຫ້​ຄວາມ​ຮ້ອນ

ອຸປະກອນ​ຍັງ​ສາມາດ​ແຕ​ກສະຫ​ລາຍ​ໄດ້​ດ້ວຍ​ອັດຕາ​ໄວ​ຕາມ​ຕ້ອງ​ການ ໂດຍ​ໃຊ້​ສ່ວນ​ປະສົມ​ທີ່​ມີ​ອຸນຫະພູມ​ຫລອມ​ແຫລວ​ທີ່​ແຕກ​ຕ່າງ​ກັນ​ໃສ່​ລົງ​ໃນ​ຂີ້​ເຜີ້ງ ສິ່ງ​ນີ້​ມັນ​ເຮັດໃຫ້​ການ​ຄວບ​ຄຸມ​ການ​ແຕ​ກສະຫ​ລາຍ​ເປັນ​ໄປ​ຢ່າງ​ແມ່ນ​ຍຳ​ຫລາຍ​ຍິ່ງ​ຂຶ້ນ ແລະ​ໄດ້​ສ້າງ​ໂອ​ກາດ​ໃຫ້​ກັບ​ອຸປະກອນ​ທີ່​ລ້ຳ​ສະໄໝ​ທີ່​ຕອບສະຫນອງ​ແລະ​ຊ່ວຍ​ຫລຸດ​ບັນຫາ​ສິ່ງ​ແວດ​ລ້ອມ​ອີກ​ດ້ວຍ

ບົດຄວາມຫຼ້າສຸດ

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...

ກຳປູເຈຍ ເປີດນຳໃຊ້ສະໜາມບິນສາກົນເຕໂຊ ຢ່າງເປັນທາງການແລ້ວ

ເປີດນຳໃຊ້ຢ່າງເປັນທາງການແລ້ວ ສະໜາມບິນສາກົນເຕໂຊ ຂອງປະເທດກຳປູເຈຍ ມູນຄ່າ 1.5 ພັນລ້ານໂດລາ ພ້ອມກ້າວໜ້າສູ່ການເປັນສູນກາງການບິນ ແລະ ໂລຈິດຕິກແຫ່ງໃໝ່ຂອງໂລກ. ສຳນັກຂ່າວຕ່າງປະເທດລາຍາງນໃນວັນທີ 9 ກັນຍາ 2025 ນີ້, ກຳປູເຈຍໄດ້ມີການເປີດນຳໃຊ້ສະໜາມບິນສາກົນເຕໂຊ...