ນັກດາລາສາດຄົ້ນພົບຮຸ້ງດວງດາວ ສວຍງາມຕະການຕາ ປຽບເປັນ ລອລ໌ດ ອໍັອຟ ເດິ ລິງ ແຫ່ງຫ້ວງອາວະກາດ
ເວັບໄຊຕ໌ space.com ລາຍງານວ່າ ນັກດາລາສາດຄົ້ນພົບວົງແຫວນມີລຳແສງສີຮຸ້ງເຈີດຈ້າທີ່ມີຈຸດສູນກາງຮ່ວມກັນ 4 ວົງ ຢູ່ກາງບໍລິເວນຮອບດາວນິວຕຣອນເຄີລ໌ໄຊນັດ ເອັກຊ໌-1 (Circinus X-1) ເຊີ່ງເກີດຈາກການລະເບີດຂອງຊູເປີລ໌ໂນວາທີ່ມີອານຸພາບຮຸນແຮງເຮັດໃຫ້ເກີດເປັນລັງສີ ເອັກຊ໌ ທີ່ມີລັກສະນະເປັນລຳແສງສີຮຸ້ງແລະເບິ່ງເຫັນກຸ່ມດາວກະຈັດກະຈາຍຢູ່ດ້ານຫລັງຫະ ຫລື ເອີ້ນວ່າ ຮຸ້ງດວງດາວ
ຮຸ້ງດວງດາວນີ້ ເປັນລຳແສງຂອງລັງສີເອກຊ໌ທີ່ໃຫຍ່ແລະເຈີດຈ້າທີ່ສຸດເທົ່າທີ່ສາມາດຈັບພາບໄດ້ດ້ວຍກ້ອງໂທລະທັດນ໌ອາວະກາດ ເຊີ່ງກ່ອນໜ້ານີ້ນັກດາລາສາດໄດ້ຄົ້ນພົບດາວນິວຕຣອນເຄີລ໌ໄຊນັດ ເອັກຊ໌-1 ແຕ່ບໍ່ສາມາດລະບຸຕຳແໜ່ງທີ່ແທ້ຈິງຂອງມັນໄດ້ ເນື່ອງຈາກການວັດລໄລຍະທາງໃນອາວະກາດເປັນເລື່ອງທີ່ຍາກຫລາຍ ເມື່ອຄົ້ນພົບຮຸ້ງດວງດາວນີ້ ເຮັດໃຫ້ນັກດາລາສາດສາມາດລະບຸຕຳແໜ່ງທີ່ແນ່ນອນຂອງ ດາວນິວຕຣອນເຄີລ໌ໄຊນັດ ເອັກຊ໌-1 ໄດ້ຊັດເຈນຂຶ້ນ ເຊີ່ງຢູ່ທີ່ໄລຍະທາງຫ່າງຈາກໂລກ 30, 700 ປີແສງ
ແຄດນາງລີນ ແບຣດດິ້ງ ຈາກມະຫາວິທະຍາໄລ ນິວເຊົາທ໌ເວນສ໌ ໃນຊິດນີ ອອດເຕເລຍ ໜຶ່ງໃນທີມຜູ້ຄົ້ນພົບລະບຸວ່າ ລຳແສງຂອງຮຸ້ງດວງດາວນີ້ຈະມີທັງຊ່ວງທີ່ແສງສະຫວ່າງຈ້າແລະແສງສະຫລົວ ຈຶ່ງເຮັດໃຫ້ບາງເທື່ອເຄີລ໌ໄຊນັດ ເອັກຊ໌-1 ກໍເບິ່ງເໝືອນດາວນິວຕຣອນແລະບາງເທື່ອກໍເບິ່ງ ຄື ຫລຸມດຳ ໜ້າແປກຢ່າງຫລາຍທີ່ຈະຄົ້ນພົບສິ່ງທີ່ລວມຄຸນສົມບັດທັງສອງນີ້ເຂົ້ານຳກັນໄດ້
“ພວກເຮົາມັກຈະເອີ້ນວ່າ ຮຸ້ງດວງດາວທີ່ເກີດຈາກການປະສົມຜະສານທີ່ສວຍງາມນີ້ວ່າ ລອລ໌ດ ອັອຟ ເດິ ລິງ“ ໄມເຄີນ ເບີລ໌ຕັນ ໜຶ່ງໃນທີມຜູ້ຄົ້ນພົບອີກຄົນ ກ່າວ