ອາກາດຮ້ອນໆແບບນີ້ຄົນເຮົາຮ້ອນກໍໄປອາບນ້ຳ ຫຼື ໄປຢູ່ຕາມສະຖານທີ່ເຢັນໆ ຊຸ່ມຊື່ນ ສຳລັບລົດຍົນຂອງເຮົາມັນໄປເອງບໍ່ໄດ້ຈຶ່ງເປັນຫນ້າທີ່ຂອງເຈົ້າຂອງລົດ ແຕ່ໄລຍະນີ້ຫຍັງປະຫຍັດໄດ້ກໍຄວນປະຫຍັດເຂົ້າສູນຄັ່ງໜຶ່ງ ຢ່າງນ້ອຍຄິດຄ່າແຮງໄປແລ້ວເປັນ 20.000 ກີບ ມື້ນີ້ທີມງານຈຶ່ງມາແນະນຳການເບິ່ງແຍງລົດຍົນເບື້ອງຕົ້ນໃນໜ້າຮ້ອນ ເຊີ່ງຫຼາຍທ່ານອາດຈະມີຄວາມຮູ້ກັນດີຢູ່ແລ້ວ ແຕ່ທີມງານນຳມາເສີມເຜື່ອບາງທ່ານອາດຈະລືມໆກັນໄປໃຫ້ໄດ້ເຕືອນສະຕິກັນກ່ອນຕິດຈັກລົດ
**ຟີມຮອງແສງກັນໄດ້ຊ່ຳໃດ**
ວິທີຍອດຮິດຂອງຄົນອັນດັບໜຶ່ງທີ່ຈະຊ່ວຍລຸດຄວາມຮ້ອນຈາກແສງແດດໄດ້ຄືການຕິດຕັ້ງຟິມກັນແສງ ແຕ່ໃນຕະຫຼາດບ້ານເຮົາມີຢູ່ຫຼວງຫຼາຍຫຼາຍຍີ່ຫໍ້ ຄວນມີວິທີພິຈາລະນາເລືອກຕິດຕັ້ງຟີມກັນແສງໃຫ້ຄຸ້ມຄ່າຢ່າງທຳອິດທີ່ເຮົາຄວນຄຳນຶງ ຄື ຄຸນນະພາບຟິມກັນແສງທີ່ມີຄຸນນະພາບດີນັ້ນ ຄຸນສົມບັດຕ່າງໆ ຂອງຟິມ ເຊັ່ນ ຊ່ວຍລຸດຄວາມຮ້ອນ, ຊ່ວຍລຸດລັງສີອຸນຕ້າໄວໂອເລດ, ຊ່ວຍລຸດສະທ້ອນແສງ ຊຶ່ງຟິມກັນແສງຕິດລົດຍົນຄຸນນະພາບດີນັ້ນ ພົບວ່າສາມາດລຸດຄວາມຮ້ອນ ຈາກແສງແດດໄດ້ສູງສຸດພຽງ 68% ເທົ່ານັ້ນ ຫາກມີການໂຄສະນາວ່າສາມາດລຸດຄວາມຮ້ອນໄດ້ສູງກວ່ານີ້ ນັ້ນຄວນເພີ່ມຄວາມລະມັດລະວັງ ສ່ວນຂັ້ນຕອນການຕິດຕັ້ງ ຕ້ອງໄປຮັບການຕິດຕັ້ງທີ່ສູນຕົວແທນຈຳໜ່າຍ ແລະ ຕິດຕັ້ງຢູ່ບ່ອນທີ່ໄດ້ຮັບຫນັງສືແຕ່ງຕັ້ງຢ່າງເປັນທາງການຈາກບໍລິສັດຜູ້ນຳເຂົ້າທີ່ຍັງບໍ່ໝົດອາຍຸ ເພື່ອໃຫ້ໄດ້ຟິມກັນແສງທີ່ມີຄຸນນະພາບຂອງແທ້
**ຍືດອາຍຸແອລ໌ລົດ**
ລົດສະໄໝໃໝ່ເກືອບບໍ່ຕ້ອງວຸ້ນວາຍຫຼາຍ ພຽງເບິ່ງຈຸດນ້ອຍໆ ສາມາດຍືດອາຍຸການໃຊ້ງານໄດ້ ເຊັ່ນ ບໍ່ປັບຕຳແໜ່ງຂອງເທີລ໌ໂມດຕັດໄປທີ່ Cool ຢູ່ຕະຫຼອດເວລາ ຈະຊ່ວຍຖະໜອມຄອມເພດເຊີລ໌ບໍ່ໃຫ້ເຮັດວຽກໜັກຕະຫຼອດເວລາ ຫຼື ບໍ່ເປີດກະຈົກເມື່ອເປີດແອລ໌ ເພາະຄອມເພດເຊີລ໌ເຮັດວຽກໜັກ ຕໍ່ມາອາດໃຊ້ວິທີປິດການເຮັດວຽກງານຂອງຄອມແອລ໌ ແຕ່ຍັງເປີດພັດລົມຢູ່ ນອກຈາກນີ້ຢ່າລືມລ້າງແອລ໌ປະມານທຸກໆ 1 ປີ ຫຼື ເກືອບ 20, 000
**ໂອເວີລ໌ຮີດ!!… ປ້ອງກັນໄດ້**
ກ່ອນຂັບຂີ່ ຜູ້ຂັບຂີ່ຄວນໝັ່ນກວດສອບລະດັບນ້ຳໃນໝໍ້ນ້ຳ ຫາກເປັນລົດໃໝ່ ຄວນກວດສອບຢ່າງນ້ອຍອາທິດລະ 1 ເທື່ອ ສ່ວນລົດທີ່ມີອາຍຸການໃຊ້ງານເກີນ 5 ປີ ຄວນກວດສອບ 2 – 3 ເທື່ອຕໍ່ອາທິດ ໝັ່ນເຕີມນ້ຳສະອາດ ແລະຖ່າຍນ້ຳໃນໝໍ້ນ້ຳຖິ້ມທຸກ 4 – 6 ເດືອນ ຄະນະຂັບຂີ່ສາມາດສັງເກດອາການ ເຄື່ອງຍົນຮ້ອນຫຼາຍ ໄດ້ຈາກເຂັມວັດອຸນຫະພູມທີ່ໜ້າປັດ ໂດຍປົກກະຕິຈະຢູ່ລະຫວ່າງໂຕ C ແລະ H ຫຼື 85 – 90 ອົງສາ ຖ້າຫາກເຂັມວັດອຸນຫະພູມເຄື່ອນມາຢູ່ໃກ້ໂຕ H ສະແດງວ່າເຄື່ອງຮ້ອນຫຼາຍ ໃຫ້ຮີບປິດແອລ໌ເພື່ອລຸດການເຮັດວຽກຂອງເຄື່ອງ ແລະ ນຳລົດຈອດເຂົ້າຂ້າງທາງ ໃນບໍລິເວນທີ່ປອດໄພໃນທັນທີ ແລະຮີບເປີດຝາກະໂປງລົດ ເພື່ອລະບາຍຄວາມຮ້ອນອອກຈາກຫ້ອງເຄື່ອງ ຫາກມີໄອນ້ຳພຸ່ງຂຶ້ນມາ ຈາກຝາກະໂປງລົດ ຄວນລໍຖ້າຈົນຄວາມຮ້ອນຂອງເຄື່ອງລຸດລົງແລ້ວຈຶ່ງຄ່ອຍເປີດຝາກະໂປງລົດ ບໍ່ເປີດຝາໝໍ້ນ້ຳໃນຂະນະທີ່ເຄື່ອງຮ້ອນເກີນໄປ ເພາະໄອນ້ຳອາດພຸ່ງຂຶ້ນມາຈົນເຮັດໃຫ້ບາດເຈັບໄດ້ ແລະ ຫ້າມຖອກນ້ຳໃສ່ເຄື່ອງຍົນຕ໌ ເພາະຈະເຮັດໃຫ້ເຄື່ອງຍົນຕ໌ເສຍຫາຍ
**ຈອດຕາກແດດບໍ່ຕ້ອງຢ້ານ**
ການລຸດຄວາມຮ້ອນໃນຫ້ອງໂດຍສານຫາກຈອດລົດຕາກແດດເປັນເວລານານ ພາຍໃນຫ້ອງໂດຍສານຈະມີຄວາມຮ້ອນສະສົມ ວິທີລຸດຄວາມຮ້ອນຄື ເປີດກະຈົກໜ້າຕ່າງ ຝັ່ງກົງຂ້າມ1ບານ (ດ້ານໜ້າ) ແລ້ວເປີດປະຕູລົດທັງດ້ານໜ້າດ້ານຫຼັງ ແລະປິດເຮັດຊ້ຳໆ 4- 5 ເທື່ອ (ບໍ່ຕ້ອງແຮງຫລາຍ) ໃນຂະນະທີ່ເຮົາເປີດປະຕູອາກາດພາຍນອກ ຈະໄຫຼຜ່ານຊ່ອງໜ້າຕ່າງທີ່ເຮົາເປີດເອົາໄວ້ ຈະເຮັດໃຫ້ອາກາດ ພາຍໃນຫ້ອງໂດຍສານຖືກດຶງອອກໄປ ຈາກຜົນການທົດສອບສາມາດ ລຸດອຸນຫະພູມລຸດລງ 4- 5 ອົງສາ ຫຼື ຖ້າເຈົ້າຈອດ ໃນທີ່ທີ່ປອດໄພສາມາດ ລຸດກະຈົກທຸກບານລົງ 1-2 ມມ. ເພື່ອໃຫ້ອາກາດຖ່າຍເທໄດ້ສະດວກ
**ລ້າງລົດໃຫ້ຖືກວິທີ**
ເຄັດລັບວິທີ? ການລ້າງລົດປິ່ນປົວຜິວລົດ ໃຫ້ງາມສະອາດ ເລີ່ມຈາກສີດນ້ຳໃຫ້ແຮງທີ່ສຸດເພື່ອໃຫ້ຄາບຝຸ່ນຂີ້ດິນ ແລະສິ່ງສົກກະປົກຕ່າງໆ ຫຼຸດອອກຈາກໃນໂຕລົດໃຫ້ຫຼາຍທີ່ສຸດ ລ້າງດ້ວຍນ້ຳເປົ່າກໍສະອາດພຽງພໍແລ້ວ ແຕ່ອາດຕ້ອງໃຊ້ແຮງ ໃນການຂັດຖູຫຼາຍ ຖ້າຢາກໃຫ້ລ້າງງ່າຍຂຶ້ນ ສະອາດໃສປິ໊ງ ກໍໃຫ້ໃຊ້ແຊມພູລ້າງລົດຮ່ວມກັນ ການລ້າງລົດເລື້ອຍໆ ເຮັດໃຫ້ສີຂອງລົດເບິ່ງສົດໃສຕະຫຼອດ ແຕ່ທັງນີ້ບໍ່ຄວນລ້າງລົດໃນຕອນເຢັນ ເພາະຫາກລ້າງແລ້ວຈອດຖິ້ມໄວ້ ອາດເຮັດໃຫ້ເກີດຂີ້ໝ້່ຽງໃນຈຸດທີ່ເຊັດບໍ່ແຫ້ງ ບໍ່ຄວນລ້າງລົດກາງແດດ ເພາະແສງແດດຈະເຮັດໃຫ້ນ້ຳແຫ້ງໄວ ຈົນເຊັດບໍ່ທັນເຊີ່ງອາດເຮັດໃຫ້ເກີດຄາບນ້ຳເທິງຜິວສີລົດໄດ້