ນັບເປັນເວລາດົນນານ ຕັ້ງແຕ່ປະເທດລາວເລິ່ມີການສຶກສາ ລະດັບມັດທະຍົມ ການອອກໃບປະກາສະນິຍະບັດ ຈົບຊັ້ນມັດທະຍົມປາຍ ແມ່ນອອກໂດຍກະຊວງສຶກສາຯ ທີ່ມີສຳນັກງານຕັ້ງຢູ່ ນະຄອນຫຼວງວຽງຈັນ (ນະຄອນຫຼວງຂອງປະເທດ) ບ່ອນດຽວ ຈຶ່ງເຮັດໃຫ້ນັກຮຽນມັດທະຍົມ ທີ່ມີພູມລຳເນົາຢູ່ໃນເຂດຫ່າງໄກສອກຫຼີກ ຫຼືຕ່າງແຂວງ ທີ່ຈະເດິນທາງໄປຕິດຕໍ່ ເຮັດແລະຮັບໃບປະກາດຈົບ ມ.ປາຍ ຈຶ່ງມີຄວາມຫຍຸ້ງຍາກ ເຖິງຂັ້ນນັກຮຽນຈົບມັດທະຍົມຫຼາຍຄົນ ບໍ່ມີໂອກາດໄດ້ເຫັນໃບປະກາດຈົບ ມັດທະຍົມຂອງໂຕເອງເລີຍ.
ແນວໃດກໍຕາມ, ຕົກມາສົກຮຽນ 2014-2015 ນີ້ເປັນຕົ້ນໄປ ທາງກະຊວງສຶກສາທິການແລະກິລາ ໄດ້ມອບໜ້າທີ່ ໃຫ້ແກ່ພະແນກສຶກສາທິການແລະກິລາແຂວງ /ນະຄອນຫຼວງ ເປັນຜູ້ອອກໃບປະກາສະນິຍະບັດ ຊັ້ນມັດທະຍົມຕອນຕົ້ນແລະຕອນປາຍ ທັງພາສາລາວແລະພາສາອັງກິດ ໃນຂອບເຂດແຂວງ/ນະຄອນຫຼວງ ທີ່ຕົນຮັບຜິດຊອບຢູ່. ການປ່ຽນແປງດັ່ງກ່າວນີ້ ໄດ້ສ້າງຄວາມສະດວກສະບາຍ ໃຫ້ແກ່ນ້ອງໆ ນັກຮຽນທີ່ຮຽນຈົບມັດທະຍົມຕອນຕົ້ນ ແລະຕອນປາຍຂຶ້ນຕື່ມ.
ຂອບໃຈຂ່າວຈາກ:
