ສານເຄມີທີ່ໃຫ້ລົດຊາດເຜັດຮ້ອນໃນໝາກເຜັດນັ້ນຄື ແຄບໄຊຊິນ ແຕ່ນັກວິທະຍາສາດຮູ້ມາເປັນເວລາດົນແລ້ວວ່າເມື່ອສານເຄມີນີ້ໂດນຜິວໜັງຂອງເຮົາ ສານເຄມີຊະນິດນີ້ສາມາດຫຼຸດອາການເຈັບປວດໄດ ໃນຄວາມຈິງແລ້ວ ບາງຄົົນທີ່ມີອາການເຈັບປວດບໍລິເວນກ້າມເນື້ອ ຫຼື ຂໍ້ຕໍ່ກໍຈະໃຊ້ສານແຄບໄຊຊິນນີ້ ແຕ່ສານເຄມີຕົວນີ້ເຂົ້າໄປຊ່ວຍບັນເທົາອາການເຈັບປວດໄດ້ແບບໃດ ຍັງຄົງເປັນປິດສະໜາຢູ່ຈົນກະທັ້ງເຖິງຕອນນີ້
Tibor Rohacs ຈາກ Rutgers New Jersey Medical School ໃນ Newark ແລະລູກທີມຂອງພວກເຂົາໄດ້ຄົ້ນພົບວ່າ ແຄບໄຊຊິນເຮັດວຽກຜ່ານການຄວບຄຸມຢ່າງເປັນລະບົບຂອງຂັ້ນຕອນທາງຊີວະພາບ ພວກເຂົາຕີພິມຜົນງານການຄົ້ນພົບຂອງພວກເຂົາໃນວາລະສານທາງວິຊາການລະດັບນານາຊາດ Science Signaling ໃນວັນທີ່ 10 ກຸມພາ
ພາຍໃນຮ່າງກາຍຂອງເຮົາ ແຄບໄຊຊິນຈະເຂົ້າເກີດປະຕິກິລິຍາລູກໂຊ່ ໂດຍຂັ້ນຕອນທຳອິດໃນປະຕິກິລິຍາລູກໂຊ່ນັ້ນເປັນທີ່ຮູ້ຈັກກັນເປັນຢ່າງດີ ຊຶ່ງແຄບໄຊຊິນຈະເຂົ້າໄປຍກ່ຽວຂ້ອງກັບໂປຕີນ Trpv1 ຊຶ່ງຮັບຮູ້ຄວາມຮູ້ສຶກຮ້ອນ ຫນ້າທີ່ຂອງໂປຕີນໂຕນີ້ຊ່ວຍອະທິບາຍໄດ້ວ່າ ເປັນຫຍັງເວລາທີ່ເຮົາທາຄີມບັນເທົາອາການປວດທີ່ມີສານແຄບໄຊຊິນເທິງຜິວຈື່ງຮູ້ສຶກຮ້ອນ
ທີ່ສຳຄັນໄປກວ່ານັ້ນກ່ຽວກັບການຄວບຄຸມຄວາມເຈັບ ຄືການກະຕຸ້ນການໄຫຼວຽນຂອງ Trpv1 ທີ່ໃຊ້ຮັບຮູ້ຄວາມເຈັບປວດຮ່ວມກັບແຄຊ່ຽມ ເຊຶ່ງການເພີ່ມຂອງແຄຊ່ຽມເປັນສາເຫດທີ່ຊ່ວຍໃຫ້ລະດັບຂອງໄຂມັນສອງຊະນິດນັ້ນຫຼຸດລົງ ເຊຶ່ງຮູ້ຈັກກັນໃນຊື່ຂອງphosphoinositide ໂດຍໄຂມັນນີ້ຈະຢູ່ຂ້າງຝາຂອງເຊວປະສາດ ໃນທາງກັບກັນ ການຫຼຸດລົງຂອງໄຂມັນຈະເຮັດໃຫ້ໂປຕີນສອງຊະນິດນີ້ຢຸດການເຮັດວຽກ ເຊຶ່ງເອີ້ນວ່າ Piezo 1 ແລະ 2 ຫນ້າທີ່ຂອງມັນຄື ການກວດສອບວ່າເຊວລ໌ເມມເບຣນນັ້ນມີການຍືດຕົວຫຼາຍນ້ອຍຊ່ຳໃດ
ໂປຕີນ Piezo ເຫລົ່ານີ້ມີຄວາມສຳຄັນຕໍ່ກະບວນການທາງຊີວະວິທະຍາຫລາຍໆ ຢ່າງ ເຮັດຫນ້າທີ່ຫລັກໃນການບອກວ່າ ຫລອດເລືອດນັ້ນເກີດການຫົດໂຕ ມັນຍັງມີບົດບາດກ່ຽວກັບການສຳຜັດແລະຄວາມເຈັບປວດອີກ
ໃນຄວາມ ຈິງແລ້ວ ທີມວິໄຈຂອງ Rohac ໄດ້ສະແດງໃຫ້ເຫັນວ່າ ການປິດກັ້ນເຊັນເຊີໂຕວັດການຍືດຕົວຂອງເຊວລ໌ເມມເບຣນນັ້ນຊ່ວຍຂັດຂວາງສັນຍານທີ່ ຈະເຂົ້າໄປເຕືອນສະຫມອງໄດ້ວ່າຮູ້ສຶກເຈັບປວດຢູ່