ຄວາມພະຍາຍາມໃນການສຶກສາອາວະກາດຂອງມະນຸດຍັງດຳເນີນໄປຢ່າງບໍ່ຢຸດຍັ້ງ ແລະໜຶ່ງໃນນັ້ນຄືການສຶກສາດາວພູໂຕ ດາວເຄາະຂະໜາດນ້ອຍທີ່ຢູ່ຫ່າງໄກຈາກດວງອາທິດໄປຫລາຍທີ່ສຸດໃນລະບົບສຸລິຍະກ່ອນຖືກຕັດອອກຈາກລະບົບສຸລິຍະໃນເວລາຕໍ່ມາ ລ່າສຸດ ອົງຄ໌ການນາຊາ ໄດ້ເຜີຍພາບຖ່າຍດາວພູໂຕທີ່ໄດ້ຈາກຍານສຳລວດອາວະກາດນິວຮໍໄລຊັນສ໌ (New Horizon) ທີ່ຖືກສົ່ງອອກປະຕິບັດພາລະກິດສຳລວດດາວພູໂຕ ໂດຍພາບທີ່ໄດ້ຍັງເບິ່ງເຫັນພື້ນຜິວຂອງດາວເຄາະດວງນີ້ເຮັດມຸມເປັນຮູບຫົວໃຈຢູ່ບໍລິເວນຂວາມື
ດາວພູ ໂຕ ຖືກຄົ້ນພົບໃນປີ 2473 ແລະຖືກຈັດໃຫ້ເປັນດາວເຄາະດວງທີ່ 9 ຂອງລະບົບສຸລິຍະ ເຊຶ່ງຢູ່ຫ່າງຈາກດວງອາທິດອອກໄປຫລາຍທີ່ສຸດຖັດຈາກດາວເນບຈູນ ແຕ່ຢ່າງໃດກໍຕາມຫລັງຈາກມີການສຶກສາເລື່ອງອາວະກາດຫລາຍຂຶ້ນເຮັດໃຫ້ພົບວ່າ ດາວພູໂຕມີຄຸນສົມບັດຫລາຍປະການບໍ່ສອດຄ້ອງກັບດາວເຄາະໃນລະບົບສຸລິຍະດວງອື່ນໆ ໃນທີ່ສຸດເມື່ອປີ 2519 ທີ່ປະຊຸມສະຫະພັນທ໌ດາລາສາດສາກົນໄດ້ມີການຕັດດາວພູໂຕອອກຈາກລະບົບສຸລິຍະ ໄປ ແລະໃຫ້ຖືວ່າດາວພູໂຕເປັນດາວເຄາະນ້ອຍ
ດາວພູໂຕແລະດວງຄາລອນ (Charon) 1 ໃນ 3 ຂອງດວງຈັນບໍລິວານ ໃນຄະນະນິວຮໍໄລຊັນສ໌ຢູ່ຫ່າງຈາກດາວພູໂຕປະມານ 6 ລ້ານກິໂລແມັດ
ສຳລັບຍານສຳລວດອາວະກາດນິວຮໍໄລຊັນສ໌ ຖືກປ່ອຍຂຶ້ນຈາກໂລກເມື່ອວັນທີ່ 19 ປີ 2549 ເພື່ອປະຕິບັດພາລະກິດສຳລວດດາວພູໂຕ ຫລັງໃຊ້ເວລາເດິນທາງຫລາຍກວ່າ 9 ປີ ໃນຕອນນີ້ຍານນິວຮໍໄລຊັນສ໌ກຳລັງເຄື່ອນເຂົ້າໃກ້ດາວເຄາະດວງນີ້ຫລາຍຂຶ້ນເລື່ອຍໆ ແລະສົ່ງພາບຖ່າຍກັບມາຍັງໂລກເປັນໄລຍະ ຄາດການວ່າຍານນິວຮໍໄລຊັນສ໌ຈະເຄື່ອນເຂົ້າໃກ້ດາວພູໂຕຫລາຍທີ່ສຸດໃນ ອັນຈະເຮັດໃຫ້ນັກດາລາສາດແລະຊາວໂລກໄດ້ເຫັນພື້ນຜິວດາວພູໂຕລວມທັງດວງຈັນ ເປັນເທື່ອທຳອິດໃນປະຫວັດສາດ