ວິທີການກູ້ຂໍ້ມູນໃນຮາລ໌ດິດກ໌
ພື້ນຖານໂຄງສ້າງຂອງຮາລ໌ດິດກ໌ນັ້ນກໍບໍ່ໄດ້ມີຫຍັງຫລາຍ ເພາະເປັນສ່ວນຂອງຈານເຫລັກທີ່ເຄືອບສານແມ່ເຫລັກເອົາໄວ້ ເຮັດໃຫ້ມີຄຸນສົມບັດສາມາດປ່ຽນແປງສະໜາມແມ່ເຫລັກທີ່ຢູ່ເທິງພື້ນຜິວຈານໄດ້ ແລະ ນັ້ນກໍຄືທີ່ມາຂອງການບັນທຶກຂໍ້ມູນ ໂດຍການປ່ຽນແປງສະໜາມເຫລັກໃຫ້ການເປັນຮູບແບບຂໍ້ມູນດິຈິຕອນ (0 ຫຼື 1, ເປິດ ຫຼື ປິດ) ໂດຍຫນ້າທີ່ນີ້ເປັນຂອງຫົວອ່ານ-ຂຽນ ເຊຶ່ງຈະຢູ່ເໜືອແຜ່ນຈານແມ່ເຫລັກພຽງແຕ່ໜ້ອຍດຽວເທົ່ານັ້ນ ດັ່ງນັ້ນຂໍ້ມູນທີ່ລຽງກັນຢູ່ເທິງຈານແມ່ເຫລັກໃນຮາລ໌ດິດກ໌ຈຶ່ງມີປະລິມານຫຼາຍ
ຈະເອົາຫຍັງມາກູ້ຂໍ້ມູນ
ເວລາທີ່ເຮົາລົບຂໍ້ມູນໃນຮາລ໌ດິດກ໌ໄປແລ້ວ ຂໍ້ມູນຕ່າງໆ ກໍຄວນຈະຕ້ອງຫາຍໄປ ແລ້ວເຈົ້າເຄີຍສົງໄສບໍ່ ວ່າໃນເມື່ອຂໍ້ມູນຕ່າງໆ ມັນຫາຍໄປແລ້ວ ແລ້ວມັນຖືກກູ້ຄືນກັບມາໄດ້ຢ່າງໃດ ຄວາມຈິງແລ້ວຄອມພິວເຕີນັ້ນຕົວະເຮົາຢູ່ຄືກັນ ເນື່ອງຈາກສື່ບັນທຶກຂໍ້ມູນຢ່າງຮາລ໌ດິດກ໌ເອງກໍຈະເຮັດວຽກ ຫຼື ເກັບບັນທຶກຂໍ້ມູລ ດ້ວຍການປ່ຽນແປງສະໜາມແມ່ເຫລັກເທິງຈານເພື່ອບັນທຶກ ຊຶ່ງກໍຕ້ອງໃຊ້ເວລາໃນການຂຽນ-ອ່ານຢູ່ພໍສົມຄວນ ດັ່ງນັ້ນເພື່ອຄວາມວ່ອງໄວໃນການລົບຂໍ້ມູນ ຂໍ້ມູນຕ່າງໆ ຈຶ່ງບໍ່ໄດ້ຖືກລົບໄປແທ້ໆ ແຕ່ຈະຖືກໝາຍເອົາໄວ້ໃນລະບົບໄຟລ໌ວ່າຂໍ້ມູນໃນສ່ວນນັ້ນໆ ຖືກລົບໄປແລ້ວ ທັງທີ່ຈິງແລ້ວຂໍ້ມູນກໍຍັງຄົງຢູ່ບ່ອນເກົ່າຂອງມັນ ນັ້ນຄືເຫດຜົນວ່າເປັນຫຍັງເວລາເຮົາສ້າງໄຟລ໌ 1 ກິກະໄບຕ໌ ຈຶ່ງຊ້າຫລາຍ ໃນຂະນະທີ່ລົບໄຟ 1 ກິກະໄບຕ໌ ນັ້ນໄວຈົນເບິ່ງບໍ່ທັນກັນເລີຍ
ດັ່ງນັ້ນແລ້ວຂໍ້ມູນຕ່າງໆ ຂອງເຮົາກໍອາດຈະຍັງຄົງຢູ່ໃນຮາລ໌ດິດກ໌ທີ່ເຮົາໃຊ້ ນັ້ນໝາຍຄວາມວ່າເຮົາຍັງພໍມີສິດທິທີ່ຈະແກ້ໄຂສິ່ງທີ່ເຮັດຜິດພາດໄວ້ໃຫ້ກັບຄືນມາ ດັ່ງເດີມໄດ້ຢູ່ ແລະນີ້ຄືວິທີການຕ່າງໆ ທີ່ຈະເຮັດໃຫ້ເຈົ້າໄດ້ຂໍ້ມູນສຳຄັນໆ ຄືນມາ
ການກູ້ໄຟລ໌ທີ່ເຮົາໄດ້ກໍ່ການລົບໄປ
ບາງເທື່ອເຮົາກໍອາດຈະຫຼົງລົບໄຟລ໌ງານເອກະສານສຳຄັນໆ ຂອງເຮົາໄປ ເມື່ອສັ່ງລົບໄປແລ້ວ ມັນກໍຈະໄປຢູ່ໃນຖັງຂີ້ເຫຍື້ອຫລືວ່າ Recycle Bin ແທນ ແທ້ຈິງແລ້ວໄຟລ໌ທີ່ຖືກລົບໄປ ມັນຈະຖືກຍ້າຍໄປໄວ້ໃນຖັງຂີ້ເຫຍື້ອ ແຕ່ສຳລັບຄົົນທີ່ຕ້ອງການເຮັດວຽກງານແບບວ່ອງໄວຈົນຕິດເປັນນິໄສ ກໍເລີຍລົບຂໍ້ມູນຢ່າງວ່ອງໄວ (Shift+Del) ງານນີ້ຂໍ້ມູນຂອງເຈົ້າບໍ່ໄດ້ຢູ່ໃນຂີ້ເຫຍື້ອແນ່ນອນ ນອກຈາກນີ້ກໍລະນີທີ່ເຈົ້າຫຼົງລົບໄຟລ໌ທີ່ມີຂະໜາດໃຫຍ່ເກີນກວ່າທີ່ຖັງຂີ້ເຫຍື້ອຈະສາມາດຮັບໄດ້ກໍເປັນອີກສາເຫດໜຶ່ງທີ່ໄຟລ໌ຂອງເຈົ້າຈະໄດ້ຮັບສິດທິໃນການລົບຂໍ້ມູນໄປເລີຍໂດຍ ບໍ່ຕ້ອງຜ່ານຖັງຂີ້ເຫຍື້ອເຊັ່ນກັນ
ຂະໜາດຖັງຂອງ Recycle Bin ທີ່ເຈົ້າກຳນົດໄວ້ອາດຈະບໍ່ໃຫຍ່ພຽງພໍ ເຮັດໃຫ້ໄຟລ໌ຖືກລົບໄປເລີຍກໍ ໄດ້
ວິທີການກູ້ທີ່ງ່າຍທີ່ສຸດກໍຕ້ອງເປັນໂປແກມປະເພດ Undeleted ທັງຫລາຍທີ່ພໍຈະຊ່ວຍເຈົ້າໄດ້ ແຕ່ຂໍ້ຈຳກັດຂອງໂປແກມປະເພດນີ້ກໍຄືເຈົ້າຈະຕ້ອງຕິດຕັ້ງໂປແກມກ່ອນທີ່ເຈົ້າຈະລົບໄຟລ໌
ຫລັກການເຮັດວຽກງານຂອງໂປແກມປະເພດນີ້ຢູ່ທີ່ການຄອຍຖ້າສອດສ່ອງວ່າເຈົ້າມີການເຮັດວຽກງານກັບໄຟລ໌ຫຍັງນຳ ມີການລົບໄຟລ໌ຫຍັງໄປແດ່ ແລ້ວມັນຈຶ່ງລັກເກັບຂໍ້ມູນຂອງໄຟລ໌ທີ່ເຈົ້າລົບເອົາໄວ້ເອງ ຈະວ່າໄປມັນກໍຄືກັບເປັນການເຮັດຫນ້າທີ່ Recycle Bin ຢ່າງລັບໆ ໂດຍທີ່ເຮົາບໍ່ຮູ້ໂຕ ຊຶ່ງເທື່ອນີ້ເຮົາກໍຈະສາມາດກູ້ຄືນໄຟລ໌ທີ່ເຮົາຫາກໍ່ລົບໄປໃຫ້ກັບມາຢູ່ໃນອ້ອມອົກຂອງເຮົາໄດ້ຄືເກົ່າ
2. ການກູ້ຂໍ້ມູນທີ່ເກີດຈາກການ Format (ຂໍ້ມູນອາດກັບມາບໍ່ຄົບລອງອ່ານເບິ່ງເດີ)
ບາງເທື່ອເຮົາອາດເກີດ Format ຜິດຊ່ອງໃນຂັ້ນຕອນການຕິດຕັ້ງວິນໂດ ຫລືຖ້າຈະໃຫ້ເບິ່ງໃກ້ຕົວກວ່ານັ້ນອາດຈະເປັນກໍລະນີທີ່ວ່າເຈົ້າຕ້ອງການ Format ລົງວິນໂດສ໌ໃໝ່ຢູ່ແລ້ວ ຫລັງຈາກສັ່ງ Format ແລະກຽມຕົວຈະລົງລະບົບປະຕິບັດໃໝ່ນັ້ນຄິດຂຶ້ນມາໄດ້ວ່າຍັງມີໄຟລ໌ງານສຳຄັນທີ່ຍັງບໍ່ໄດ້ແບັກອັບຢູ່ Format ກໍເຮັດໄປແລ້ວຈະເຮັດຢ່າງໃດດີ ແຖມໂປແກມ Undeleted ກໍຊ່ວຍບໍ່ໄດ້ອີກ
ສ່ວນນີ້ຕ້ອງໃຊ້ໂປແກມເຂົ້າຊ່ວຍເຊັ່ນໂປແກມ GetDataBack ແລ້ວພວກໂປແກມມັນກູ້ໄດ້ກໍເນື່ອງ ຈາກຂໍ້ມູນຕ່າງໆ ທີ່ເຮົາສັ່ງລົບໄປນັ້ນບໍ່ໄດ້ມີການຖືກລົບໄປແທ້ ພຽງແຕ່ຈະເປັນການໝາຍເອົາໄວ້ວ່າຂໍ້ມູນນັ້ນໆ ຖືກລົບໄປແລ້ວ ການ Format ກໍຄ້າຍໆກັນ ໂດຍສະເພາະການ Format ແບບວ່ອງໄວ (Quick Format) ດ້ວຍແລ້ວ ມັນກໍຄື ກັບການລົບໄຟລ໌ທຸກໄຟລ໌ອອກໄປຈາກໄດລ໌ນັ້ນເອງ ໂປແກມພວກນີ້ມີຫລາຍຍີ່ຫໍ້ໃຫ້ເລືອກໃຊ້ກັນໄດ້ເລີຍ
ຊຶ່ງເຮັດໃຫ້ມັນສາມາດເບິ່ງ-ເຫັນຂໍ້ມູນທີ່ລະບົບປະຕິບັດການເບິ່ງບໍ່ເຫັນຫຼືກໍ່ຄື ຂໍ້ມູນທີ່ຖືກລົບໄປແລ້ວນັ້ນເອງ ຂໍ້ຈຳກັດຂອງໂປແກມປະເພດນີ້ກໍມີຢູ່ຄືກັນ ເພາະບໍ່ວ່າມັນຈະສາມາດກູ້ໄດ້ທຸກຢ່າງ ຢ່າງທຳອິດເລີຍກໍ່ຄື ມັນບໍ່ສາມາດກູ້ຂໍ້ມູນທີ່ຖືກຂຽນທັບໄປແລ້ວໄດ້ ເນື່ອງຈາກມັນອາໄສການກູ້ຈາກເສດຂໍ້ມູນທີ່ຫລົງເຫລືອຢູ່ໃນຮາດດິດ
ອີກກໍລະນີໜຶ່ງທີ່ບໍ່ສາມາດກູ້ຄືນໄດ້ກໍຄືກໍລະນີຂອງການ Low Level Format ຊຶ່ງຖືວ່າເປັນການ Format ທີ່ລ້າງຂໍ້ມູນໄດ້ຢ່າງສະອາດທີ່ສຸດ ເພາະຈະມີການຈັດຮູບແບບຂອງຄື້ນແມ່ເຫລັກໃຫ່ມ ໂດຍໃຊ້ຫລັກການຂຽນຂໍ້ມູນທີ່ເປັນ 1 ແລະຕາມດ້ວຍ 0 ໄປລົງໃນທຸກ ໆ Sector ຂໍ້ມູລ ສົ່ງຜົນໃຫ້ຂໍ້ມູນທັງໝົດທີ່ຢູ່ໃນຮາລ໌ດິດກ໌ວ່າງເປົ່າ ຫລືເວົ້າງ່າຍໆ ກໍຄືຖືກຂຽນທັບດ້ວຍຂໍ້ມູນເປົ່າທັງໝົດນັ້ນເອງ
3. ກູ້ພາລ໌ທິຊັນທີ່ເສຍຫາຍ
ຫາກມື້ໃດເຮົາເປີດເຄື່ອງຄອມພິວເຕີຂຶ້ນມາແລ້ວບູດບໍ່ຂຶ້ນ ລວມເຖິງຍັງບໍ່ສາມາດເຂົ້າໄປເອົາຂໍ້ມູນໃນຮາລ໌ດິດກ໌ອອກມາໄດ້ອີກ ຊຶ່ງສິ່ງທີ່ເກິດຂື້ນນັ້ນອາດຈະເປັນໄປໄດ້ທັງຈາກຮາລ໌ແວຮ໌ ຫລືອາດຈະເປັນຈາກຊອບແວຮ໌ ຊຶ່ງກໍຄືເປັນພຽງແຕ່ໂຄງສ້າງຂໍ້ມູນຂອງໄດຮ໌ ຫລືພາລ໌ທິຊັນເສຍຫາຍ
ສ່ວນໃຫຍ່ບັນຫາທີ່ເປັນສາເຫດເຮັດໃຫ້ພາລ໌ທິຊັນສຳລັບເກັບຂໍ້ມູນຂອງເຈົ້າເກີດປັນຫາຂຶ້ນກໍຄື ການເກີດຄວາມເສຍຫາຍຂຶ້ນກັບລະບົບໄຟລ໌ ເຊຶ່ງລະບົບໄຟລ໌ນີ້ຈະເປັນໂຄງສ້າງຂໍ້ມູນທີ່ຊີ້ໄປຍັງຕຳແໜ່ງຂອງຂໍ້ມູນຈິງ ທີ່ຢູ່ເທິງໄດລ໌ ມັນກໍອາດຈະເຮັດໃຫ້ຂໍ້ມູນຫາຍເທົ່ານັ້ນ ແຕ່ຖ້າມັນເກີດຄວາມເສຍຫາຍທີ່ລະບົບໄຟລ໌ ຂໍ້ມູນທັງໝົດພາຍໃນໄດລ໌ກໍຈະໄດ້ຮັບຜົນກະທົບໄປຫມົດເລີຍ
ເຄື່ອງມືທີ່ຈະມາຊ່ວຍໃນການແກ້ໄຂບັນຫານີ້ກໍຈະເປັນຊອບແວລ໌ປະເພດທີ່ໃຊ້ ໃນການຈັດການກັບພາລ໌ທິຊັນຢ່າງເຊັ່ນ Partition Magic ຊຶ່ງນອກຈາກຄວາມສາມາດໃນການສ້າງ ລົບ ຫຍໍ້ ຂະຫຍາຍ ຂະໜາດຂອງພາລ໌ທິຊັນແລ້ວ ມັນກໍຍັງສາມາດຈະຊ່ອມແຊມໂຄງສ້າງຂອງພາລ໌ທິຊັນຫລືລະບົບໄຟລ໌ໃຫ້ກັບເຈົ້າໄດ້ອີກ
ໂປແກມ Partition Magic ໂປແກມໂປຄູ່ມືນັກກູ້ຂໍ້ມູລ
ໂປແກມ Active partition recovery ເຄື່ອງມືດີ ໆ ທີ່ໃຊ້ກູ້ພາລ໌ທິຊັນ
4. ກູ້ຮາລ໌ດິດກ໌ແບບ USB
ດຽວນີ້ສື່ບັນທຶກຂໍ້ມູນແບບທີ່ເອີ້ນວ່າ External Harddisk ກຳລັງເປັນທີ່ນິຍົມຫລາຍເລີຍ ເນື່ອງຈາກປະລິມານຂໍ້ມູນທີ່ຫລວງຫລາຍຕໍ່ວັນທີ່ຜູ້ຄົນຕ້ອງພົກພາກັນໃນມື້ນີ້ ບໍ່ມີແຕ່ເພງ MP3 ຂະໜາດແຕ່ກິກະໄບຕ໌ກັນແລ້ວ ແຕ່ອາດຈະມີໄຟລ໌ວິດີໂອຫລືຂໍ້ມູນອື່ນໆ ໃນລະດັບຫລາຍໆ ກິກະໄບຕ໌ເລີຍ ດັ່ງນັ້ນສື່ບັນທຶກຂໍ້ມູນຢ່າງ Flash Drive ອາດຈະບໍ່ພຽງພໍສຳລັບການໃຊ້ງານຂອງຜູ້ໃຊ້ບາງຄົນ ດັ່ງນັ້ນ External Harddisk ແບບ USB ຈຶ່ງເຂົ້າມາເຕີມເຕັມຄວາມຕ້ອງການໃຫ້ ແຕ່ຖ້າເກີດຂໍ້ມູນສູນຫາຍຂຶ້ນມາຈະເຮັດຢ່າງໃດໄດ້ບ້າງ
ແທ້ໆ ແລ້ວຮາລ໌ດິດກ໌ແບບ External ທີ່ເຮົາຮູ້ຈັກກັນມັນກໍຄືກັບຮາລ໌ດິດກ໌ທີ່ໃສ່ຢູ່ໃນເຄື່ອງນັ້ນແຫລະໂດຍຖ້າເປັນແບບພົກພາທີ່ບໍ່ຕ້ອງໃຊ້ໄຟຈາກອະແດບເຕີລ໌ກໍຈະເປັນຮາລ໌ດິດກ໌ຂະໜາດ 2.5 ນິ້ວຄືກັບຂອງໂນດບຸ໊ກ ດັ່ງນັ້ນເມື່ອເຈົ້າເຊື່ອມຕໍ່ຮາລ໌ດິດກ໌ເຫລົ່ານີ້ເຂົ້າກັບເຄື່ອງຄອມພິວເຕີແລ້ວ ມັນກໍຈະເບິ່ງຄືກັບຮາລ໌ດິດກ໌ທຳມະດາຕົວໜຶ່ງເລີຍ
ການກູ້ຂໍ້ມູນຂອງ External Harddisk ນັ້ນບໍ່ໄດ້ມີຄວາມແຕກຕ່າງໄປຈາກການກູ້ຂໍ້ມູນພາຍໃນເຄື່ອງປານໃດແຕ່ອາດຈະແບ່ງກໍລະນີຄວາມເສຍຫາຍໄດ້ 2 ກໍລະນີຄື 1 ເສຍທີ່ຕົວຮາລ໌ດິດກ໌ເອງ ຊຶ່ງກໍຈະຄ້າຍໆ ກັບທີ່ກ່າວມາຂ້າງຕົ້ນວ່າເຈົ້າສາມາດກູ້ຂໍ້ມູນຄືນໄດ້ຕັ້ງແຕ່ການສະແກນຫາຂໍ້ມູນທີ່ ຖືກລົບໄປຈົນໄປເຖິງການແກ້ໄຂ Bad Sector ທີ່ເກິດຂື້ນກັບຮາລ໌ດິດກັບອີກສ່ວນຫນຶ່ງກໍຄືຄວາມເສຍຫາຍທີ່ເກິດຂື້ນກັບຕົວກ່ອງທີ່ໃສ່ຮາລ໌ດິດ
ຊຶ່ງກ່ອງຕົວນີ້ມີຄວາມສຳຄັນຄືຊ່ວຍແປງການເຊື່ອມຕໍ່ຂອງຮາລ໌ດິດກ໌ທີເປັນ IDE ຫລື SATA ມາເປັນແບບ USB ຫລື Firewire ນັ້ນເອງ ດັ່ງນັ້ນຖ້າມັນເກີດເສຍຫາຍຂຶ້ນມາກໍຈະເຮັດໃຫ້ຮາລ໌ດິດກ໌ບໍ່ສາມາດໃຊ້ງານໄດ້