ເມື່ອບໍ່ດົນມານີ້, ເຈົ້າໜ້າທີ່ ປກສ ແຂວງບໍລິຄຳໄຊ ສາມາດມ້າງແກ໋ງທີ່ເຄື່ອນ ໄຫວ ກໍ່ຄວາມບໍ່ສະຫງົບໃນແຂວງຂອງຕົນມາດຳເນີນຄະດີຕາມລະບຽບກົດ ໝາຍ, ຊຶ່ງມີຜູ້ກະທຳຜິດຄື ທ້າວ ວັນນະວົງ ອາຍຸ 22 ປີ ທ້າວ ກົງທອງ ອາຍຸ 20 ປີ ຢູ່ບ້ານໂພສີ, ທ້າວ ໂມນິກ ອາຍຸ 19 ປີຢູ່ບ້ານນ້ຳງຽບ, ທ້າວ ໝອນ ອາຍຸ 21 ປີ, ທ້າວ ມຸກສະຫວັນທອງ ອາຍຸ 19 ປີ ຢູ່ບ້ານໂພໄຊ, ທ້າວ ສຸລິພອນ ອາຍຸ 21 ປີ, ທ້າວ ລອຍ ອາຍຸ 23 ປີຢູ່ບ້ານໂພນສະອາດ ແລະ ທ້າວ ພັນມະນີ ອາຍຸ 22 ປີຢູ່ບ້ານອານຸສອນໄຊ ເມືອງປາກຊັນແຂວງດັ່ງກ່າວ.

ເຈົ້າໜ້າທີ່ໃຫ້ຮູ້ວ່າ: ພວກກ່ຽວຍັງເປັນເປົ້າໝາຍຕິດຕາມຂອງເຈົ້າໜ້າທີ່ ເນື່ອງຈາກເປັນກຸ່ມແກ໋ງເຄື່ອນໄຫວກໍ່ຄວາມບໍ່ສະຫງົບຕໍ່ສັງຄົມຫລາຍຄັ້ງເຊັ່ນ: ປຸ້ນຈີ້-ຊິງຊັບ, ລັກຊັບ ແລະ ພົວພັນ ກັບຢາເສບຕິດ ອັນໄດ້ສ້າງຄວາມເສຍຫາຍແກ່ຊັບສີນຂອງພົນລະເມືອງມາແລ້ວນັບບໍ່ຖ້ວນຈຶ່ງຖືກຈັບຕົວມາດຳເນີນຄະ ດີຕາມລະບຽບກົດໝາຍ.