ມີຫຼາຍຄຳຖາມທີ່ຫຼາຍຄົນຍັງໄດ້ຮັບຂໍ້ມູນມາຕ່າງກັນວ່າ ເມື່ອໃດຄວນທີ່ຈະລ້າງແອລົດຂອງທ່ານ ຄຳຕອບທີ່ຖືກຕ້ອງແມ່ນຂຶນຢູ່ກັບການໃຊ້ງານຂອງລົດຂອງແຕ່ລະຄົນເຊັ່ນ: ເສັ້ນທາງການໃຊ້ງານ ມີສະພາບຫົນທາງແບບໃດ ຂີ້ຝຸ່ນຫຼາຍ ຫຼື ບໍ່? ໄດ້ລຸຍນ້ຳບໍ່ ແຕ່ຕາມປົກກະຕິແມ່ນປະມານ 1 ປີຂຶ້ນໄປ ຫຼື 20.000 ກິໂລແມັດຂຶ້ນໄປ.
ສ່ວນທີ່ວ່າຈະຮູ້ແນວໃດວ່າຕູ້ແອເຖິງເວລາລ້າງແລ້ວ ໃຫ້ສັງເກດກິ່ນຂີ້ຝຸ່ນ ຖ້າເອົາດັງໄປດົມເບິ່ງຄ່ອຍໆໃນຊ່ອງລົມແອແລ້ວມີກິ່ນອັບ ແມ່ນມັນເຖິງເວລາທີ່ທ່ານຈະຕ້ອງໄດ້ລ້າງແລ້ວ.
ສຳລັບວິທີການທຳຄວາມສະອາດຕູ້ແອມີ 4 ວິທີດັ່ງນີ້:
1. ລ້າງຕູ້ແອແບບຖອດຕູ້ ຕ້ອງຮື້ຕູ້ແອ ແລ້ວເອົາຄອຍລ໌ເຢັນມາລ້າງຢູ່ທາງນອກ, ນ້ຳຢາທຳຄວາມສະອາດກໍໃຊ້ແບບແຕກຕ່າງກັນໄປແລ້ວແຕ່ຊ່າງວ່າຈະໃຊ້ແບບໃດ ຖ້າຢາກປະຢັດຕົ້ນທຶນ ແບບລາຄາຖືກກໍສາມາດໃຊ້ສະບູຝຸ່ນ ຫຼື ໂຊດາໄຟ ປະມານນີ້ກໍໄດ້ ເພາະວ່າພວກນີ້ຈະລ້າງອອກຍາກ. ດັ່ງນັ້ນ ເວລາປະກອບຄືນ ແລ້ວເປີດແອຈະຮູ້ສຶກວ່າມີກິ່ນສະບູຝຸ່ນນັ້ນ ສະແດງວ່າທ່ານລ້າງອອກບໍ່ສະອາດ ເຊິ່ງມັນອາດຫຼຸ້ຍຫ້ຽນຄອຍລ໌ເຢັນໄດ້ ແລະ ເມື່ອດົມເຂົ້າໄປ ກໍບໍ່ສົ່ງຜົນດີຕໍ່ລະບົບຫາຍໃຈ ຖ້າເປັນຄົນທີ່ມັກແພ້ອາກາດ ກໍອາດຈະແສບຕາ ແສບດັງໄດ້. ການຖອດລ້າງຕູ້ແອແບບນີ້ຕ້ອງໄດ້ເຕີມນ້ຳຢາແອໃໝ່ ແລະ ຕ້ອງໄດ້ປ່ຽນໄດເອີກັບວາວຄວາມດັນ ຖ້າຫາກປະຢັດງົບບໍ່ປ່ຽນທໍ່ແອອາດຈະຮົ່ວໄດ້ເພາະຄວາມຊຸ່ມເຂົ້າໄປຢູ່ໃນລະບົບຈາກການຖອດຕູ້ແອ.
2, ການລ້າງແບບບໍ່ຖອດຕູ້ ເພື່ອຊ່ວຍໃຫ້ທຳຄວາມສະອາດໄດ້ງ່າຍຂຶ້ນ ແລະ ແລ້ວໄວ ທາງຮ້ານກໍໄດ້ເງິນໄວ ໂດຍທົ່ວໄປເຄື່ອງລ້າງຕູ້ແອຈະກຳນົດນ້ຳຢາທີ່ຕ້ອງໃຊ້ສະເພາະສຳລັບການລ້າງ ແຕ່ບາງເທື່ອກເອົາສະບູຝຸ່ນ ຫຼື ໂຊດາໄຟ ປະສົມລົງໄປເພື່ອໃຫ້ນ້ຳຢາໃຊ້ໄດ້ຫຼາຍຂຶ້ນ. ເວລາທີ່ລ້າງນ້ຳຢາອອກຈະມີບັນຫາ ເພາະເຄື່ອງບໍ່ໄດ້ຖືກກຳໜົດໃຫ້ລ້າງດ້ວຍສະບູຝຸ່ນ ຫຼື ໂຊດາໄຟ ຜົນທີ່ໄດ້ທ່ານອາດຈະຄາດບໍ່ເຖິງ. ການລ້າງແບບນີ້ເໝາະກັບລົດໃໝ່ ລົດທີ່ລ້າງແອປີລະ 1 ຄັ້ງ ຫຼື ເໝາະກັບລົດທີ່ດູແລຕູ້ແອເປັນປະຈຳຖ້າໃຊ້ມາ 7-8 ປີແລ້ວ ຊ່າງແອບໍ່ຄ່ອຍຢາກຈະລ້າງດ້ວຍວິທີນີ້ ເພາະຕູ້ແອອາດຈະຮົ່ວຢູ່ແລ້ວ ແຕ່ຂີ້ຝຸ່ນໄປຕັດຮູຮົ່ວໄວ້ ພໍເຮົາລ້າງຂີ້ຝຸ່ນອອກ ເຮົາກໍຈະເຫັນຮອຍຮົ່ວທັນທີ.
3. ການສີດສະເປທຳຄວາມສະອາດຕູ້ແອ ບໍ່ຕ້ອງໄປຮື້ຕູ້ອອກມາ ສີດສະເປທຳຄວາມສະອາດໃຫ້ທົ່ວຄອຍລ໌ເຢັນ ກໍເປັນອັນວ່າຮຽບຮ້ອຍ. ຄາບນ້ຳຢາຈະຄ່ອຍໆອອກມາພ້ອມກັບນ້ຳແອຕາມທໍ່ນ້ຳເສຍ ຖ້າຕູ້ແອບໍ່ເປິເປື້ອນຫຼາຍ ວິທີນີ້ກໍພໍໃຊ້ໄດ້ແຕ່ກໍຄົງຕ້ອງໄດ້ສີດສະເປເປັນປະຈຳ 2-3 ເດືອນຕໍ່ຄັ້ງ ເພາະວ່າຢູ່ໃນເມືອງຈະມີຂີ້ຝຸ່ນຫຼາຍ ສະເປບາງຍີ່ຫຍໍ້ຈະຊ່ວຍກຳຈັດກິ່ນອີກດ້ວຍ ລາຄາສີດສະເປ ລວມແລ້ວຫຼາຍກວ່າການລ້າງຕູ້ແອ ແບບທີ 1 ແລະ
4. ການໃສ່ກອງແອ ບໍ່ແມ່ນລົດທຸກລຸ້ນຈະໃຊ້ໄດ້ ເພາະກອງແອກໍສ້າງມາສຳຫຼັບລົດອີກລະດັບ ຊ່ວກອງຂີ້ຝຸ່ນອີກສິທີໜຶ່ງ ແຕ່ອາຍຸການໃຊ້ງານກໍປະມານ 5000 ກິໂລແມັດ ກໍຕ້ອງໄດ້ປ່ຽນອັນໃໝ່ ຖ້າບໍ່ປ່ຽນລົມກໍຈະຜ່ານເຂົ້າຕູ້ແອບໍ່ສະດວກ ລົມແອທີ່ອອກມາກໍຈະອ່ອນກຳລັງລົງ ສ່ວນລົມທີ່ຕີກັບະມີຜົນຕໍ່ຄອມແອ ກອງແອສຳຫຼັບລົດບາງລຸ້ນລາຄາກໍພໍຮັບໄດ້ ແຕ່ບາງລຸ້ນລາຄາກໍປະມານ000-400.000 ກີບ ຖ້າຫາກໃຊ້ວິທີນີ້ໃນການທຳຄວາມສະອາດ ໃນໄລຍະ 1 ປີ ກໍເສຍຄ່າໃຊ້ຈ່າຍຫຼາຍກວ່າການທຳຄວາມສະອາດແບທີ່ 1 ແລະ 2.
ສ່ວນການປ້ອງກັນໃຫ້ໃຊ້ແອໄດ້ດົນໆ ບໍ່ຈຳເປັນຕ້ອງລ້າງຕະຫຼອດ ວິທີງ່າຍໆເວລາຈະລົງລົດເມື່ອໃດເຄາະຜ້າພົມໃນລົດຕອນນັ້ນໂລດ ເພາະພັດລົມແອຢູ່ໃກ້ກັບຜ້າພົມຮອງພື້ນເກີບເຮົາ ຖ້າມັນສະສົມໄວ້ດົນໆມັນກໍຈະດູເຂົ້າໄປເລື້ອຍໆ ເຮັດໃຫ້ຕູ້ແອຕັນໄວ ຖ້າເຮັດໄດ້ເປັນນິໄສ ກໍຈະສາມາດຍືດອາຍຸການລ້າງຕູ້ແອໄດ້ເຖິງ 2 ປີພຸ້ນລະ ບໍ່ເຊື່ອກໍເຮັດລອງເບິ່ງເດີ້!!