spot_img
Homeຂ່າວຕ່າງປະເທດຜູ້ຊ່ຽນຊານລະບຸ ບາງກອກຈະຈົມນ້ຳ ກາຍເປັນເມືອງບາດານ ພາຍໃນ 85 ປີຕໍ່ຈາກນີ້!

ຜູ້ຊ່ຽນຊານລະບຸ ບາງກອກຈະຈົມນ້ຳ ກາຍເປັນເມືອງບາດານ ພາຍໃນ 85 ປີຕໍ່ຈາກນີ້!

Published on

EyWwB5WU57MYnKOuXuYiUr7c0zanyLa2k4KIBLx8g1d3FlVDDbqHEp

ສຳນັກຂ່າວຕ່າງປະເທດ ລາຍງານໃນວັນທີ 8 ກໍລະກົດນີ້ ໂດຍລະບຸວ່າ ນະຄອນຫລວງບາງກອກ ຫລື ກຸງເທບມະຫານະຄອນຂອງໄທ ເຊິ່ງມີປະຊາກອນອາໄສຢູ່ເກືອບ 10 ລ້ານຄົນ ອັນເປັນພື້ນທີ່ເຊິ່ງດິນເປັນລັກສະນະຜຸຜຸ່ຍ ແລະ ຊຸ່ມນ້ຳ ແຕ່ມີການກໍ່ສ້າງຕຶກອາຄານໂຄງສ້າງເຫລັກ ແລະ ຄອນກຣີດຢ່າງມະຫາສານ ເຮັດໃຫ້ປຽບທຽບຄ້າຍຄືກັບສ້າງຕຶກຢູ່ເທິງກ້ອນເຄັກ ໂດຍຜູ້ຊ່ຽວຊານໄດ້ເຕືອນວ່າ ບາງກອກກຳລັງຈະຈົມຫາຍລົງຢູ່ໃຕ້ນ້ຳ ຄືກັບຊະຕາກຳຂອງເກາະແອັດແລນຕິກ ທີ່ຈົມລົງຢູ່ໃຕ້ມະຫາສະໝຸດແອັດແລນຕິກ ຕັ້ງແຕ່ສະໄໝດຶກດຳບັນ.

ເວັບໄຊ towleroad.com ໄດ້ລະບຸວ່າ ຜູ້ຊ່ຽວຊານດ້ານໄພພິບັດທາງທຳມະຊາດຫລາຍຄົນໃນໄທບອກວ່າ ບາງກອກຈະຈົມລົງຕ່ຳກ່ວາລະດັບນ້ຳທະເລເຖິງ 5 ຟຸດ (ປະມານ 1,52 ແມັດ) ພາຍໃນປີ 2030 ຫລື ອີກ 15​ ປີຂ້າງໜ້າ ແລະ ຍັງໄດ້ລະບຸອີກວ່າ ກ່ອນໜ້ານີ້ມີການຄາດໝາຍວ່າ ນະຄອນຫລວງບາງກອກ ກຳລັງຈົມນ້ຳຫລາຍຂຶ້ນທຸກໆປີ ປີລະກ່ວາ 3 ນິ້ວ (7.62 ຊັງຕີແມັດ) ແຕ່ສຳລັບຂໍ້ມູນໃໝ່ນີ້ພົບວ່າ ມັນຈະຈົມລົງໄວຂຶ້ນໃນລະດັບ 4 ນິ້ວ (10.16 ຊັງຕີແມັດ) ເຊິ່ງສາມາດທຳນາຍອານາຄົດຂອງບາງກອກໄດ້ວ່າ ໃນອີກ 85 ປີຂ້າງໜ້ານີ້ ຫລື ພາຍໃນປີ ຄ.ສ 2100 ເມືອງທັງເມືອງຈະຈົມລົງຢູ່ໃຕ້ນ້ຳທະເລທັງໝົດ ແລະ ຈະບໍ່ສາມາດອາໄສຢູ່ໄດ້ອີກຕໍ່ໄປ.

ແຫລ່ງຂ່າວຍັງໄດ້ລະບຸອີກວ່າ ຈາກສະພາວະໂລກຮ້ອນຄືດັ່ງໃນປັດຈຸບັນນີ້ ແມ່ນຍິ່ງຈະເຮັດໃຫ້ກາຍເປັນປັດໄຈເພີ່ມລະດັບນ້ຳທະເລສູງຂຶ້ນ ແລະ ບາງກອກກໍຈະຈົມຢູ່ໃຕ້ນ້ຳທະເລໃນລະດັບທີ່ຮຸນແຮງຂຶ້ນ.

ແນວໃດກໍຕາມ ຜູ້ຊ່ຽວຊານໄດ້ໃຫ້ການແນະນຳທາງອອກຢູ່ 2​ ທາງເລືອກຄື ທາງເລືອກທີໜຶ່ງ ແມ່ນກໍ່ສ້າງກຳແພງກັ້ນນ້ຳໂດຍກົງ ເຊິ່ງຈະໃຊ້ງົບປະມານສູງເຖິງ 3 ຕື້ໂດລາ ຫລື ຄິດເປັນເຄິ່ງໜຶ່ງຂອງຈີດີພີຂອງປະເທດ, ສ່ວນທາງເລືອກທີສອງ ແມ່ນການອົບພະຍົບປະຊາຊົນ ຂຶ້ນໄປອາໄສຢູ່ບ່ອນທີ່ສູງກ່ວານີ້.

NjpUs24nCQKx5e1D7IMNZ1DEHIBfoWisOUxrZe6n22m

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...