ນົມແມ່ເປັນນົມທີ່ດີທີ່ສຸດສຳລັບລູກນ້ອຍ ຄວນໃຫ້ລູກໄດ້ຮັບນົມແມ່ໃຫ້ດົນທີ່ສຸດສຳລັບແມ່ທີ່ຕ້ອງກັບມາເຮັດວຽກກໍສາມາດໃຫ້ນົມແມ່ກັບລູກໄດ້ ໂດຍການປ້ຳນົມເກັບໄວ້ໃກ້ຈະໄດ້ເວລາຕ້ອງກັບມາເຮັດວຽກແລ້ວຕ້ອງຕຽມຕົວກັນແລ້ວ ລູກນ້ອຍຈະໄດ້ມີນົມແມ່ໄວ້ກິນໄດ້ອີກດົນໆ
1. ກຽມເບີ່ງຫາແນວປ້ຳນົມ
ກ່ອນຈະຊື້ຄວນສຶກສາຂໍ້ມູນເຄື່ອງປ້ຳນົມໃນແຕ່ລະແບບ,ແຕ່ລະຍີ່ຫໍ້ໃຫ້ດີ ວ່າເໝາະກັບທ່ານແບບໃດບາງລຸ້ນສາມາດໃສ່ຖ່ານໄດ້ພົກພາໄດ້ສະດວກ ແຕ່ຢາກຈະແນະນຳໃຫ້ໃຊ້ປ້ຳໄຟຟ້າແບບຄູ່ເພາະປະຫຍັດເວລາໃນການປ້ຳ ເຮັດໃຫ້ປ້ຳໄດ້ພ້ອມກັນທັງ 2 ຂ້າງເຮັດໃຫ້ແມ່ລຸດອາການຂີ້ຄ້ານໃນການປ້ຳລົງໄດ້ ເບິ່ງຄວາມເໝາະສົມໃນສະຖານທີ່ເຮັດວຽກເລືອກແບບທີ່ໃຊ້ແບດໄດ້ຫລືມີທີ່ສຽບຊາລ໌ໄດ້
2. ວາງແຜນໃນການປ້ຳນົມ
ໂດຍປົກກະຕິແມ່ຈະລາວຽກໄດ້ປະມານ 3 ເດືອນແມ່ລູກອອ່ນຄວນຈະເລີ່ມປ້ຳນົມຕັ້ງແຕ່ເດືອນທີ່ 2 ຖ້າລູກນ້ອຍເຂົ້າເຕົ້ານົມແມ່ຢູ່ແລ້ວ ໃຫ້ປ້ຳນົມຫລັງຈາກລູກດູດປະມານ 10 ນາທີ ຖ້າລູກບໍ່ເຂົ້າເຕົ້ານົມໃຫ້ແມ່ປ໊ຳນົມທຸກ 3 ຊົວໂມງ ເມື່ອແມ່ກັບມາແຕ່ເຮັດວຽກແລ້ວ ຄວນຄົງຮັກສາຮອບປ້ຳໄວ້ໃຫ້ໄດ້ຖ້າບໍ່ຢາກໃຫ້ນ້ຳນົມຫົດລົງຄວນວາງແຜນເວລາໃຫ້ດີ
3. ການເກັບນ້ຳນົມ
ເມື່ອແມ່ມານໄປເຮັດວຽກຄວນເອົາກະເປົ໋າເກັບຄວາມເຢັນຫລືກະຕິກນ້ຳກ້ອນໄປນຳເມື່ອປ້ຳນົມສຳເລັດໃນແຕ່ລະຮອບຄວນເກັບແນວປ໊ຳແລະນ້ຳນົມໃສ່ຕູ້ເຢັນຂອງບ່ອນເຮັດວຽກ (ຖ້າມີ) ຖ້າບໍ່ມີກໍໃສ່ກະຕິກທີ່ເຮົາເອົາໄປນ້ຳນົມພາຍໃນ 24 ຊົວໂມງ.ສາມາດເກັບລວມກັນໄດ້ເມື່ອກັບເຖິງເຮືອນເອົາເຂົ້າຊ່ອງຟິດຫລືຈະເກັບໄວ້ໃຫ້ລູກກິນມື້ຕໍ່ໄປໄດ້
4. ກຽມຜ້າຄຸມສຳລັບປ້ຳນົມ
ຖ້າສະຖານທີ່ອຳນວຍໃຫ້ແມ່ມານນັ່ງປ້ຳນົມບ່ອນໂຕະເຮັດວຽກໄດ້ຄວນມີຜ້າຄຸມສຳລັບປ້ຳນົມຫລືເສື້ອຄຸມ
5. ການໃຊ້ນົມສະຕັອກ
ໃຫ້ໃຊ້ນົມສະຕັອກຖົງທຳອິດຂອງການປ້ຳກ່ອນເມື່ອເຮົາກັບຈາກເຮັດວຽກກໍເອົາຖົງນົມທີ່ປ້ຳໄປແຊ່ທົດແທນກັບມາອາດຈະໃຫ້ລູກເຂົ້າເຕົ້າຖ້າຕອນເດິກລູກບໍ່ດູດ ເພື່ອຮັກສາປະລິມານນ້ຳນົມໄວ້ກໍຄວນລຸກຂຶ້ນມາປ້ຳນົມອີກຮອບ ແມ່ຄົງຕ້ອງຍອມເໜື່ອຍແນ່ເພື່ອສຸກຂະພາບທີ່ແຂງແຮງຂອງລູກນ້ອຍ