ເວັບໄຊລາວໂພສຕ໌ ໄດ້ຈັດກິດຈະກຳ ຕິດສະຕິກເກີລາວໂພສຕ໌ ລຸ້ນຮັບລາງວັນ. ເພື່ອເປັນການສົ່ງເສີມໃຫ້ຄົນລາວໄດ້ພາກພູມໃຈ ທີ່ຄົນລາວເຮົາມີເວັບໄຊຂ່າວ-ວາໄລຕີ້ ເປັນພາສາລາວຂອງຄົນລາວ ແລະເພື່ອຄົນລາວ ໄວ້ອ່ານຂ່າວແລະສາລະຕ່າງໆ. ດັ່ງນັ້ນ, ເວັບໄຊລາວໂພສຕ໌ ຈຶ່ງໄດ້ຈັດກິດຈະກຳຂຶ້ນ ເພື່ອໃຫ້ຜູ້ຄົນໃນສັງຄົມ ໄດ້ຮັບຮູ້ແລະເຂົ້າອ່ານເວັບໄຊລາວໂພສຕ໌ຂອງພວກເຮົາ ດ້ວຍການຕິດສະຕິກເກີລາວໂພສຕ໌ ໃສ່ທ້າຍລົດຂອງຕົນເອງ.
ກະຕິກາງ່າຍໆ ຄື ເອົາສະຕິກເກີລາວໂພສຕ໌ ຕິດໃສ່ທ້າຍລົດຂອງຕົນ ແລ້ວຖ່າຍຮູບສົ່ງໃຫ້ທີມງານລາວໂພສຕ໌ ທາງເຟສບຸກເພຈ Laopost ຫຼືຖ້າທີມງານພວກເຮົາໄປພົບເຫັນຢູ່ໃສ ກໍຈະຖ່າຍຮູບເອົາມາ ເພື່ອຈັບສະຫຼາກແລະມອບໂຊກໃຫ້ຜູ້ໂຊກດີ.
ຕະຫຼອດໄລຍະ 2 ອາທິດທີ່ຜ່ານມາ ໄດ້ມີແຟນໆ ເລິ່ມຕິດສະຕິກເກີແລ້ວ ແລະໄດ້ຖ່າຍຮູບສົ່ງໃຫ້ທີມງານພວກເຮົາຈຳນວນໜຶ່ງ ແລະຍັງອີກຈຳນວນຫຼວງຫຼາຍທີ່ຕິດແລ້ວ ແຕ່ບໍ່ໄດ້ສົ່ງຮູບໃຫ້ພວກເຮົາ ແຕ່ບໍ່ເປັນຫຍັງທ່ານບໍ່ຖ່າຍມາ ເຮົາກໍຈະຖ່າຍໃຫ້ທ່ານເອງ.
ວ່າແລ້ວ ມື້ນີ້ກໍໄດ້ເລີກງາມຍາມດີທີ່ຈະປະກາດ ຮູບແລະທະບຽນລົດທີ່ໄດ້ຮັບລາງວັນ ປະຈຳເດືອນມິຖຸນາ ໃນຕອນແລງຂອງມື້ນີ້ ວັນທີ 3 ມິຖຸນາ 2015 ຢ່າລືມຕິດຕາມເວັບໄຊ ແລະເຟສບຸກເພຈຂອງເຮົາ ແລ້ວຈະຮູ້ວ່າເລກທະບຽນລົດຂອງໃຜໄດ້ຮັບລາງວັນ.