ໄລໂຄປີນ(Lycopene)ເປັນສານສຳຄັນທີ່ພົບໄດ້ໃນໝາກເລັ່ນຈັດເປັນສານປະກອບໃນກຸ່ມແຄໂລທີນອຍຊະນິດໜຶ່ງໃນ600ຊະນິດພົບໄລໂຄປີນໄດ້ໃນໝາກເລັ່ນ,ໝາກໂມ,ໝາກສີດາສີບົວແລະໝາກຫຸ່ງສຸກເປັນຕົ້ນພົບໄລໂຄປີນໃນປະລິມານຕັ້ງແຕ່0.9 9.30ກຣາມ ໃນ100ກຣາມຂອງໝາກເລັ່ນສົດ
ໄລໂຄປີນເປັນສານປະກອບທີ່ໄດ້ຮັບຄວາມສົນໃຈເນື່ອງຈາກມີລາຍງານວ່າມີປະໂຫຍດຕໍ່ສຸຂະພາບໂດຍສະເພາະການຫລຸດຄວາມສ່ຽງໃນການເກີດມະເຮັງທີ່ອະໄວຍະວະຕ່າງໆທີ່ຊັດເຈນທີ່ສຸດຄື:ມະເຮັງຕ່ອມລູກໝາກ,ຮອງລົງມາຄືມະເຮັງປອດ,ກະເພາະອາຫານນອກຈາກນີ້ກໍຍັງສະແດງໃຫ້ເຫັນປະໂຫຍດຂອງການໄດ້ຮັບໄລໂຄປີນໃນການຫລຸດຄວາມສ່ຽງຂອງມະເຮັງຕັບອ່ອນ,ລຳໄສ້ໃຫຍ່(colon)ທະວານໜັກ,ຄໍຫອຍ,ຊ່ອງປາກ ເຕົ້ານົມ,ປາກເປັນຕົ້ນ
ຄວນກິນໝາກເລັ່ນສົດຫລືໝາກເລັ່ນທີ່ຜ່ານການປຸງອາຫານແລ້ວ
ຄວາມເຊື່ອວ່າຂອງສົດດີກວ່າຂອງທີ່ປຸງແລ້ວບໍ່ໄດ້ເປັນຈິງສະເໝີໄປໃນກໍລະນີຂອງໝາກເລັ່ນເປັນໜຶ່ງໃນຂໍ້ຍົກເວັ້ນໝາກເລັ່ນທີ່ຜ່ານຄວາມຮ້ອນຈະເຮັດໃຫ້ການຢຶດຈັບຂອງໄລໂຄປີນກັບເນື້ອເຍື່ອຂອງໝາກເລັ່ນອ່ອນໂຕລົງເຮັດໃຫ້ໄລໂຄປີນຖືກຮ່າງກາຍນຳໄປໃຊ້ໄດ້ດີກວ່ານອກຈາກນີ້ຄວາມຮ້ອນແລະກະບວນການຕ່າງໆໃນການຜະລິດ,ຜະລິດຕະພັນໝາກເລັ່ນຍັງເຮັດໃຫ້ໄລໂຄປີນປ່ຽນຮູບແບບ(ຈາກໄລໂຄປີນຊະນິດ“ອອນຊານ”(all-trans-isomers)ເປັນຊະນິດ“ຊິສ” (cis -isomers))ຄື:ເປັນຊະນິດທີ່ລະລາຍໄດ້ດີຂຶ້ນ
ໝາກເລັ່ນສົດແລະຜະລິດຕະພັນໝາກເລັ່ນຊະນິດໃດໃຫ້ໄລໂຄປີນສູງກວ່າກັນ
ໂດຍທົ່ວໄປປະລິມານໄລໂຄປີນໃນຫມາກໄມ້ແລະໝາກເລັ່ນສົດຈະບໍ່ແຕກຕ່າງກັນຫລາຍແຕ່ເມື່ອນຳໝາກເລັ່ນສົດໄປຜ່ານກະບວນການຜະລິດໃຫ້ຢູ່ໃນຮູບຂອງຜະລິດຕະພັນໝາກເລັ່ນຊະນິດຕ່າງໆພົບວ່າປະລິມານໄລໂຄປີນສູງຂຶ້ນຫລາຍເນື່ອງຈາກມີການຜ່ານກະບວນການເຮັດໃຫ້ເຂັ້ມຂຸ້ນຂຶ້ນດັ່ງນັ້ນອາຫານອີຕາລຽນ,ພວກພິຊຊາ,ສະປາເກັດຕີທີ່ມີການແຕ່ງລົດດ້ວຍຊອດຫລືຜະລິດຕະພັນໝາກເລັ່ນເຂັ້ມຂຸ້ນ(Tomato paste)ທີ່ຜະລິດຈາກໝາກເລັ່ນຈຶ່ງເປັນແຫລ່ງໃຫ້ໄລໂຄປີນທີ່ດີດັ່ງໃນຕາຕະລາງ