spot_img
Homeຂ່າວຕ່າງປະເທດເຜີຍເງື່ອນງຳ ສາຍການບິນ ເຢຍລະມັນວິງສ ຕົກ"

ເຜີຍເງື່ອນງຳ ສາຍການບິນ ເຢຍລະມັນວິງສ ຕົກ”

Published on

ເຈົ້າຫນ້າທີ່ຂອງຝຣັ່ງລະບຸວ່າ ນັກບິນທີ່ສອງ ຂອງເຮືອບິນ ສາຍການບິນເຢຍລະມັນວິງສ ທີ່ປະສົບເຫດຕົກບໍລິເວນສາຍພູແອລ ອາດຈະມີຄວາມປະສົງທີ່ເຮັດໃຫ້ເຮືອບິນ ດັງກ່າວຕົກໂດຍ”ຕັ້ງໃຈ”

ທ່ານ ບຣີສ ໂຣແບ້ງ ໄອຍະການເມືອງມາກເຊ ອ້າງຂໍ້ມູນຈາກກ່ອງດຳທີ່ບົ່ງບອກວ່າ ຂະນະເກີດເຫດ ຍົນຕົກ ທ້າວ ອັງເດຣ ລູບິຊ ນັກບິນທີ່ສອງ ອາຍຸ 28ປີ ເປັນຄົນດຽວທີ່ຢູ່ໃນຫ້ອງບັງຂັບການບິນ
ຈຶ່ງເປັນໄປໄດ້ວ່າ ລາວມີຄວາມຈົງໃຈທີ່ບັງຄັບຍົນໃຫ້ຕົກລົງພື້ນ ເມື່ອນັກບິນທີຫນຶ່ງຢູ່ພາຍນອກ ແລະ ບໍ່ສາມາດກັບເຂົ້າໄປໃນຫ້ອງບັງຂັບການບິນໄດ້

ທ່ານ ໂຣແບ້ງ ລະບຸວ່າ ” ມັນມີແຕ່ສຽງງຽບໃນຫ້ອງບັງຂັບການບິນ” ໃນຂະນະທີນັກບິນທີ່ຫນຶ່ງບໍ່ໄດ້ຢູ່ໃນຫັ້ນ ແລະເມື່ອເຈົ້າຫນ້າທີ່ວິທະຍຸການບິນພະຍາຍາມຫລາຍເທື່ອທີ່ຈະຕິດຕໍ່ກັບຍົນລຳດັ່ງກ່າວ ແຕ່ກະບໍ່ມີໃຜຕິດຕໍ່ກັບມາ

ໄອຍະການເມືອງມາກເຊ ອະທິບາຍເຖິງສະຖານະການກ່ອນເຮືອບິນ ແອບັສ 320 ຈາກເມືອງບາເຊໂລນ້າ ໄປຍັງເມືອງ ດຸສເຊເດອອຟ ຊິຕຳສາຍພູແອລ ຈົນຜູ້ໂດຍສານ 144 ຄົນ ແລະ ລູກເຮືອ 6 ຄົນ ຈະເສີຍຊີວິດທັງຫມົດ ຈາກການກວດສອບກ່ອງດຳວ່າ:

“ເຮົາໄດ້ຍີນສຽງນັກບິນທີຫນຶ່ງບອກນັກບິນທີ່ສອງໃຫ້ບັງຂັບຍົນ ແລ້ວເຮົາກໍ່ໄດ້ຍີນສຽງຕັ່ງຫຍັບອອກລວມທັງສຽງປະຕູຖືກອັດ” ເຊິ່ງຄິດວ່ານັກບີນທີຫນຶ່ງຈະອອກໄປເຂົ້າຫ້ອງນໍ້າ

“ຈາກນັ້ນ ນັກບິນທີ່ສອງໄດ້ເຂົ້າບັງຂັບຍົນດ້ວຍໂຕເອງ ເມື່ອເຂົາຢູ່ຄົນດຽວ ເຂົາໄດ້ກົດປຸ່ມໃຫ້ເຄື່ອງລົດລະດັບຄວາມສູງລົງ”

“ການກະທຳແບບຊີ້ ເກີດຂຶ້ນໄດ້ຍ້ອນການເຈດຕະນາ ຕັ້ງໃຈພຽງປະການດຽວ”

“ການຄາດການທີ່ຟັງເບິ່ງມີເຫດຜົນທີ່ສຸດກໍ່ຄືນັກບີນທີ່ສອງຕັ້ງໃຈປິດປະຕິຫ້ອງບັງຂັບການບິນໃຫ້ນັກບິນທີຫນຶ່ງກັບເຂົ້າມາບໍ່ໄດ້ ນັກບິນທີສອງລາວຕັດສິນໃຈບັງຂັບຍົນໃຫ້ຫລຸດລະດັບລົງ ລາວເຮັດແບບຊີ້ດ້ວຍເຫດຜົນຫຍັງກະບໍ່ຮູ້ແທ້ ແຕ່ເປັນທີແນ່ນອນວ່າລາວຕ້ອການທຳລາຍເຮືອບີນລຳນີ້”

ໄອຍະການຄົນຝຣັ່ງ ແຈ້ງວ່າ ເຈົ້າຫນ້າທີ່ ຍັງບໍ່ມີຂໍ້ມູນທີ່ລະບຸວ່າ ທ້າວ ລູບີຊມີຄວາມເຊື່ອມໂຍງໃດໆກັບກຸ່ມຜູ້ກໍ່ການຮ້າຍ ຫລື ກຸ່ມຜູ້ມີຄວາມຄິດຮຸນແຮງ ໂດຍທ່ານ ໂຣແບ້ງ ຫວັງວ່າທາງການເຢຍລະມັນ ຈະມອບຂໍ້ມູນ ພາຍຫລັງ ແລະຊີວິດສ່ວນໂຕຂອງນັກບີນທີ່ສອງລາຍນີ້ໃຫ້ທາງການຝຣັ່ງເສດໃນເວລາຕໍ່ໄປ

ທັງກ່ອງດຳ”ທີ່ສອງ”ຂອງເຮືອບິນເຢຍລະມັນວິງສ ເຊິ່ງບັນທຶກຂໍ່ມູນການບິນ ທີ່ປະສົບເຫດຕົກ “ຍັງບໍ່ຖືກຄົ້ນພົບ”

ຂອບໃຈຂ່າວຈາກ: ມະຫາຊົນ

ບົດຄວາມຫຼ້າສຸດ

ທຳລາຍ ສິ້ນສ່ວນສັດປ່າຫວງຫ້າມ 107,5 ກິໂລ ທີ່ແຂວງບໍລິຄຳໄຊ

ກອງກວດກາປ່າໄມ້ປະຈໍາແຂວງ, ກຸ່ມວຽກກວດກາສັດປ່າ ແລະ ເຄື່ອງປ່າຂອງດົງ ພະແນກກະສິກໍາ ແລະ ປ່າໄມ້ແຂວງບໍລິຄໍາໄຊ ໄດ້ຈັດພິທີທໍາລາຍສັດປ່າ ຊິ້ນສ່ວນສັດປ່າທີ່ເຈົ້າໜ້າທີ່ຢຶດໄດ້ ຂຶ້ນໃນວັນທີ 23 ກັນຍາຜ່ານມານີ້ ຢູ່ພະແນກກະສິກໍາ ແລະ...

ສະພາບອາກາດປະຈຳວັນທີ 24 ກັນຍາ 2024

ສະພາບອາກາດປະຈຳວັນທີ 24 ກັນຍາ 2024 ຮ່ອງຄວາມກົດດັນອາກາດຕໍ່າຍັງສືບຕໍ່ພັດຜ່ານຢູ່ພາກກາງ ແລະ ພາກໃຕ້ ຂອງປະເທດລາວ ສົມທົບກັບລົມມໍລະສຸມ ຕາເວັນຕົກສ່ຽງໃຕ້ພັດປົກຄຸມ, ເຊິ່ງຈະເຮັດໃຫ້ ມີຝົນຕົກ ຟ້າຮ້ອງ ຟ້າເຫຼື້ອມ...

ເຫດດິນເຈື່ອນ ມີຄົນເສຍຊີວິດ-ສູນຫາຍ ຢູ່ບ້ານຫ້ວຍອັງ ເມືອງກວັນ ແຂວງຫົວພັນ

ຕາມການລາຍງານຂອງແຫຼ່ງຂ່າວຢູ່ເມືອງກວັນໃຫ້ຮູ້ວ່າ: ເນື່ອງຈາກຝົນຕົກຕິດຕໍ່ກັນຫຼາຍວັນ ເຮັດໃຫ້ເກີດມີນ້ຳຖ້ວມ ແລະ ດິນເຈື່ອນຢູ່ຫຼາຍຈຸດ ໃນຂອບເຂດເມືອງກວັນ ແຂວງຫົວພັນ. ໃນນັ້ນ, ມີເຫດການດີນເຊາະເຈື່ອນທັບຖົມປະຊາຊົນຢູ່ບ້ານຫ້ວຍອັງ ໃນເວລາປະມານ 2 ໂມງເຊົ້າຂອງວັນທີ 22 ກັນຍາ...

ຫົວພັນແຈ້ງໂຈະການເຮັດວຽກເປັນຊົ່ວຄາວໃນລະຫວ່າງວັນທີ 23-25 ພະຈິກ 2024 ເພື່ອແກ້ໄຂ ໄພພິບັດ

1) ເລີ່ມວັນທີ 23-25/9/2024 ໃຫ້ແຕ່ລະພາກສ່ວນໂຈະການເຮັດວຽກຊົ່ວຄາວເພື່ອຈັດແບ່ງພະນັກງານປະຈໍາການ ແລະ ແບ່ງພະນັກງານລົງຊ່ວຍຄອບຄົວພະນັກງານ ແລະ ບ້ານທີ່ໄດ້ຮັບຜົນກະທົບ 10 ບ້ານຢູ່ຕົວເມືອງຊໍາເຫນືອ ທີ່ໄດ້ຮັບຜົນກະທົບຈາກໄພພິບັດຄັ້ງວັນທີ 22/9/2024. 2) ມອບໃຫ້ພະແນກ ຍທຂ...