ອົງການອາຫານແລະກະເສດໂລກຫລືເອຟເອໂອແນະນໍາໃຫ້ປະເທດກຳລັງພັດທະນາທີ່ມີບັນຫາຂາດວິຕາມິນສຳຄັນກໍ່ຄືວິຕາມິນເອ,ວິຕາມິນຊີແລະທາດເຫລັກກິນໝາກມ່ວງ ເພື່ອຊ່ວຍປ້ອງກັນພະຍາດແລະແກ້ການຂາດສານອາຫານ
ໝາກມ່ວງເໝາະສົມກັບ
1.ຜູ້ມີບັນຫາສິວເພາະໝາກມ່ວງມີກົດດີຢູ່ຫລາຍຊະນິດຊ່ວຍບຳລຸງຜິວມີວິຕາມິນເອ,ວິຕາມິນອີແລະຊີລີນຽມສຳລັບຜິວພັນຢູ່ຫລາຍແລະສານຕ້ານອານຸມູນອິດສະຫລະ(ແອນຕີ້ອອກຊິແດນ)ຈະຊ່ວຍລ້າງອານຸມູນອິດສະຫລະທີ່ຈັບຜິວ
2.ຜູ້ເບື່ອອາຫານເພາະໝາກມ່ວງມີວິຕາມິນຫລາຍຊະນິດຊ່ວຍຊົດເຊີຍຕົວຢ່າງວິຕາມິນເອ,ວິຕາມິນອີ,ທາດເຫລັກແລະແອນຕີ້ອອກຊິແດນກຸ່ມ“ຟີໂນລິກ”ແລະຍັງມີສ່ວນປ້ອງກັນມະເຮັງເຕົ້ານົມ,ມະເຮັງທາງເດີນອາຫານແລະມະເຮັງລຳໄສ້ໃຫຍ່
3.ຄົນຖອກທ້ອງນ້ຳໝາກມ່ວງບີບສົດຊ່ວຍເປັນແຫລ່ງນ້ຳຕານ“ຟລຸກໂຕ”ຊັ້ນດີທີ່ຊ່ວຍເຕີມເຕັມໃຫ້ໃນໄລຍະທີ່ຂາດນ້ຳແລະເສຍເກືອແຮ່
4.ຄົນທ້ອງອືດໝາກມ່ວງຊ່ວຍຄາຍໄສ້ໃຫ້ປັ້ນດີແຖມມີເສັ້ນໃຍຫລາຍຊ່ວຍດີທັອກລຳໄສ້ໄດ້ໃນຄົນທາດແຂງຂໍໃຫ້ກິນໝາກມ່ວງສຸກທີ່ຍິ່ງສົ້ມໄດ້ຍິ່ງດີໝາກມ່ວງມີນ້ຳຍ່ອຍເປັນເອນໄຊຊືແມນີເຟີລິນ,ຄາທີຄອນ,ອອກຊິເດສແລະແລກເທສ”ຢູ່ຫລາຍ
5.ຕິດເຊື້ອທາງເດີນປັດສະວະກົດສົ້ມໃນນ້ຳໝາກມ່ວງຊ່ວຍລ້າງຕັ້ງແຕ່ກວນຫມາກໄຂ່ຫລັງໄປຈົນເຖິງທໍ່ຍ່ຽວໄດ້ສະອາດດີ
ໝາກມ່ວງບໍ່ເໝາະກັບ
1.ພະຍາດໄຕ ເພາະຂັບເກືອແຮ່ອອກໄດ້ບໍ່ດີອາດມີເກືອແຮ່ບາງຊະນິດຄ້າງຫລາຍ
2.ພະຍາດຫົວໃຈຮຸນແລງເພາະໝາກມ່ວງມີແຮ່ທາດກ່ຽວກັບການເຕັ້ນຂອງຫົວໃຈກໍ່ຄື “ໂພແທດຊຽມຢູ່ຂ້ອນຂ້າງສູງຖ້າຍັງບໍ່ເປັນພະຍາດຫົວໃຈແຕ່ຕ້ອງການປ້ອງກັນພະຍາດຫົວໃຈໄວ້ກ່ອນຂໍໃຫ້ເລືອກໝາກມ່ວງນ້ຳດອກໄມ້ເພາະມີເບຕ້າແຄໂລທີນເປັນທາດບຳລຸງຫົວໃຈທີ່ດີ
ໝາກມ່ວງສຸກທີ່ກິນກັບເຂົ້າໜຽວໝາກມ່ວງມັກມີວິຕາມິນແຮ່ທາດບໍ່ຕ່າງກັນຫລາຍຖ້າຢາກໄດ້ຊະນິດທີ່ຊີ້ນວິຕາມິນເອຫລາຍໃຫ້ເຫລືອນ້ຳດອກໄມ້,ມີເບຕ້າແຄໂລທີນສູງກວ່າໝາກເລັ່ນຊິນີແລະໝາກຮຸ່ງສຸກນໍາອີກຖ້າຢາກໄດ້ແປ້ງໜ້ອຍກວ່າໃຫ້ເລືອກໝາກມ່ວງສຸກຖ້າຢາກໄດ້ນ້ຳຕານໜ້ອຍໃຫ້ເລືອກໝາກມ່ວງດິບ
ເຂົ້າໜຽວມີແຄລໍລີສູງຈາກແປ້ງຂາວຈຶ່ງບໍ່ເໝາະສົມກັບຜູ້ປ່ວຍເບົາຫວານຖ້າຈຳເປັນຕ້ອງກິນຂໍໃຫ້ເນັ້ນໝາກມ່ວງຫລາຍກວ່າເຂົ້າໜຽວເພາະຊີ້ນໝາກມ່ວງມີກາກຊ່ວຍກັນບໍ່ໃຫ້ນ້ຳຕານຊຶມເຂົ້າເລືອດໄວໄປແລະບໍ່ເໝາະກັບຜູ້ທີ່ມີພາວະໄຂມັນໃນເລືອດສູງແລະຄວາມດັນເລືອດສູງເພາະເຂົ້າໜຽວກັບກະທິມີຄວາມຫວານແລະມັນສູງ
ເຕັກນິກການກິນ“ເຂົ້າໜຽວໝາກມ່ວງບໍ່ເພີ່ມໜ້າທ້ອງຄື
ໃຫ້ໜັກໝາກມ່ວງຫລາຍກວ່າເຂົ້າໜຽວ
ໃຊ້ເຂົ້າກໍ່າເພາະມີໄຟເບີແລະແອນຕີ້ອອກຊິແດນຊັ້ນດີ
ມື້ໃດກິນເຂົ້າໜຽວໝາກມ່ວງມື້ນັ້ນບໍ່ຄວນກິນເຂົ້າແລ້ວ
ໃຫ້ຖືວ່າເຂົ້າໜຽວໝາກມ່ວງເປັນອາຫານມື້ໜັກມື້ໜຶ່ງ
ກິນເທື່ອລະຊຸດນ້ອຍເຊັ່ນໝາກມ່ວງໜຶ່ງໜ່ວຍຕໍ່ເຂົ້າໜຽວຂະໜາດເທົ່າໝາກມ່ວງເຄິ່ງລູກ
ຂໍໃຫ້ກິນໃນໄລຍະຕອນທ່ຽງຈະດີກວ່າກ່ອນນອນ
ປະໂຫຍດຂອງເຂົ້າໜຽວໝາກມ່ວງ
ກະທິໃນເຂົ້າໜຽວຊ່ວຍເຮັດໃຫ້ວິຕາມິນເອແລະອີຈາກໝາກມ່ວງດູດຊຶມດີຂຶ້ນ
ຊີ້ນໝາກມ່ວງສຸກຊ່ວຍຫລຸດໃຫ້ນ້ຳຕານຈາກເຂົ້າໜຽວດູດຊຶມຊ້າລົງ
ເປັນອາຫານທີ່ໃຫ້ພະລັງງານສູງ
ໝາກມ່ວງໃຫ້ໄຟເບີສູງ
ຊ່ວຍເຮັດໃຫ້ສົດຊື່ນໃນຜູ້ທີ່ເບື່ອອາຫານຫລືກິນອາຫານມື້ຫລັກບໍ່ຄ່ອຍໄດ້
ໂທດຂອງເຂົ້າໜຽວໝາກມ່ວງ
ເພາະເປັນອາຫານທີ່ໃຫ້ພະລັງງານສູງຈຶ່ງບໍ່ເໝາະກັບຜູ້ມີນ້ຳໜັກຫລາຍ
ແປ້ງເຂົ້າໜຽວປ່ຽນເປັນໄຂມັນ“ໄຕຣົກລີເຊີໄຣ”ໄດ້ຖ້າກິນເຂົ້າໜຽວຫລາຍໄປເຮັດໃຫ້ເກີດ “ມັນຈຸກໄດ້
ກະທິກັບເຂົ້າໜຽວມີທາດເຄັມທີ່ເລັ່ງຄວາມດັນສູງ
ໝາກມ່ວງສຸກຫວານກັບເຂົ້າໜຽວຫວານມັນກະຕຸ້ນອາການອັກເສບຮ້ອນໃນໄດ້
ຖ້າກິນຮ່ວມກັບອາຫານມື້ຫລັກອາດເຮັດໃຫ້ນອນບໍ່ຫລັບຫລືຮູ້ສຶກບໍ່ສົດຊື່ນເພາະໃຫ້ພະລັງງານສູງຫລາຍ