Homeຂ່າວພາຍ​ໃນໂຄງການກໍ່ສ້າງຂົວມິດຕະພາບ ລາວ-ມຽນມາ

ໂຄງການກໍ່ສ້າງຂົວມິດຕະພາບ ລາວ-ມຽນມາ

Published on

280px-Second_Thai–Lao_Friendship_Bridge-Thai_entrance-close_up
ພິທີວາງສີລາລຶກໂຄງການກໍ່ສ້າງຂົວມິດຕະພາບ ລາວ-ມຽນມາ ໄດ້ຈັດຂຶ້ນວັນທີ 16 ກຸມພາ 2013 ຢູ່ທີ່ຈຸດສ້າງຂົວແຫ່ງດັ່ງກ່າວ
ເບື້ອງຝ່າຍລາວ ແລະ ມຽນມາ ເຊິ່ງມີທ່ານ ສົມມາດ ພົນເສນາ ລັດຖະມົນຕີວ່າການ ກະຊວງໂຍທາທິການ ແລະ ຂົນສົ່ງແຫ່ງ
ສປປ ລາວ ທ່ານ ຈໍລິນ ລັດຖະມົນຕີວ່າການກະຊວງກໍ່ສ້າງແຫ່ງສະພາບ (ສ.ສ ມຽນມາ) ທ່ານ ດຣ. ພິມມະສອ ເລືອງຄຳມາ
ເຈົ້າແຂວງຫຼວງນ້ຳທາ ທ່ານ ຊາວ ອອງ ມຽດ ເຈົ້າຄອງລັດສານ ທ່ານທູດລາວ ແລະ ມຽນມາ ບັນດາຜູ້ຕາງໜ້າກະຊວງກ່ຽວ
ຂ້ອງ ອຳນາດການປົກຄອງທ້ອງຖິ່ນ ບໍລິສັດຜູ້ຮັບເໝົາກໍ່ສ້າງ ກໍຄືແຂກຖືກເຊີນຂອງລາວ ແລະ ມຽນມາເຂົ້າຮ່ວມ.
ທ່ານ ໄຊສົງຄາມ ມະໂນທັມ ຫົວໜ້າໂຄງການດັ່ງກ່າວໄດ້ກ່າວວ່າ: ເພື່ອຕອບສະໜອງຕາມຄວາມມຸ່ງມາດປາຖະໜາຂອງລັດຖະ
ບານ ແລະ ປະຊາຊົນສອງຊາດ ລາວ-ມຽນມາ ທີ່ຕ້ອງການໃຫ້ມີການອຳນວຍຄວາມສະດວກໃຫ້ແກ່ການໄປມາຫາສູ່ກັນ ແນໃສ່
ສົ່ງເສີມສາຍພົວພັນ ແລະ ການຮ່ວມມືທີ່ມີມາແຕ່ດົນນານ ໃຫ້ໄດ້ຮັບການພັດທະນາໃຫ້ດີຍິ່ງຂຶ້ນ ໃນໄລຍະຜ່ານມາ ຜູ້ນຳສູງສຸດ
ຂອງສອງປະເທດ ຈຶ່ງໄດ້ມີວິໄສທັດຮ່ວມກັນ ກຳນົດໃຫ້ຄົ້ນຄວ້າກໍ່ສ້າງຂົວຂ້າມນ້ຳຂອງລະຫວ່າງຊຽງກົກ ສປປ ລາວ ແລະ ຊຽງ
ລຽບ ສ.ສ ມຽນມາ ເຊິ່ງຕັ້ງຢູ່ຈຸດທີ່ມີຄວາມໝາຍສຳຄັນ ບົນເສັ້ນທາງເຊື່ອມຕໍ່ດ້ານຄົມມະນາຄົມ-ຂົນສົ່ງ ເຊິ່ງບໍ່ສະເພາະແຕ່ ສປປ
ລາວ ແລະ ສ.ສ ມຽນມາ ແຕ່ຍັງລວມທັງປະເທດໃນອະນຸພາກພື້ນອີກດ້ວຍ.
ໂຄງການດັ່ງກ່າວແມ່ນໝາກຜົນຂອງການຮ່ວມມືລະຫວ່າງລັດຖະບານສອງປະເທດ ເຊິ່ງໃນລະຫວ່າງການຢ້ຽມຢາມ ສປປ ລາວ
ຂອງພະນະທ່ານ ເທັນ ເຊັນ ປະທານາທິບໍດີແຫ່ງ ສ.ສ ມຽນມາ ຕາມການເຊື້ອເຊີນຂອງພະນະທ່ານ ຈູມມາລີ ໄຊຍະສອນ ປະ
ທານປະເທດແຫ່ງ ສປປ ລາວ ໃນວັນທີ 22 ມີນາ 2012 ທັງສອງຝ່າຍໄດ້ລົງນາມໃນສັນຍາລະຫວ່າງລັດຖະບານ ວ່າດ້ວຍການ
ກໍ່ສ້າງຂົວຂ້າມນ້ຳຂອງມິດຕະພາບ ລາວ-ມຽນມາ ຫຼັງຈາກນັ້ນ ກະຊວງກ່ຽວຂ້ອງທັງສອງຝ່າຍ ກໍໄດ້ດຳເນີນການສຳຫຼວດ ແລະ
ອອກແບບຮ່ວມມກັນມາ ແຕ່ເດືອນພຶດສະພາ 2012 ເປັນຕົ້ນມາ ມາເຖິງປັດຈຸບັນ ການອອກແບບຂົວໄດ້ສຳເລັດ ແລະ ການກໍ່
ສ້າງຂົວແຫ່ງນີ້ແມ່ນພ້ອມແລ້ວ.
ຂົວມິດຕະພາບ ລາວ-ມຽນມາ ມີທີ່ຕັ້ງຢູ່ບ້ານຫ້ວຍກຸ່ມ ປະມານ 15 ກິໂລແມັດ ຫ່າງຈາກບ້ານຊຽງກົກ ໄປທາງທິດເໜືອຂຶ້ນກັບ
ເມືອງລອງ ແຂວງຫຼວງນ້ຳທາ ປະມານ 500 ກິໂລແມັດ ທາງໃຕ້ຂອງບ້ານຊຽງລຽບ ເມືອງທ່າຂີ້ເຫຼັກ ລັດສານ ສ.ສ ມຽນມາ ຂົວ
ດັ່ງກ່າວຫ່າງຈາກນະຄອນຫຼວງວຽງຈັນ 698 ກິໂລແມັດ ຫ່າງຈາກນະຄອນຫຼວງນາປີຕໍ 940 ກິໂລແມັດ ຫ່າງຈາກນະຄອນຫຼວງ
ຮ່າໂນ້ຍ 1.020 ກິໂລແມັດ ແລະ ຫ່າງຈາກຊາຍແດນ ມຽນມາ-ອິນເດຍ-ບັງກະລາເດດ 1.868 ກິໂລແມັດ.
ຂົວມິດຕະພາບ ລາວ-ມຽນມາ ມີຄວາມຍາວທັງໝົດ 691,6 ແມັດ ກວ້າງ 10,9 ແມັດ ມີທາງລົດແລ່ນ 2 ຄອງ ກວ້າງ 8,5
ແມັດ ທາງຍ່າງ 2 ເບື້ອງ ກວ້າງເບື້ອງລະ 1,2 ແມັດ ເປັນຂົວທີ່ມີຂາງປະສົມ ເຊິ່ງມີຂາງເຫຼັກຍາວ 360 ແມັດ ສູງ 12 ແມັດ
ຢູ່ທາງກາງ (ຢຸ່ວັງ) ແລະ ເບຕົງອັດແຮງ ຍາວ 331,6 ແມັດ ຢູ່ທາງຝັ່ງຂົວແຫ່ງນີ້ ແມ່ນໄດ້ອອກແບບໃຫ້ຮັບນ້ຳໜັກລົດບັນທຸກ
10 ລໍ້ໄດ້ 75 ໂຕນ ຮັບແຮງສັ່ນຂອງແຜ່ນດິນໄຫວໄດ້ໃນລະດັບ 7,0 ຣິກເຕີລົງມາ ແລະ ກຳປັ່ນ 500 ໂຕນ ສາມາດລອດ
ຜ່ານໄປໄດ້.
ໂຄງການກໍ່ສ້າງຂົວມິດຕະພາບ ລາວ-ມຽນມາ ແຫ່ງນີ້ ແມ່ນມີມູນຄ່າທັງໝົດ 18 ລ້ານໂດລາສະຫະລັດ ຫຼື ປະມານ 144 ຕື້ກີບ
ໂດຍຈະນຳໃຊ້ງົບປະມານຂອງລັດຖະບານສອງປະເທດ ແລະ ການກໍ່ສ້າງຈະໃຫ້ສຳເລັດພາຍໃນໄລຍະເວລາ 30 ເດືອນ ນັບແຕ່ມື້
ວາງສີລາລຶກເປັນຕົ້ນໄປ ຮອດວັນທີ 15 ສິງຫາ 2015 ແລະ ການກໍ່ສ້າງຈະແບ່ງເຄິ່ງກັນກໍ່ສ້າງສອງສົ້ນເຂົ້າຫາກັນ ເພື່ອເຊື່ອມ
ຈອດກັນ ເຊິ່ງຝ່າຍລາວເຮົາເຈົ້າຂອງໂຄງການແມ່ນກະຊວງໂຍທາທິການ ແລະ ຂົນສົ່ງ ວິສາວະກອນທີ່ປຶກສາລັດວິສາຫະກິດ ວິ
ສະວະກຳຄົມມະນາຄົມ ລັດວິສາຫະກິດສຳຫຼວດອອກແບບ ແລະ ວິໄຈວັດສະດຸກໍ່ສ້າງ ແລະ ບໍລິສັດ ລາວຄອນເຊົາຕິງ ກຣຸບ ຜູ້
ຮັບເໝົາ ບໍລິສັດ ປະສົມລາວຮ່ວມກໍ່ສ້າງ (ລັດວິສາຫະກິດກໍ່ສ້າງຄົມມະນາຄົມ ລັດວິສາຫະກິດກໍ່ສ້າງທາງເລກ 8 ລັດວິສາຫະກິດ
ກໍ່ສ້າງທາງເລກ 20 ບໍລິສັດ ຄູນໄຊພັດທະນາກໍ່ສ້າງ ຈຳກັດ ບໍລິສັດ ຈິດຈະເລີນກໍ່ສ້າງ ຈຳກັດ ແລະ ບໍລິສັດ ຈະເລີນກໍ່ສ້າງ ຈຳ
ກັດ).
ພາຍຫຼັງສຳເລັດໂຄງການກໍ່ສ້າງຂົວມິດຕະພາບ ລາວ-ມຽນມາ ຂົວດັ່ງກ່າວຈະກາຍເປັນສັນຍະລັກແຫ່ງສາຍພົວພັນການຮ່ວມມື
ແລະ ຄວາມສາມັກຄີລະຫວ່າງປະຊາຊົນສອງປະເທດ ລາວ-ມຽນມາ ໂດຍຈະເຊື່ອມຕໍ່ທາງຫຼວງເລກທີ 17 ຂອງລາວ ເຂົ້າກັບ
ທາງຫຼວງເລກທີ 4 ຂອງມຽນມາ ແນໃສ່ສ້າງເງື່ອນໄຂອຳນວຍຄວາມສະດວກໃນການໄປມາຫາສູ່ ແລະ ຄ້າຂາຍນຳກັນ ເຊິ່ງນຳ
ເອົາຜົນປະໂຫຍດອັນໃຫຍ່ຫຼວງມາໃຫ້ປະຊາຊົນທັງສອງຊາດ ລວມທັງບັນດາປະເທດໃນອະນຸພາກພື້ນ ໂດຍສະເພາະ ລະຫວ່າງ
ລາວ-ມຽນມາ-ຫວຽດນາມ ແລະ ສປ ຈີນ ແລະ ອາດຈະຂະຫຍາຍໄປສູ່ອິນເດຍ ແລະ ບັງກະລາເດດ ອີກດ້ວຍ ໂດຍຜ່ານທາງ
ຫຼວງເລກທີ 17-13 ແລະ 2E ຂອງລາວ ແລະ ທາງຫຼວງເລກ 4 ຂອງມຽນມາ.
ທີ່ມາ:http://www.vientianemai.net

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...