ກຸ່ມກໍ່ການຮ້າຍໂບໂກຮາຣາມ ບຸກໂຈມຕີບ້ານແຫ່ງໜຶ່ງ ທາງພາກຕາເວັນຕົກສຽງເໜືອຂອງໄນຈີເຣຍ ແລະ ລັກພາຕົວ
ກຸ່ມເດັກນ້ອຍ ພ້ອມຊາວໜຸ່ມຊາຍໄປກ່ວາ 40 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 4 ມັງກອນຜ່ານມານີ້ວ່າ ກຸ່ມກໍ່ການຮ້າຍໂບໂກຮາຣາມ ໄດ້ບຸກເຂົ້າໂຈມຕີບ້ານ
ແລະ ລັກພາຕົວເດັກນ້ອຍຊາຍ ພ້ອມດ້ວຍຊາວໜຸ່ມເພດຊາຍ ອາຍຸລະຫວ່າງ 10-23 ປີ ປະມານ 40 ຄົນ ມຸ່ງໜ້າໄປຍັງປ່າ
ແຊມບິຊາ ຫ່າງອອກຈາກບ້ານດັ່ງກ່າວໄປປະມານ 20 ກິໂລແມັດ ໃກ້ກັບເມືອງກະວໍຊາ ທີ່ກຸ່ມໂບໂກຮາຣາມຍຶດຄອງຢູ່ໃນ
ປັດຈຸບັນ ໂດຍຄາດວ່າຕົວປະກັນເຫລົ່ານີ້ ຖືກຈັບກຸມໄປເພື່ອເຝິກເປັນກອງກຳລັງກໍ່ການຮ້າຍ ເສີມກຳລັງຄົນໃຫ້ແກ່ກຸ່ມ
ຕົນເອງ, ແນວໃດກໍຕາມ ກອງທັບໄນຈີເຣຍ ຍັງບໍ່ອອກມາໃຫ້ຄວາມເຫັນຕໍ່ເລື່ອງດັ່ງກ່າວນີ້ເທື່ອ.
ຕະຫລອດໄລຍະ 5 ປີຜ່ານມານີ້ ກຸ່ມໂບໂກຮາຣາມ ໄດ້ກໍ່ເຫດຄວາມບໍ່ສະຫງົບໃນປະເທດໄນຈີເຣຍ ເຮັດໃຫ້ມີຜູ້ເສຍຊີວິດ
ໄປແລ້ວກ່ວາ 13,000 ຄົນ ແລະ ໃນຂະນະດຽວກັນ ກໍມີອີກນັບຮ້ອຍຄົນ ຖືກລັກພາຕົວໄປອີກດ້ວຍ.