ທ່ານ ຄຳຫຼ້າ ແສງດາວົງ ອຳນວຍການລັດວິສາຫະກິດສະບຽງອາຫານ ນະຄອນຫຼວງວຽງຈັນ ໄດ້ໃຫ້ຮູ້ໃນທ້າຍອາທິດທີ່
ຜ່ານມາ ກ່ຽວກັບການສະໜອງຊີ້ນໃນໄລຍະປີໃໝ່ສາກົນວ່າ: ລັດວິສາຫະກິດສະບຽງອາຫານ ນວ ໄດ້ກະກຽມສະບຽງ
ອາຫານຕອບສະໜອງ ໃຫ້ກັບຜູ້ບໍລິໂພກໃນໄລຍະປີໃໝ່ສາກົນ 2015 ເປັນຕົ້ນຊີ້ນປາ ເພື່ອໃຫ້ພຽງພໍກັບຄວາມຕ້ອງ
ການຂອງຕະຫຼາດ ປັດຈຸບັນການ ສະໜອງຊີ້ນໝູແມ່ນ 28-30 ໂຕນຕໍ່ມື້ ຊີ້ນງົວ-ຄວາຍ 4-5 ໂຕນຕໍ່ມື້ ສ່ວນປາກະ
ຊັງ ແລະ ສັດປີກ ເປັນຕົ້ນ ເປັດ ໄກ່ ໄດ້ພຽງພໍກັບການສະໜອງ ເວົ້າລວມການສະໜອງທາດຊີ້ນໃນໄລຍະບຸນດັ່ງກ່າວ
ໄດ້ມີການກະກຽມສະໝອງທາດຊີ້ນເພີ່ມຂຶ້ນກວ່າປົກກະຕິ 20% ຈຶ່ງສົ່ງຜົນໃຫ້ລາຄາໃນທ້ອງຕະຫຼາດປີນີ້ ຄາດວ່າຈະ
ບໍ່ມີການເໜັງຕີງຫຼາຍນັ້ນ ກໍ່ຍ້ອນການຕອບສະໜອງທາດຊີ້ນທີ່ພຽງພໍກັບຄວາມຕ້ອງການ ແຕ່ເຖິງຢ່າງໃດກໍ່ຕາມ
ກໍ່ຮຽກຮ້ອງໃຫ້ຜູ້ປະກອບການຂາຍທາດຊີ້ນ ກໍ່ຄືແມ່ຄ້າຊາວຂາຍ ຈົ່ງພ້ອມກັນເອົາໃຈໃສ່ປະຕິບັດຕາມລາຄາທີ່ພາກ
ລັດ ກຳນົດໃຫ້ຢ່າງເຂັ້ມງວດ ນັ້ນກໍ່ເພື່ອຄວາມເປັນທຳຂອງຜູ້ບໍລິໂພກ ແລະ ພ້ອມນີ້ ກໍ່ຮຽກຮ້ອງໃຫ້ພາກສ່ວນທີ່ກ່ຽວ
ຂ້ອງ ລົງຕິດຕາມກວດກາທາງດ້ານລາຄາຢ່າງເຂັ້ມງວດ ໂດຍສະເພາະແມ່ນຊີ້ນໝູທີ່ຍັງມີລາຄາແພງ ໃນຄະນະລາຄາ
ໝູໜ້າຟາມແມ່ນຫຼຸດລົງຫຼາຍ ປັດຈຸບັນມີລາຄາພຽງ 16 ພັນກີບຕໍ່ກິໂລເທົ່ານັ້ນ.
ແຫລ່ງຂ່າວ: ວຽງຈັນໃໝ່