ໝໍເຖື່ອນຄົນໜຶ່ງໃນປະເທດກຳປູເຈຍ ຖືກຕັ້ງຂໍ້ຫາໜັກ 3 ກະໂທງ ຫລັງຈາກເຮັດໃຫ້ເຊື້ອເອດແຜ່ກະຈາຍ ມີຜູ້ຕິດ
ເຊື້ອຫລາຍກ່ວາ 100 ຄົນ ໃນບ້ານໂຣກາ ແຂວງພະຕະບອງ.
ສຳນັກຂ່າວຕ່າງປະເທດ ລາຍງານໃນວັນທີ 24 ທັນວານີ້ວ່າ ສານປະຈຳແຂວງພະຕະບອງ ໄດ້ຕັ້ງຂໍ້ຫາແຜ່ກະຈາຍເຊື້ອ
HIV, ຂໍ້ຫາຄາຕະກຳຢ່າງທາລຸນ ແລະ ຂໍ້ຫາລະເມີດຈະລິຍະທຳທາງການແພດ ແກ່ທ່ານໝໍ ເຍມ ຊະຣິນ ເຊິ່ງເປັນໝໍ
ທີ່ບໍ່ມີໃບອະນຸຍາດປະກອບວິຊາຊີບ ອາຍຸ 55 ປີ ໃນບ້ານໂຣກາ ຫລັງຈາກທີ່ເຂົາໄດ້ເຮັດໃຫ້ຊາວບ້ານຫລາຍກ່ວາ 100
ຄົນ ລວມເຖິງເດັກນ້ອຍ 6 ປີ ຕິດເຊື້ອເອດ.
ໃນລະຫວ່າງການສືບສວນຂອງເຈົ້າໜ້າທີ່ ທ່ານ ເຍມ ຊະຣິນ ໄດ້ຍອມຮັບວ່າ ຕົນເອງໄດ້ໃຊ້ເຂັມສັກຢາເຫລັ້ມເກົ່າກັບ
ຄົນເຈັບ 2 ຫລື 3 ຄົນ, ກ່ອນທີ່ຈະປ່ຽນໄປໃຊ້ອັນໃໝ່ ໃນຂະນະທີ່ ທ່ານ ເຮັງ ລຸຍ ຮອງໄອຍະການປະຈຳແຂວງພະຕະ
ບອງ ໄດ້ບອກຕໍ່ຜູ້ສື່ຂ່າວຕ່າງປະເທດວ່າ ທ່ານໝໍເຖື່ອນຜູ້ນີ້ ຈະໄດ້ຮັບໂທດຈຳຄຸກຕະຫລອດຊີວິດ ຫາກຖືກຕັດສິນ
ວ່າມີຄວາມຜິດແທ້ຈິງ ແລະ ທ່ານຍັງໄດ້ກ່າວອີກວ່າ ຄົນເຈັບຈຳນວນໜຶ່ງທີ່ເຄີຍເຂົ້າປິ່ນປົວກັບທ່ານໝໍຜູ້ນີ້ ບາງຄົນ
ແມ່ນໄດ້ເສຍຊີວິດໄປແລ້ວກໍມີ.