ປະຈຸບັນ ແຂວງຊຽງຂວາງກຳລັງຫ້າງຫາກະກຽມ ຈັດງານເທສະການບຸນເຂົ້າໄກ່ນ້ອຍ ເປັນຄັ້ງປະຫວັດສາດຂອງແຂວງ
ກໍຄືຂອງ ສປປ ລາວ ເພື່ອເຮັດໃຫ້ພໍ່ແມ່ປະຊາຊົນບັນດາເຜົ່າເຫັນໄດ້ເຖິງຄວາມສຳຄັນ, ຄຸນປະໂຫຍດຂອງເຂົ້າໄກ່ນ້ອຍ
ແລະ ຫັນມາປູກເຂົ້າຊະນິດນີ້ເປັນສິນຄ້າປາຍແຫຼມສ້າງລາຍຮັບໃຫ້ຊາວກະສິກອນ.
ພະແນກຖະແຫຼ່ງຂ່າວວັດທະນະທຳ ແລະ ທ່ອງທ່ຽວ ແຂວງຊຽງຂວາງ ໃນນາມຄະນະຈັດງານເທສະການບຸນເຂົ້າໄກ່ນ້ອຍ
ປະຈຳປີ 2014 ໄດ້ລາຍງານຕໍ່ທີມຂ່າວເສດຖະກິດໃຫ້ຮູ້ວ່າ: ໃນວັນທີ 22-25 ທັນວາ ຢູ່ແຂວງຊຽງຂວາງຈະມີການຈັດຕະ
ຫຼາດນັດວາງສະແດງສິນຄ້າປະເພດ ຕ່າງໂດຍສະເພາະແມ່ນຜະລິດຕະພັນຂອງເຂົ້າໄກ່ນ້ອຍ ຊຶ່ງເປັນການຈັດຂຶ້ນຄັ້ງທຳ
ອິດຂອງແຂວງກໍຄື ສປປ ລາວ ໃນວັນ ທີ 24-25 ທັນວາ 2014 ແມ່ນເປີດງານເທສະການບຸນເຂົ້າໄກ່ນ້ອຍຢ່າງເປັນທາງ
ການ ນອກນັ້ນ ຈະມີການສະແດງ ສິລະປະພື້ນເມືອງ ແລະ ຫຼິ້ນເກມ ຫຼື ເຮັດກິດຈະກຳອື່ນໆ.
ເຂົ້າໄກ່ນ້ອຍໄດ້ຮັບການສົ່ງເປັນພິ ເສດເນື່ອງຈາກມີລັກສະນະ ແລະ ຈຸດພິເສດແຕກຕ່າງກັບເຂົ້າປະເພດອື່ນຄື: ມີລຳຕົ້ນ
ແຂງແຮງ (ບໍ່ລົ້ມ), ມີຄວາມທົນຕໍ່ສັດຕູພືດ, ມີກິ່ນຫອມ ແລະ ອ່ອນນຸ່ມນວນມີປະລິມານຄຸນນະພາບສູງສີໄດ້ເຂົ້າປະມານ
75-80% ກິນບໍ່ເປືອງທີ່ສຳຄັນຕາມການເລົ່າລືຂອງເຖົ້າແກ່ແນວໂຮມບ້ານນາອູ່ ເມືອງຄູນໃຫ້ຮູ້ວ່າ: ເຂົ້າໄກ່ນ້ອຍເປັນແນວ
ເຂົ້າພື້ນເມືອງທີ່ຕິດພັນກັບການດຳລົງຊີວິດ ຂອງປະຊາຊົນບັນດາເຜົ່າ ກໍຄືແຂວງຊຽງຂວາງມາຫຼາຍກວ່າ 300 ປີມາແລ້ວ
ຊຶ່ງປະຈຸບັນຊາວກະສິກອນຍັງສືບຕໍ່ປູກເປັນປະຈຳໃນທຸກໆປີ.
ອີງຕາມການເກັບກຳຂໍ້ມູນຂອງຂະແໜງປູກຝັງພະແນກກະສິກຳ ແລະ ປ່າໄມ້ແຂວງຊຽງຂວາງ ໂດຍການສະໜັບສະໜູນ
ຈາກໂຄງການພັດທະນາລະບົບ ນິເວດ-ຊີວະນາໆເຂດພູດອຍ (TABI) ເຂົ້າໄກ່ນ້ອຍສາມາດປູກໄດ້ຢູ່ 4 ເມືອງ ຄື: ເມືອງແປກ,
ພູກູດ, ເມືອງຜາໄຊ ແລະ ເມືອງຄູນ ມາຮອດປີ 2014 ນີ້ ມີຈຳນວນ 20 ກຸ່ມ ແລະ ຫຼາຍກວ່າ 182 ບ້ານກວມ 38% ໃນຈຳ
ນວນບ້ານໃນທົ່ວແຂວງ.
ຄະນະຈັດງານເທສະການໃຫ້ຮູ້ວ່າ: ເຂົ້າໄກ່ນ້ອຍແຂວງຊຽງຂວາງທີ່ຊາວກະສິກອນນິຍົມກັນປູກ ແລະ ບໍລິໂພກໃນປະຈຸບັນ
ແມ່ນເຂົ້າແນວພັນພື້ນເມືອງທີ່ຊາວກະສິກອນເລືອກເຟັ້ນມາຫຼາຍ 10 ປີ ຊຶ່ງລວມມີ 5 ຊະນິດຄື: ເຂົ້າໄກ່ ນ້ອຍຂາວ, ເຫຼືອງ,
ແດງ, ລາຍ ແລະ ເຂົ້າໄກ່ນ້ອຍດຳເປັນເຂົ້າທີ່ມີລົດຊາດ ຫອມເຂົ້າທັງ 5 ຊະນິດ ມີຄຸນນະພາບ ແລະ ຈຸດພິເສດໃກ້ຄຽງກັນ
ເປັນປະເພດເຂົ້າປີມີອາຍຸສະເລ່ຍ 150-180 ວັນນັບ ແຕ່ເວລາຕົກກ້າຮອດການເກັບກ່ຽວຕົກຢູ່ໃນເດືອນຕຸລາ-ເດືອນພະ
ຈິກ.
ສຳລັບເຂົ້າໄກ່ນ້ອຍໃນປະຈຸບັນກຳ ລັງເປັນທີ່ລືຊື່ ແລະ ນິຍົມຫຼາຍຈາກຜູ້ບໍລິ ໂພກທັງພາຍໃນ ແລະ ຕ່າງປະເທດ ນອກນັ້ນ
ຍັງມີຜະລິດຕະພັນອຸດສາຫະກຳທີ່ເກີດຂຶ້ນໃໝ່ໂດຍມີຜົນພວງມາຈາກ ເຂົ້າໄກ່ນ້ອຍນັ້ນຄື ເບຍເຂົ້າໄກ່ນ້ອຍ ຊຶ່ງເປັນໄປໄດ້
ພືດຊະນິດນີ້ຈະສືບຕໍ່ເປັນທີ່ຕ້ອງການຫຼາຍໃນ ອຸດສາຫະກຳນັບທັງການບໍລິໂພກ ດັ່ງນັ້ນ ເພື່ອເປັນການຊຸກຍູ້ສົ່ງເສີມການ
ຜະລິດກະສິກຳໃຫ້ເປັນສິນຄ້າ ປະກອບສ່ວນພັດທະນາເສດຖະກິດ-ສັງຄົມຂອງຊາດ, ຂອງທ້ອງຖິ່ນແກ້ໄຂຊີວິດການເປັນ
ຢູ່ຂອງປະຊາຊົນບັນດາເຜົ່າໃຫ້ດີ ຂຶ້ນແຂວງຊຽງ ຂວາງຈິ່ງເລືອກເອົາເຂົ້າໄກ່ນ້ອຍເປັນໜຶ່ງໃນສິນຄ້າປາຍແຫຼມທີ່ຈະ ຊ່ວຍ
ສ້າງລາຍຮັບໃຫ້ກັບຊາວກະສິກອນໃນຕໍ່ໜ້າ.
ແຫລ່ງຂ່າວ: ເສດຖະກິດ – ສັງຄົມ