ບັນຍາກາດອົບອຸ່ນ ເຕັມໄປດ້ວຍຮອຍຍິ້ມ, ເປັນກັນເອງ ເມື່ອນັກທ່ອງທ່ຽວຈາກຕ່າງປະເທດໄດ້ເດີນທາງມາຢ້ຽມຢາມ ແລະ ສຳຜັດວັດທະນະທໍາທ້ອງຖິ່ນອັນເປັນເອກະລັກ.
ກິດຈະກຳໃນການຢ້ຽມຢາມຄັ້ງນີ້, ໄດ້ເປີດໂອກາດໃຫ້ແຂກຕ່າງຊາດໄດ້ຮ່ວມຮຽນຮູ້ການຕ່ຳແພພື້ນເມືອງ, ຕັ້ງແຕ່ຂັ້ນຕອນການປັ່ນຝ້າຍແບບທຳມະຊາດ, ການຍ້ອມຝ້າຍ-ແຜ່ນແພ, ໄປຈົນເຖິງການຕ່ຳຫູກດ້ວຍກີ່ບູຮານທີ່ມີອາຍຸຫຼາຍ 200 ປີ, ຈັກສານ, ແຕ່ງກິນ, ຊົມດົນຕີພື້ນເມືອງ ແລະ ການຕີພ້າ.
ກິດຈະກຳດັ່ງກ່າວ, ສະທ້ອນໃຫ້ເຫັນເຖິງການຮັກສາພູມປັນຍາຂອງຄົນລາວເຮົາທີ່ສືບທ້ອນກັນມາແຕ່ດົນນານ ແລະ ຍັງເປັນໃຫ້ຄວາມຮູ້ກ່ຽວກັບວິຖີຊີວິດອັນແທ້ຈິງຂອງໄຕລື້. ພ້ອມກັນນີ້, ສະຖານທີ່ດັ່ງກ່າວ, ຍັງເປັນສະຖານທີ່ພັກຜ່ອນທີ່ງຽບສະຫງົບ ມີເຮືອນພັກແບບໄຕລື້ ເປັນເຮືອງຊົງລາວທີ່ເຮັດດ້ວຍໄມ້. ສຸດທ້າຍ ກ່ອນທີ່ແຂກຈະກັບ ຍັງໄດ້ເຮັດພິທີບາສີສູ່ຂວັນ ຜູກແຂນ-ມັດແຂນ ຕາມຮີດຄອງປະເພນີລາວເຮົາ ແລະ ທີ່ສຳຄັນ ແມ່ນເຮັດໃຫ້ແຂກຜູ້ມາຢ້ຽມຢາມປະທັບໃຈໃນຄວາມເປັນລາວອີກດ້ວຍ.
ສະຖານທີ່ແມ່ນຢູ່ບ້ານນາຍາງໃຕ້, ເມືອງນ້ຳບາກ, ແຂວງຫຼວງພະບາງຖ້າທ່ານສົນໃຈຮຽນຮູ້ແມ່ນສາມາດຕິດຕໍ່ເບີ: 020 5500 4665
ຮູບພາບ: Tai Lue Homestay&Arts