spot_img
Home​ຂ່າວທ່ອງທ່ຽວໄດ້ຮັບຫຼາຍກວ່າ 20 ລາງວັນ! ສປປ ລາວ ໄດ້ຮັບລາງວັນ ມາດຕະຖານການທ່ອງທ່ຽວອາຊຽນ ຫຼາຍກວ່າ 20 ລາງວັນ ໃນງານມະຫະກໍາການທ່ອງທ່ຽວອາຊຽນ 2026

ໄດ້ຮັບຫຼາຍກວ່າ 20 ລາງວັນ! ສປປ ລາວ ໄດ້ຮັບລາງວັນ ມາດຕະຖານການທ່ອງທ່ຽວອາຊຽນ ຫຼາຍກວ່າ 20 ລາງວັນ ໃນງານມະຫະກໍາການທ່ອງທ່ຽວອາຊຽນ 2026

Published on

ບັນດາປະເທດສະມາຊິກອາຊຽນ ໄດ້ຮັບລາງວັນທັງໝົດ 211 ລາງວັນ ຊຶ່ງປະກອບມີ 4 ປະເພດລາງວັນມາດຕະຖານ ຄື: ລາງວັນມາດຕະຖານໂຮງແຮມຂຽວອາຊຽນ, ລາງວັນມາດຕະຖານເມືອງທ່ອງທ່ຽວສະອາດອາຊຽນ, ລາງວັນມາດຕະຖານສະຖານທີ່ຈັດງານອາຊຽນ ແລະ ລາງວັນການ ທ່ອງທ່ຽວແບບຍືນຍົງອາຊຽນ ໃນງານມະຫະກໍາການທ່ອງທ່ຽວອາຊຽນ ປະຈຳປີ 2026 ຈັດຂຶ້ນໃນລະຫວ່າງວັນທີ 25-31 ມັງກອນ 2026 ທີ່ເຊບູ ປະເທດຟີລິບປິນ. ໃນນັ້ນ, ສປປ ລາວ ກໍໄດ້ຮັບຫຼາຍກວ່າ 20 ລາງວັນ.

ສໍາລັບ ມາດຕະຖານໂຮງແຮມຂຽວອາຊຽນ ສປປ ລາວ ໄດ້ຮັບ 5 ລາງວັນ ຄື: ໂຮງແຮມສຸພັດຕຣາເຮີຣິເທຈ ນະຄອນຫຼວງວຽງຈັນ(ນວ), ໂຮງແຮມເດິແກຣນຫຼວງພະບາງ ແຂວງຫຼວງພະບາງ, ໂຮງແຮມອາມາຣີວຽງຈັນ ນວ, ໂຮງແຮມຢູຫຼວງພະບາງ ແຂວງຫຼວງພະບາງ, ໂດນຟຸກຣີສອດ ນວ, ລາງວັນມາດຕະຖານເມືອງທ່ອງທ່ຽວສະອາດອາຊຽນ ສປປ ລາວ ໄດ້ຮັບ 4 ລາງວັນ ຄື: ນະຄອນໄກສອນ ພົມວິຫານ ແຂວງສະຫວັນນະເຂດ, ນະຄອນປາກເຊ ແຂວງຈໍາປາສັກ, ນະຄອນ ຫຼວງພະບາງ ແຂວງຫຼວງພະບາງ, ເມືອງວຽງໄຊ ແຂວງຫົວພັນ. ລາງວັນມາດຕະຖານ ສະຖານທີ່ຈັດງານອາຊຽນ ສປປ ລາວ ໄດ້ຮັບ 10 ລາງວັນ ຄື: ປະເພດສະຖານທີ່ຈັດກອງປະຊຸມ 5 ລາງວັນ: ໂຮງແຮມຮໍລິເດອິນ ນວ, ໂຮງແຮມສຸພັດຕຣາວຽງຈັນ ນວ. ໂຮງແຮມລາດຊະວົງວັນດ້າວິສຕ້າ ນວ, ໂຮງແຮມເມືອງແທັງລັກເຊີລີວຽງຈັນ ນວ, ຫໍປະຊຸມແຂວງອັດຕະປື.

ສ່ວນປະເພດສະຖານທີ່ຈັດງານເທສະການ 5 ລາງວັນ: ໂຮງແຮມສຸພັດຕຣາວຽງຈັນ ນວ, ໂຮງແຮມເດິແກຣນ ຫຼວງພະບາງ, ສູນການຄ້າວຽງຈັນເຊັນເຕີ ນວ, ໂຮງແຮມເມືອງແທັງລັກເຊີລີວຽງຈັນ ນວ, ສະຖານທີ່ຈັດງານເທສະການຕາດເລາະ ແຂວງສາລະວັນ; ລາງວັນການທ່ອງທ່ຽວແບບຍືນຍົງອາຊຽນ ສປປ ລາວ ໄດ້ຮັບ 2 ລາງວັນ ຄື: ຫໍພິພິທະພັນແຫ່ງຊາດ ແຂວງຫຼວງພະບາງ ເປັນລາງວັນສໍາລັບຜະລິດຕະພັນການທ່ອງທ່ຽວໃນຕົວເມືອງ, ນໍ້າກັດຢໍລະປ່າ ແຂວງອຸດົມໄຊ ເປັນລາງວັນສຳລັບຜະລິດຕະພັນການທ່ອງທ່ຽວເຂດຊົນ ນະບົດ.

ນອກຈາກນີ້, ສປປ ລາວ ຍັງໄດ້ຮັບລາງວັນອີກຈໍານວນ 38 ລາງວັນ ຊຶ່ງຈະມີພິທີມອບລາງ ວັນທັງໝົດນີ້ຮ່ວມກັນອີກຄັ້ງຢູ່ພາຍໃນປະເທດ ໃນເດືອນກຸມພາ 2026 ນີ້ ເພື່ອເປັນການຍ້ອງຍໍຊົມເຊີຍທຸກພາກສ່ວນທີ່ໄດ້ຮັບລາງວັນໃນຄັ້ງນີ້.

ແຫຼ່ງຂໍ້ມູນ: ກົມພັດທະນາການທ່ອງທ່ຽວ

ບົດຄວາມຫຼ້າສຸດ

ສະໜັບສະໜູນ 35 ພັນໂດລາ! ລັດຖະບານຕວັກກີ ສະໜັບສະໜູນອຸປະກອນການແພດສຳລັບເດັກເກີດໃໝ່ ມູນຄ່າ 35 ພັນໂດລາ ໃຫ້ໂຮງໝໍຢູ່ແຂວງສາລະວັນ

ວັນທີ 12 ກຸມພາ 2026 ທີ່ຜ່ານມານີ້ນີ້ ຢູ່ທີ່ຫ້ອງປະຊຸມໂຮງໝໍແຂວງສາລະວັນ ໄດ້ຈັດພິທີມອບ–ຮັບ ການສະໜັບສະໜູນອຸປະກອນການແພດສຳລັບເດັກເກີດໃໝ່ ໂດຍອົງການຮ່ວມມື ແລະ ປະສານງານຂອງຕວັກກີ (TIKA ) (ໂຄງການ...

ເປັນຫຍັງຈຶ່ງໃຫ້ດອກກຸຫຼາບ? ໃນວັນແຫ່ງຄວາມຮັກຂອງທຸກໆປີ ຜູ້ຄົນຈະບໍ່ກ້າເວົ້າຄໍາວ່າຮັກໂດຍກົງ ດອກກຸຫຼາບ ຈຶ່ງຖືກໃຊ້ເປັນສື່ກາງແທນຄໍາເວົ້າ

ໃນທຸກໆປີ ເມື່ອເຖິງມື້ວາເລັນທາຍ 14 ກຸມພາ ດອກກຸຫຼາບຈະກາຍເປັນດອກໄມ້ທີ່ໄດ້ຮັບຄວາມນິຍົມຫຼາຍທີ່ສຸດໃນການມອບໃຫ້ກັນເປັນຂອງຂວັນ. ດອກໄມ້ຊະນິດນີ້ບໍ່ແຕ່ມີຄວາມງາມ ແຕ່ຍັງເປັນຕົວແທນຂອງຄວາມຮັກ ແລະຄວາມພິເສດ. ດອກກຸຫຼາບໄດ້ຖືກເຊື່ອມໂຍງກັບຄວາມຮັກມາຕັ້ງແຕ່ອະດີດ. ໃນວັດທະນະທໍາໂຣມັນ ດອກກຸຫຼາບແມ່ນດອກໄມ້ປະຈໍາຂອງ Venus ເທບແຫ່ງຄວາມຮັກ. ຄົນໃນຍຸກນັ້ນເຊື່ອວ່າ ດອກກຸຫຼາບສີແດງເປັນຕົວແທນຂອງຄວາມຮັກ...

ມີລາຍຮັບ 94 ລ້ານໂດລາ ໃນປີ 2025 ຂະແໜງການທ່ອງທ່ຽວແຂວງຈໍາປາສັກ ສາມາດສ້າງລາຍຮັບຫຼາຍກວ່າ 94 ລ້ານໂດລາ

ໃນໄລຍະ 1 ປີຜ່ານມາ ຫຼື ປີ 2025 ທີ່ຜ່ານມາ, ແຂວງຈໍາປາສັກມີລາຍຮັບຫຼາຍກວ່າ 94 ລ້ານໂດລາຈາກຂະແໜງທ່ອງທ່ຽວໂດຍມີນັກທ່ອງທ່ຽວເຂົ້າມາທ່ຽວພາຍໃນແຂວງ ທັງໝົດ 728,064 ເທື່ອຄົນ, ໃນນັ້ນ,​...

ເສີມຂະຫຍາຍສາຍພົວພັນ ສອງນາຍົກລັດຖະມົນຕີ ລາວ-ກໍາປູເຈຍ ພົບປະປຶກສາຫາລືເສີມຂະຫຍາຍການພົວພັນຮ່ວມມືສອງຝ່າຍ

ໃນວັນທີ 7 ກຸມພາ 2026 ທີ່ຜ່ານມາ, ທີ່ນະຄອນຫຼວງພະນົມເປັນ ຣາຊະອານາຈັກກໍາປູເຈຍ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ...