- ລີດເຄື່ອງຂະນະທີ່ແຫ້ງສຸດໆ
ເຄື່ອງທີ່ແຫ້ງຫລາຍເກີນໄປຈະເຮັດໃຫ້ເກີດຄວາມຍາກລຳບາກໃນການລີດໃຫ້ລຽບ ເພາະຜ້າຈະບໍ່ສາມາດຄາຍຕົວຈາກຮອຍຍໍ່ໄດ້ ຖິງຈະຖືກຄວາມຮ້ອນກໍຕາມ ດັ່ງນັ້ນນ້ຳຢາລີດເຄື່ອງຄືຕົວຊ່ວຍທີ່ດີນຳມາສີດພົ່ນທີ່ຜ້າເພື່ອໃຫ້ຊຸ່ມຊື້ນກ່ອນຈະ ລີດເພື່ອໃຫ້ເຕົາລີດເຄື່ອນຕົວໄດ້ງ່າຍກວ່າ ຫລື ສີດພົມນ້ຳເບົາໆ ໃຫ້ທົ່ວຜ້າກໍໄດ້ ຢ່າທົນຝືນລີດຜ້າທັງທີ່ແຫ້ງແລະມີຮອຍຍໍ່ຢູ່ເຕັມໄປຫມົດຈະດີກວ່າ
2. ເກັບຜ້າເນື້ອບາງໄວ້ລີດທີ່ຫລັງ
ຜ້າທີ່ບາງເບົາຈະບອບບາງ ສະນັ້ນເຮົາບໍ່ຈຳເປັນຕ້ອງສີດນ້ຳຢາລີດຜ້າກໍໄດ້ ພຽງລີດຜ້າຊະນິດນີ້ເປັນອັນດັບແຮກດ້ວຍຄວາມຮ້ອນຕ່ຳ ແລະ ປູໜ້າຮອງລີດດ້ວຍຜ້າຄອດຕອນ ຫລື ຜ້າລິນິນເພື່ອປັບອຸນຫະພູມໃຫ້ຄົງທີ່ ເພາະການເກັບຜ້າທີ່ບາງເບົາໄວ້ລີດພາຍຫລັງ ເຮັດໃຫ້ເຕົາລີດມີຄວາມຮ້ອນສູງເກີນໄປ ຈົນຜ້າອາດໄໝ້ ຫລື ເປັນຮອຍໄດ້
3. ໝຸນລະດັບຄວາມຮ້ອນຈົນສຸດທຸກຄັ້ງ
ຫາກເປັນການລີດຜ້າເນື້ອປະສົມ ຕ້ອງປັບລະດັບຄວາມຮ້ອນໃຫ້ພໍດີກັບເນື້ອຜ້າ ໂດຍຄວນສຶກສາຊະນິດຂອງຜ້າກັບການປັບລະດັບຄວາມຮ້ອນໃຫ້ດີ ເຊັ່ນ ເບິ່ງຄຳແນະນຳວ່າເສື້ອຕ້ອງການຄວາມຮ້ອນລະດັບໃດ ແລ້ວປັບໃຫ້ກົງກັບເນື້ອຜ້າ ຈະຖະໜອມຜ້າໄດ້ດີກວ່າການໃຊ້ໄຟແຮງສຸດ
4. ເບິ່ງຂ້າມນ້ຳປະປາໄປ
ຫາກເຕົາລີດໄອນ້ຳຂອງເຈົ້າເກີດນ້ຳໝົດກະທັນຫັນ ເພື່ອຄວາມສະດວກໃນການຫານ້ຳມາເຕີມເຕົາລີດແບບໄອນ້ຳ ເຮົາກໍສາມາດໃຊ້ນ້ຳປະປາແທນການໃຊ້ນ້ຳຢາໄດ້ ແຕ່ຖ້າຫາກໃຜສາມາດຫານ້ຳຢາມາໄດ້ ຈະລອງປະສົມກັບນ້ຳປະປາຢ່າງລະເຄຶ່ງ ເພື່ອຄວາມປະຫຍັດກໍໄດ້ເຊັ່ນກັນ ແລ້ວຈະຮູ້ວ່ານ້ຳປະປາກໍຄຸ້ມຄ່າກວ່າທີ່ຄິດ
5. ບໍ່ເຄີຍເຮັດຄວາມສະອາດເຕົາລີດເລີຍ
ເຕົາລີດທີ່ຜ່ານການໃຊ້ງານມາດົນ ຍ່ອມຈະຕ້ອງມີຄາບ ຫລື ຮອຍໄໝ້ບໍລິເວນແຜ່ນຄວາມຮ້ອນເປັນທຳມະດາ ແຕ່ຫລາຍຄົນກັບເບິ່ງຂ້າມ ແລະ ບໍ່ຄ່ອຍເຮັດຄວາມສະອາດເຕົາລີດກັນເທົ່າໃດ ຮູ້ບໍວ່າຖ້າບໍ່ໝັ່ນເຮັດຄວາມສະອາດເຕົາລີດ ອາດເຮັດໃຫ້ຜ້າຂອງເຈົ້າເສຍຫາຍຈົນອາດເສຍດາຍພາຍຫລັງກໍໄດ້ ເພາະວິທີກໍງ່າຍຫລາຍໆ ນຳຂອງແຫລວ ຫລື ເຈວມາຖູບໍລິເວນ ໜ້າເຕົາລີດ ແລະໃຊ້ຜ້າຂົນໜູເກົ່າໆ ເຊັດອອກ ຮອຍໄໝ້ ແລະ ຄາບກໍຈະຫາຍໄປ
6. ເຕີມນ້ຳໃນເຕົາລີດໄອນ້ຳບໍ່ເຄີຍຂາດ
ທີ່ຈິງແລ້ວນ້ຳທີ່ຄັ່ງຄ້າງຢູ່ໃນເຕົາລີດໄອນ້ຳ ຄວນເທອອກເມື່ອໃຊ້ງານສຳເລັດແລ້ວ ຖ້າບໍ່ເຊັ່ນນັ້ນນ້ຳອາດຈະຮົ່ວຊຶມເຂົ້າໄປທຳລາຍກົນໄກພາຍໃນເຕົາລີດ ແລະ ສີທີ່ແຜ່ນຄວາມຮ້ອນຈະຫລຸດລ່ອນອອກໄດ້ ຫກລາຍຄົນຄິດວ່າເຕີມນ້ຳຖິ້ມເອົາໄວ້ຄືວິທີທີ່ຊ່ວຍປະຫຍັດເວລາ ຂໍບອກວ່າຕ້ອງປ່ຽນດ່ວນເລີຍ